ಶುಕ್ರವಾರ, 29 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ದೆಹಲಿ ಫಲಿತಾಂಶ | 55 ಕ್ಷೇತ್ರಗಳಲ್ಲಿ ಆಪ್, 7 ರಲ್ಲಿ ಬಿಜೆಪಿ ಗೆಲುವು, ಖಾತೆ ತೆರೆಯದ ಕಾಂಗ್ರೆಸ್
LIVE

ದೆಹಲಿ ವಿಧಾನಸಭಾ ಚುನಾವಣೆಯ ಮತ ಎಣಿಕೆ ನಡೆಯುತ್ತಿದ್ದು, ಫೆ.8ರಂದು ಮತದಾನದ ನಂತರ ಪ್ರಕಟವಾಗಿದ್ದ ಬಹುತೇಕ ಚುನಾವಣೋತ್ತರ ಸಮೀಕ್ಷೆಗಳು ಆಡಳಿತಾರೂಢ ಆಮ್ ಆದ್ಮಿ ಪಕ್ಷದ (ಆಪ್) ಮುನ್ನಡೆಯನ್ನು ಖಚಿತಪಡಿಸಿ, ಕೇಜ್ರಿವಾಲ್ ಮತ್ತೊಮ್ಮೆ ಮುಖ್ಯಮಂತ್ರಿಯಾಗುವುದು ಖಚಿತ ಎಂಬ ಅಭಿಪ್ರಾಯ ನೀಡಿದ್ದವು. ಅದರಂತೆಯೇ ಆಪ್‌ 70 ಕ್ಷೇತ್ರಗಳಲ್ಲಿ 55 ಸ್ಥಾನಗಳಲ್ಲಿ ಗೆಲುವಿನ ನಗೆ ಬೀರಿದ್ದು, 7ರಲ್ಲಿ ಮುನ್ನಡೆ ಕಾಯ್ದುಕೊಂಡಿದೆ. ಬಿಜೆಪಿ 7 ಕ್ಷೇತ್ರಗಳಲ್ಲಿ ಗೆಲುವು ಸಾಧಿಸಿದ್ದು 1 ರಲ್ಲಿ ಮುನ್ನಡೆಯಲ್ಲಿದೆ. ಕಾಂಗ್ರೆಸ್‌ ಖಾತೆಯನ್ನೇ ತೆರಿದಿಲ್ಲ. ದೆಹಲಿ ವಿಧಾನಸಭಾ ಚುನಾವಣೆ ಫಲಿತಾಂಶ ತಾಜಾ ಅಪ್‌ಡೇಟ್ಸ್‌ ಇಲ್ಲಿ ಲಭ್ಯ.
Last Updated 11 ಫೆಬ್ರುವರಿ 2020, 15:51 IST
ಅಕ್ಷರ ಗಾತ್ರ
15:4911 Feb 2020

55 ಕ್ಷೇತ್ರಗಳಲ್ಲಿ ಆಪ್‌, 7ರಲ್ಲಿ ಬಿಜೆಪಿಗೆ ಗೆಲುವು

70 ವಿಧಾನಸಭಾ ಕ್ಷೇತ್ರಗಳಲ್ಲಿ ಆಮ್‌ ಆದ್ಮಿ ಪಕ್ಷವು ಈಗಾಗಲೇ 55 ಕ್ಷೇತ್ರಗಳಲ್ಲಿ ಗೆಲುವಿನ ನಗೆ ಬೀರಿದ್ದು, 7 ಕ್ಷೇತ್ರಗಳಲ್ಲಿ ಮುನ್ನಡೆ ಕಾಯ್ದುಕೊಂಡಿದೆ. ಬಿಜೆಪಿ 7 ಕ್ಷೇತ್ರಗಳಲ್ಲಿ ಗೆದ್ದಿದ್ದು 1ರಲ್ಲಿ ಮುನ್ನಡೆ ಸಾಧಿಸಿದೆ. ಕಾಂಗ್ರೆಸ್‌ ದೆಹಲಿಯಲ್ಲಿ ಖಾತೆಯನ್ನೇ ತೆರೆಯಲಿಲ್ಲ.

15:3911 Feb 2020

ಎಸ್ಸಿ ಮೀಸಲು ಕ್ಷೇತ್ರದ ಎಲ್ಲಾ 12 ಸ್ಥಾನಗಳು ಎಎಪಿ ಪಾಲಿಗೆ

ದೆಹಲಿ ವಿಧಾನಸಭಾ ಚುನಾವಣೆಯಲ್ಲಿ ಆಮ್‌ ಆದ್ಮಿ ಪಕ್ಷವು ಎಸ್ಸಿ ಮೀಸಲು ಕ್ಷೇತ್ರಗಳಾ ಎಲ್ಲಾ 12 ಕಡೆಗಳಲ್ಲಿ 12 ಸಾವಿರ ಮತಗಳ ಅಂತರದಲ್ಲಿ ಗೆಲುವಿನ ನಗೆ ಬೀರಿದೆ. 

11:5311 Feb 2020

ಇತ್ತೀಚಿನ ವರದಿ ಬಂದಾಗ ಆಪ್ 28, ಬಿಜೆಪಿ 2 ಕ್ಷೇತ್ರದಲ್ಲಿ ಗೆಲುವು ಸಾಧಿಸಿದ್ದು 35 ಸ್ಥಾನಗಳಲ್ಲಿ ಆಪ್, 5ರಲ್ಲಿ ಬಿಜೆಪಿ ಮುನ್ನಡೆ ಕಾಯ್ದುಕೊಂಡಿವೆ ಎಂದು ಚುನಾವಣಾ ಆಯೋಗ ತಿಳಿಸಿದೆ.

10:5311 Feb 2020

ಜನರ ತೀರ್ಪಿಗೆ ತಲೆ ಬಾಗುತ್ತೇವೆ... 

ದೆಹಲಿ ಜನರ ತೀರ್ಪಿಗೆ ತಲೆ ಬಾಗುತ್ತೇವೆ ಎಂದು ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷ ಜೆ.ಪಿ.ನಡ್ಡಾ ಟ್ವೀಟ್‌ ಮಾಡಿದ್ದಾರೆ. 

10:5011 Feb 2020

ಆಪ್ 11, ಬಿಜೆಪಿ 1 ಕ್ಷೇತ್ರದಲ್ಲಿ ಗೆಲುವು...

ಫಲಿತಾಂಶ ನಿಚ್ಚಳವಾಗುತ್ತಿದ್ದು ಆಪ್ 52 ಕ್ಷೇತ್ರಗಳಲ್ಲಿ ಹಾಗೂ ಬಿಜೆಪಿ 1 ಕ್ಷೇತ್ರದಲ್ಲಿ ಮುನ್ನಡೆ ಕಾಯ್ದುಕೊಂಡಿವೆ ಎಂದು ಚುನಾವಣೆ ಆಯೋಗ ಪ್ರಕಟಿಸಿದೆ.

10:0311 Feb 2020

63 ಕ್ಷೇತ್ರಗಳಲ್ಲಿ ಆಪ್ ಮುನ್ನಡೆ, 7ರಲ್ಲಿ ಬಿಜೆಪಿ

ಫಲಿತಾಂಶ ನಿಚ್ಚಳವಾಗುತ್ತಿದ್ದು ