<p>ದೇವಸ್ಥಾನಗಳ ನಗರಿ ಉಡುಪಿ ಬ್ಯಾಂಕಿಂಗ್ ಕ್ಷೇತ್ರದಲ್ಲೂ ಹೆಸರುವಾಸಿ. ಹಲವು ಬ್ಯಾಂಕ್ಗಳ ಮೂಲ ನೆಲೆ ಉಡುಪಿ. ಉಡುಪಿಯ ರಾಷ್ಟ್ರೀಕೃತ ಕಾರ್ಪೋರೇಶನ್ ಬ್ಯಾಂಕ್ ಈಗ ನಾಣ್ಯ,ನೋಟುಗಳ ಹೆರಿಟೇಜ್ ಮ್ಯೂಸಿಯಂ ಸ್ಥಾಪಿಸಿದೆ. <br /> <br /> ಜಗತ್ತಿನ ಹಲವು ದೇಶಗಳಲ್ಲಿ ನಾಣ್ಯ ಹಾಗೂ ನೋಟುಗಳ ವ್ಯವಸ್ಥೆ ನಡೆದು ಬಂದ ಹಾದಿಯನ್ನು ಸಾರ್ವಜನಿಕರಿಗೆ ಪರಿಚಯಿಸುವ ಮಹತ್ವದ ಕೆಲಸಕ್ಕೆ ಕೈಹಾಕಿದೆ. <br /> <br /> ಉಡುಪಿಯ ಖಾನ್ ಬಹದ್ದೂರ್ ಅಬ್ದುಲ್ ಹಾಜಿ ಕಾಶಿಂ ಸಾಹೇಬ್ ಅವರು 1906ರಲ್ಲಿ ಕಾರ್ಪೋರೇಶನ್ ಬ್ಯಾಂಕ್ ಸ್ಥಾಪಿಸಿದರು. ಬ್ಯಾಂಕು ಇತ್ತೀಚೆಗೆ 106ನೇ ಸಂಸ್ಥಾಪಕರ ದಿನಾಚರಣೆಯನ್ನು ಆಚರಿಸಿದೆ. ಅದರ ನೆನಪಿಗೆ ಈ ನಾಣ್ಯ-ನೋಟುಗಳ ಹೆರಿಟೇಜ್ ಮ್ಯೂಸಿಯಂ ಸ್ಥಾಪಿಸಿದೆ. <br /> <br /> ಬ್ಯಾಂಕಿಂಗ್ ಕ್ಷೇತ್ರಕ್ಕೆ ಸಂಬಂಧಿಸಿದ ಮೊದಲ ನಾಣ್ಯಗಳ ಮ್ಯೂಸಿಯಂ ರೂಪಿಸಿದ ಹಿರಿಮೆ ಕಾರ್ಪೋರೇಷನ್ ಬ್ಯಾಂಕಿಗೆ ಸಲ್ಲುತ್ತದೆ. ಜಗತ್ತಿನ ವಿವಿಧ ದೇಶಗಳ ಅಪರೂಪದ ನೋಟು, ನಾಣ್ಯಗಳನ್ನು ನೋಡುವ ಅವಕಾಶ ಇಲ್ಲಿದೆ. ಅಷ್ಟೇ ಅಲ್ಲ ಈ ಕುರಿತ ಮಾಹಿತಿಯನ್ನು ಪಡೆಯುವ ಅವಕಾಶ ಕಲ್ಪಿಸಲಾಗಿದೆ. <br /> <br /> ಇದು ಬ್ಯಾಂಕ್ಗೆ ಸಂಬಂಧಿಸಿದ ಪಾರಂಪರಿಕ ವಸ್ತು ಪ್ರದರ್ಶನ ಕೇಂದ್ರ. ನಾನಾ ದೇಶಗಳ ನಾಣ್ಯಗಳು, ಹಳೇ ಕಾಲದ ಬ್ಯಾಕಿಂಗ್ ವ್ಯವಸ್ಥೆ, ಕಾರ್ಪೋರೇಷನ್ ಬ್ಯಾಂಕಿಂಗ್ ಬೆಳವಣಿಗೆ, ಬ್ಯಾಂಕಿನ ನಿರ್ದೇಶಕರ ಛಾಯಾಚಿತ್ರಗಳು, ಹಳೆಯ ದಾಖಲೆಗಳು, ವಿವಿಧ ಬಗೆಯ `ಕರೆನ್ಸಿ~ಗಳು ಈ ಮ್ಯೂಸಿಯಂನಲ್ಲಿವೆ.<br /> <br /> ಇನ್ನೊಂದು ವಿಭಾಗದಲ್ಲಿ ಹಣಕಾಸು ಸಂಶೋಧನಾ ಕೇಂದ್ರವಿದೆ. ಇದರಲ್ಲಿ ಹಣಕಾಸಿಗೆ ಸಂಬಂಧಿಸಿದಂತೆ ನಡೆದ ಸಂಶೋಧನೆಗಳ ಬಗ್ಗೆ ಕುತೂಹಲಕರ ಮಾಹಿತಿಗಳು ಲಭ್ಯವಿವೆ. <br /> <br /> ಇಂಡೋ ಗ್ರೀಕ್ ನಾಣ್ಯಗಳು: ಮ್ಯೂಸಿಯಂನಲ್ಲಿ ಸುಮಾರು 2,600 ವರ್ಷಗಳಿಗೂ ಹಿಂದಿನ ಬೆಳ್ಳಿ, ಸೀಸ, ತಾಮ್ರದ ನಾಣ್ಯಗಳಿಂದ ಹಿಡಿದು 20ನೇ ಶತಮಾನದವರೆಗಿನ ನಾಣ್ಯಗಳ ಮಾದರಿಗಳಿವೆ. ಚಂದ್ರಗುಪ್ತ ಮೌರ್ಯರು, ಶಾತವಾಹನರು, ಕದಂಬರು, ಕುಶಾನರು, ಗುಪ್ತರು, ವಿಜಯನಗರದ ಅರಸರು, ಮೊಘಲರು, ಹೈದರಾಲಿ-ಟಿಪ್ಪುಸುಲ್ತಾನರ ಕಾಲದ ನಾಣ್ಯಗಳು ಇಲ್ಲಿವೆ. <br /> <br /> ವಿಜಯನಗರದ ಅರಸರ ಕಾಲದ ದೇವರ ಚಿತ್ರಗಳಿರುವ ನಾಣ್ಯಗಳು ಇಲ್ಲಿನ ವಿಶೇಷ ಆಕರ್ಷಣೆ. ಗರುಡ,ರಾಮ -ಲಕ್ಷ್ಮಣ, ಗಣಪತಿ, ಹನುಮಂತ ದೇವರ ನಾಣ್ಯಗಳನ್ನು ಇಲ್ಲಿ ಕಾಣಬಹುದು. ಹಾಗೆಯೇ 110 ದೇಶ, ವಿದೇಶಗಳಿಗೆ ಸೇರಿದ ನಾಣ್ಯಗಳು ಇಲ್ಲಿವೆ.<br /> <br /> ಇಷ್ಟೆಲ್ಲ ಅಪರೂಪದ ನಾಣ್ಯಗಳ ಸಂಗ್ರಹದ ಹಿಂದೆ ಕಾರ್ಪೊರೇಶನ್ ಬ್ಯಾಂಕ್ನ ಉದ್ಯೋಗಿ ಕುಂಬ್ಳೆ ರಾಧಾಕೃಷ್ಣ ಅವರ ಪರಿಶ್ರಮವಿದೆ. ಹಳೇ ನಾಣ್ಯಗಳು, ಅಪರೂಪದ ನೋಟುಗಳನ್ನು ಅವರು ಬ್ಯಾಂಕ್ ಸೇವೆ ಸಲ್ಲಿಸುತ್ತಲೇ ಸಂಗ್ರಹಿಸಿದ್ದಾರೆ. <br /> <br /> ಅವರ ವೈಯಕ್ತಿಕ ಆಸಕ್ತಿಯಿಂದ ಆರಂಭವಾದ ನಾಣ್ಯ, ನೋಟುಗಳ ಸಂಗ್ರಹವೇ ಕಾರ್ಪೋರೇಷನ್ ಬ್ಯಾಂಕಿನ `ಹೆರಿಟೇಜ್ ಮ್ಯೂಸಿಯಂ~ ಸ್ಥಾಪನೆಗೆ ದಾರಿ ಮಾಡಿಕೊಟ್ಟಿತು.<br /> <br /> 1975ರಲ್ಲಿ ಕಾರ್ಪೋರೇಷನ್ ಬ್ಯಾಂಕ್ ಸೇರಿದ ರಾಧಾಕೃಷ್ಣ ಮೂಲತಃ ಕಾಸರಗೋಡು ಸಮೀಪದ ಕುಂಬ್ಳೆ ಅವರು. ಆದರೆ ಅವರು ಹುಟ್ಟಿದ್ದು, ಓದಿದ್ದು ಎಲ್ಲ ಆಂಧ್ರ ಪ್ರದೇಶದ ಚಿತ್ತೂರಿನಲ್ಲಿ. <br /> <br /> ಬ್ಯಾಂಕಿನ ಉದ್ಯೋಗ ಮಾಡುತ್ತಲೇ ನಾಣ್ಯ, ನೋಟುಗಳ ಸಂಗ್ರಹ ಹವ್ಯಾಸವನ್ನು ಮುಂದುವರಿಸಿಕೊಂಡು ಬಂದರು. ಮಂಗಳೂರಿನಲ್ಲಿನ ಡಾ.ಸಿ.ಎ. ಪಾರ್ಥಸಾರಥಿ ಅವರ ಮಾರ್ಗದರ್ಶನದಲ್ಲಿ ಹಳೇ ನಾಣ್ಯಗಳ ಸಂಗ್ರಹದ ಬಗ್ಗೆ ಆಸಕ್ತಿ ಬೆಳೆಸಿಕೊಂಡರು.<br /> <br /> ರಾಧಾಕೃಷ್ಣ ಕಳೆದ 23 ವರ್ಷಗಳಿಂದ ಸಂಗ್ರಹಿಸಿದ ನಾಣ್ಯಗಳನ್ನು ಇಲ್ಲಿ ಪ್ರದರ್ಶಿಸಲಾಗಿದೆ. ಅವರೊಂದಿಗೆ ಬ್ಯಾಂಕಿನ ನಿವೃತ್ತ ಉದ್ಯೋಗಿ ಹಾಗೂ ಅಂಚೆ ಚೀಟಿ ಹಾಗೂ ನಾಣ್ಯ ಸಂಗ್ರಹಕಾರ ಕೃಷ್ಣಯ್ಯ ಕೈಜೋಡಿಸಿದ್ದಾರೆ. <br /> <br /> ಈ ಇಬ್ಬರು ದೇಶ, ವಿದೇಶಗಳ ನಾಣ್ಯ, ನೋಟುಗಳ ಬಗ್ಗೆ ಅಪಾರ ಮಾಹಿತಿಗಳನ್ನು ಸಂಗ್ರಹಿಸಿದ್ದಾರೆ. ಆಸಕ್ತರಿಗೆ ವಿವರಣೆಯನ್ನೂ ನೀಡುತ್ತಾರೆ. ಅವರು ಜಗತ್ತಿನ ವಿವಿಧ ದೇಶಗಳ ನಾಣ್ಯ ಪದ್ಧತಿ ಬೆಳೆದು ಬಂದದ್ದನ್ನು ಕುರಿತು ನೀಡುವ ಮಾಹಿತಿ ಮಾಹಿತಿಗಳನ್ನು ಕೇಳಲು ಖುಷಿಯಾಗುತ್ತದೆ.<br /> <strong><br /> `ಮನಿ~ ಹುಟ್ಟಿಕೊಂಡಿದ್ದು ಹೀಗೆ:</strong> `ಮನಿ~ ಎಂಬ ಶಬ್ದವನ್ನು ಹುಟ್ಟುಹಾಕಿದವರು ರೋಮನ್ನರು. ಕ್ರಿ ಪೂರ್ವ 2,065 ರಲ್ಲಿ ರೋಮನ್ನರ `ಮೊನೆಟಾ~ ಹೆಸರಿನ ಆರಾಧ್ಯ ದೇವತೆಯ ಚಿತ್ರವನ್ನು ಆ ಕಾಲದ ನಾಣ್ಯಗಳ ಮೇಲೆ ಮುದ್ರಿಸಲಾಯಿತು. ಅದನ್ನು ರೋಮ್ ದೊರೆ ಕ್ಯಾರಿಸಸ್ `ಮನಿ~ ಎಂದು ಘೋಷಿಸಿದನಂತೆ. ಅಲ್ಲಿಂದ `ಮನಿ~ ಎಂಬ ಶಬ್ದ ಚಾಲ್ತಿಗೆ ಬಂತು ಎಂದು ಅವರು ಹೇಳುತ್ತಾರೆ.<br /> <br /> ಹಾಗೆಯೇ `ರೂಪಾಯಿ~ ಶಬ್ದ ಹುಟ್ಟಿಕೊಂಡಿದ್ದು 16ನೇ ಶತಮಾನದಲ್ಲಿ. ಅದು ಸಂಸ್ಕೃತ ಶಬ್ದ. ಸಂಸ್ಕೃತದಲ್ಲಿ `ರೂಪ್ಯಾ~ ಎಂದರೆ ಬೆಳ್ಳಿ. ಆ ಕಾಲದಲ್ಲಿ ಬೆಳ್ಳಿ ನಾಣ್ಯಗಳು ಚಲಾವಣೆಯಲ್ಲಿದ್ದವು. ಅದು ಮುಂದುವರಿದು ರೂಪಾಯಿಯಾಗಿ ಬದಲಾಯಿತು ಎಂದು ಅವರು ವಿವರಣೆ ನೀಡುತ್ತಾರೆ.<br /> <br /> <strong>45 ಲಕ್ಷ ರೂ ಮೌಲ್ಯದ ಸಂಗ್ರಹ:</strong> `ನಾನು ಕೆಲಸ ಮಾಡುತ್ತಿದ್ದ ಊರು ಮತ್ತು ಪ್ರವಾಸ ಮಾಡಿದ ಊರುಗಳಲ್ಲಿ ಹಳೆಯ ನಾಣ್ಯಗಳನ್ನು ಹುಡುಕಿಕೊಂಡು ಅಲೆದಾಡುತ್ತಿದೆ. ಅದರಿಂದಾಗಿಯೇ ಇಷ್ಟು ದೊಡ್ಡ ಪ್ರಮಾಣದಲ್ಲಿ ನಾಣ್ಯ, ನೋಟುಗಳ ಸಂಗ್ರಹ ಸಾಧ್ಯವಾಯಿತು~ ಎನ್ನುತ್ತಾರೆ ರಾಧಾಕೃಷ್ಣ. ಅವರು ಈಗ ನಿವೃತ್ತಿ ಹಂತಕ್ಕೆ ಬಂದಿದ್ದಾರೆ. <br /> ಅವರು ಉಡುಪಿ ಶಾಖೆಯಲ್ಲಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಅವರ ಸಂಗ್ರಹದಲ್ಲಿನ ನಾಣ್ಯ, ನೋಟುಗಳ ಅಂದಾಜು ಮೊತ್ತ ಸುಮಾರು 45 ಲಕ್ಷ ರೂ ಮೌಲ್ಯದ್ದು. ಬ್ಯಾಂಕಿನ ವ್ಯವಸ್ಥಾಪಕರ ನೆರವಿನಿಂದ `ಹೆರಿಟೇಜ್ ಮ್ಯೂಸಿಯಂ~ನಲ್ಲಿ ಸಾರ್ವಜನಿಕರ ಪ್ರದರ್ಶನಕ್ಕೆ ಇಡಲಾಗಿದೆ.<br /> <br /> ಮುಂದಿನ ದಿನಗಳಲ್ಲಿ ಈ ನಾಣ್ಯ, ನೋಟುಗಳನ್ನು ರಾಧಾಕೃಷ್ಣರಿಂದ ಬ್ಯಾಂಕ್ ಖರೀದಿಸಿ ಪ್ರದರ್ಶಿಸುವ ಸಾಧ್ಯತೆಗಳಿವೆ. ಈ ಪ್ರದರ್ಶನ ಸಾರ್ವಜನಿಕರಿಗೆ ಮುಕ್ತವಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ದೇವಸ್ಥಾನಗಳ ನಗರಿ ಉಡುಪಿ ಬ್ಯಾಂಕಿಂಗ್ ಕ್ಷೇತ್ರದಲ್ಲೂ ಹೆಸರುವಾಸಿ. ಹಲವು ಬ್ಯಾಂಕ್ಗಳ ಮೂಲ ನೆಲೆ ಉಡುಪಿ. ಉಡುಪಿಯ ರಾಷ್ಟ್ರೀಕೃತ ಕಾರ್ಪೋರೇಶನ್ ಬ್ಯಾಂಕ್ ಈಗ ನಾಣ್ಯ,ನೋಟುಗಳ ಹೆರಿಟೇಜ್ ಮ್ಯೂಸಿಯಂ ಸ್ಥಾಪಿಸಿದೆ. <br /> <br /> ಜಗತ್ತಿನ ಹಲವು ದೇಶಗಳಲ್ಲಿ ನಾಣ್ಯ ಹಾಗೂ ನೋಟುಗಳ ವ್ಯವಸ್ಥೆ ನಡೆದು ಬಂದ ಹಾದಿಯನ್ನು ಸಾರ್ವಜನಿಕರಿಗೆ ಪರಿಚಯಿಸುವ ಮಹತ್ವದ ಕೆಲಸಕ್ಕೆ ಕೈಹಾಕಿದೆ. <br /> <br /> ಉಡುಪಿಯ ಖಾನ್ ಬಹದ್ದೂರ್ ಅಬ್ದುಲ್ ಹಾಜಿ ಕಾಶಿಂ ಸಾಹೇಬ್ ಅವರು 1906ರಲ್ಲಿ ಕಾರ್ಪೋರೇಶನ್ ಬ್ಯಾಂಕ್ ಸ್ಥಾಪಿಸಿದರು. ಬ್ಯಾಂಕು ಇತ್ತೀಚೆಗೆ 106ನೇ ಸಂಸ್ಥಾಪಕರ ದಿನಾಚರಣೆಯನ್ನು ಆಚರಿಸಿದೆ. ಅದರ ನೆನಪಿಗೆ ಈ ನಾಣ್ಯ-ನೋಟುಗಳ ಹೆರಿಟೇಜ್ ಮ್ಯೂಸಿಯಂ ಸ್ಥಾಪಿಸಿದೆ. <br /> <br /> ಬ್ಯಾಂಕಿಂಗ್ ಕ್ಷೇತ್ರಕ್ಕೆ ಸಂಬಂಧಿಸಿದ ಮೊದಲ ನಾಣ್ಯಗಳ ಮ್ಯೂಸಿಯಂ ರೂಪಿಸಿದ ಹಿರಿಮೆ ಕಾರ್ಪೋರೇಷನ್ ಬ್ಯಾಂಕಿಗೆ ಸಲ್ಲುತ್ತದೆ. ಜಗತ್ತಿನ ವಿವಿಧ ದೇಶಗಳ ಅಪರೂಪದ ನೋಟು, ನಾಣ್ಯಗಳನ್ನು ನೋಡುವ ಅವಕಾಶ ಇಲ್ಲಿದೆ. ಅಷ್ಟೇ ಅಲ್ಲ ಈ ಕುರಿತ ಮಾಹಿತಿಯನ್ನು ಪಡೆಯುವ ಅವಕಾಶ ಕಲ್ಪಿಸಲಾಗಿದೆ. <br /> <br /> ಇದು ಬ್ಯಾಂಕ್ಗೆ ಸಂಬಂಧಿಸಿದ ಪಾರಂಪರಿಕ ವಸ್ತು ಪ್ರದರ್ಶನ ಕೇಂದ್ರ. ನಾನಾ ದೇಶಗಳ ನಾಣ್ಯಗಳು, ಹಳೇ ಕಾಲದ ಬ್ಯಾಕಿಂಗ್ ವ್ಯವಸ್ಥೆ, ಕಾರ್ಪೋರೇಷನ್ ಬ್ಯಾಂಕಿಂಗ್ ಬೆಳವಣಿಗೆ, ಬ್ಯಾಂಕಿನ ನಿರ್ದೇಶಕರ ಛಾಯಾಚಿತ್ರಗಳು, ಹಳೆಯ ದಾಖಲೆಗಳು, ವಿವಿಧ ಬಗೆಯ `ಕರೆನ್ಸಿ~ಗಳು ಈ ಮ್ಯೂಸಿಯಂನಲ್ಲಿವೆ.<br /> <br /> ಇನ್ನೊಂದು ವಿಭಾಗದಲ್ಲಿ ಹಣಕಾಸು ಸಂಶೋಧನಾ ಕೇಂದ್ರವಿದೆ. ಇದರಲ್ಲಿ ಹಣಕಾಸಿಗೆ ಸಂಬಂಧಿಸಿದಂತೆ ನಡೆದ ಸಂಶೋಧನೆಗಳ ಬಗ್ಗೆ ಕುತೂಹಲಕರ ಮಾಹಿತಿಗಳು ಲಭ್ಯವಿವೆ. <br /> <br /> ಇಂಡೋ ಗ್ರೀಕ್ ನಾಣ್ಯಗಳು: ಮ್ಯೂಸಿಯಂನಲ್ಲಿ ಸುಮಾರು 2,600 ವರ್ಷಗಳಿಗೂ ಹಿಂದಿನ ಬೆಳ್ಳಿ, ಸೀಸ, ತಾಮ್ರದ ನಾಣ್ಯಗಳಿಂದ ಹಿಡಿದು 20ನೇ ಶತಮಾನದವರೆಗಿನ ನಾಣ್ಯಗಳ ಮಾದರಿಗಳಿವೆ. ಚಂದ್ರಗುಪ್ತ ಮೌರ್ಯರು, ಶಾತವಾಹನರು, ಕದಂಬರು, ಕುಶಾನರು, ಗುಪ್ತರು, ವಿಜಯನಗರದ ಅರಸರು, ಮೊಘಲರು, ಹೈದರಾಲಿ-ಟಿಪ್ಪುಸುಲ್ತಾನರ ಕಾಲದ ನಾಣ್ಯಗಳು ಇಲ್ಲಿವೆ. <br /> <br /> ವಿಜಯನಗರದ ಅರಸರ ಕಾಲದ ದೇವರ ಚಿತ್ರಗಳಿರುವ ನಾಣ್ಯಗಳು ಇಲ್ಲಿನ ವಿಶೇಷ ಆಕರ್ಷಣೆ. ಗರುಡ,ರಾಮ -ಲಕ್ಷ್ಮಣ, ಗಣಪತಿ, ಹನುಮಂತ ದೇವರ ನಾಣ್ಯಗಳನ್ನು ಇಲ್ಲಿ ಕಾಣಬಹುದು. ಹಾಗೆಯೇ 110 ದೇಶ, ವಿದೇಶಗಳಿಗೆ ಸೇರಿದ ನಾಣ್ಯಗಳು ಇಲ್ಲಿವೆ.<br /> <br /> ಇಷ್ಟೆಲ್ಲ ಅಪರೂಪದ ನಾಣ್ಯಗಳ ಸಂಗ್ರಹದ ಹಿಂದೆ ಕಾರ್ಪೊರೇಶನ್ ಬ್ಯಾಂಕ್ನ ಉದ್ಯೋಗಿ ಕುಂಬ್ಳೆ ರಾಧಾಕೃಷ್ಣ ಅವರ ಪರಿಶ್ರಮವಿದೆ. ಹಳೇ ನಾಣ್ಯಗಳು, ಅಪರೂಪದ ನೋಟುಗಳನ್ನು ಅವರು ಬ್ಯಾಂಕ್ ಸೇವೆ ಸಲ್ಲಿಸುತ್ತಲೇ ಸಂಗ್ರಹಿಸಿದ್ದಾರೆ. <br /> <br /> ಅವರ ವೈಯಕ್ತಿಕ ಆಸಕ್ತಿಯಿಂದ ಆರಂಭವಾದ ನಾಣ್ಯ, ನೋಟುಗಳ ಸಂಗ್ರಹವೇ ಕಾರ್ಪೋರೇಷನ್ ಬ್ಯಾಂಕಿನ `ಹೆರಿಟೇಜ್ ಮ್ಯೂಸಿಯಂ~ ಸ್ಥಾಪನೆಗೆ ದಾರಿ ಮಾಡಿಕೊಟ್ಟಿತು.<br /> <br /> 1975ರಲ್ಲಿ ಕಾರ್ಪೋರೇಷನ್ ಬ್ಯಾಂಕ್ ಸೇರಿದ ರಾಧಾಕೃಷ್ಣ ಮೂಲತಃ ಕಾಸರಗೋಡು ಸಮೀಪದ ಕುಂಬ್ಳೆ ಅವರು. ಆದರೆ ಅವರು ಹುಟ್ಟಿದ್ದು, ಓದಿದ್ದು ಎಲ್ಲ ಆಂಧ್ರ ಪ್ರದೇಶದ ಚಿತ್ತೂರಿನಲ್ಲಿ. <br /> <br /> ಬ್ಯಾಂಕಿನ ಉದ್ಯೋಗ ಮಾಡುತ್ತಲೇ ನಾಣ್ಯ, ನೋಟುಗಳ ಸಂಗ್ರಹ ಹವ್ಯಾಸವನ್ನು ಮುಂದುವರಿಸಿಕೊಂಡು ಬಂದರು. ಮಂಗಳೂರಿನಲ್ಲಿನ ಡಾ.ಸಿ.ಎ. ಪಾರ್ಥಸಾರಥಿ ಅವರ ಮಾರ್ಗದರ್ಶನದಲ್ಲಿ ಹಳೇ ನಾಣ್ಯಗಳ ಸಂಗ್ರಹದ ಬಗ್ಗೆ ಆಸಕ್ತಿ ಬೆಳೆಸಿಕೊಂಡರು.<br /> <br /> ರಾಧಾಕೃಷ್ಣ ಕಳೆದ 23 ವರ್ಷಗಳಿಂದ ಸಂಗ್ರಹಿಸಿದ ನಾಣ್ಯಗಳನ್ನು ಇಲ್ಲಿ ಪ್ರದರ್ಶಿಸಲಾಗಿದೆ. ಅವರೊಂದಿಗೆ ಬ್ಯಾಂಕಿನ ನಿವೃತ್ತ ಉದ್ಯೋಗಿ ಹಾಗೂ ಅಂಚೆ ಚೀಟಿ ಹಾಗೂ ನಾಣ್ಯ ಸಂಗ್ರಹಕಾರ ಕೃಷ್ಣಯ್ಯ ಕೈಜೋಡಿಸಿದ್ದಾರೆ. <br /> <br /> ಈ ಇಬ್ಬರು ದೇಶ, ವಿದೇಶಗಳ ನಾಣ್ಯ, ನೋಟುಗಳ ಬಗ್ಗೆ ಅಪಾರ ಮಾಹಿತಿಗಳನ್ನು ಸಂಗ್ರಹಿಸಿದ್ದಾರೆ. ಆಸಕ್ತರಿಗೆ ವಿವರಣೆಯನ್ನೂ ನೀಡುತ್ತಾರೆ. ಅವರು ಜಗತ್ತಿನ ವಿವಿಧ ದೇಶಗಳ ನಾಣ್ಯ ಪದ್ಧತಿ ಬೆಳೆದು ಬಂದದ್ದನ್ನು ಕುರಿತು ನೀಡುವ ಮಾಹಿತಿ ಮಾಹಿತಿಗಳನ್ನು ಕೇಳಲು ಖುಷಿಯಾಗುತ್ತದೆ.<br /> <strong><br /> `ಮನಿ~ ಹುಟ್ಟಿಕೊಂಡಿದ್ದು ಹೀಗೆ:</strong> `ಮನಿ~ ಎಂಬ ಶಬ್ದವನ್ನು ಹುಟ್ಟುಹಾಕಿದವರು ರೋಮನ್ನರು. ಕ್ರಿ ಪೂರ್ವ 2,065 ರಲ್ಲಿ ರೋಮನ್ನರ `ಮೊನೆಟಾ~ ಹೆಸರಿನ ಆರಾಧ್ಯ ದೇವತೆಯ ಚಿತ್ರವನ್ನು ಆ ಕಾಲದ ನಾಣ್ಯಗಳ ಮೇಲೆ ಮುದ್ರಿಸಲಾಯಿತು. ಅದನ್ನು ರೋಮ್ ದೊರೆ ಕ್ಯಾರಿಸಸ್ `ಮನಿ~ ಎಂದು ಘೋಷಿಸಿದನಂತೆ. ಅಲ್ಲಿಂದ `ಮನಿ~ ಎಂಬ ಶಬ್ದ ಚಾಲ್ತಿಗೆ ಬಂತು ಎಂದು ಅವರು ಹೇಳುತ್ತಾರೆ.<br /> <br /> ಹಾಗೆಯೇ `ರೂಪಾಯಿ~ ಶಬ್ದ ಹುಟ್ಟಿಕೊಂಡಿದ್ದು 16ನೇ ಶತಮಾನದಲ್ಲಿ. ಅದು ಸಂಸ್ಕೃತ ಶಬ್ದ. ಸಂಸ್ಕೃತದಲ್ಲಿ `ರೂಪ್ಯಾ~ ಎಂದರೆ ಬೆಳ್ಳಿ. ಆ ಕಾಲದಲ್ಲಿ ಬೆಳ್ಳಿ ನಾಣ್ಯಗಳು ಚಲಾವಣೆಯಲ್ಲಿದ್ದವು. ಅದು ಮುಂದುವರಿದು ರೂಪಾಯಿಯಾಗಿ ಬದಲಾಯಿತು ಎಂದು ಅವರು ವಿವರಣೆ ನೀಡುತ್ತಾರೆ.<br /> <br /> <strong>45 ಲಕ್ಷ ರೂ ಮೌಲ್ಯದ ಸಂಗ್ರಹ:</strong> `ನಾನು ಕೆಲಸ ಮಾಡುತ್ತಿದ್ದ ಊರು ಮತ್ತು ಪ್ರವಾಸ ಮಾಡಿದ ಊರುಗಳಲ್ಲಿ ಹಳೆಯ ನಾಣ್ಯಗಳನ್ನು ಹುಡುಕಿಕೊಂಡು ಅಲೆದಾಡುತ್ತಿದೆ. ಅದರಿಂದಾಗಿಯೇ ಇಷ್ಟು ದೊಡ್ಡ ಪ್ರಮಾಣದಲ್ಲಿ ನಾಣ್ಯ, ನೋಟುಗಳ ಸಂಗ್ರಹ ಸಾಧ್ಯವಾಯಿತು~ ಎನ್ನುತ್ತಾರೆ ರಾಧಾಕೃಷ್ಣ. ಅವರು ಈಗ ನಿವೃತ್ತಿ ಹಂತಕ್ಕೆ ಬಂದಿದ್ದಾರೆ. <br /> ಅವರು ಉಡುಪಿ ಶಾಖೆಯಲ್ಲಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಅವರ ಸಂಗ್ರಹದಲ್ಲಿನ ನಾಣ್ಯ, ನೋಟುಗಳ ಅಂದಾಜು ಮೊತ್ತ ಸುಮಾರು 45 ಲಕ್ಷ ರೂ ಮೌಲ್ಯದ್ದು. ಬ್ಯಾಂಕಿನ ವ್ಯವಸ್ಥಾಪಕರ ನೆರವಿನಿಂದ `ಹೆರಿಟೇಜ್ ಮ್ಯೂಸಿಯಂ~ನಲ್ಲಿ ಸಾರ್ವಜನಿಕರ ಪ್ರದರ್ಶನಕ್ಕೆ ಇಡಲಾಗಿದೆ.<br /> <br /> ಮುಂದಿನ ದಿನಗಳಲ್ಲಿ ಈ ನಾಣ್ಯ, ನೋಟುಗಳನ್ನು ರಾಧಾಕೃಷ್ಣರಿಂದ ಬ್ಯಾಂಕ್ ಖರೀದಿಸಿ ಪ್ರದರ್ಶಿಸುವ ಸಾಧ್ಯತೆಗಳಿವೆ. ಈ ಪ್ರದರ್ಶನ ಸಾರ್ವಜನಿಕರಿಗೆ ಮುಕ್ತವಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
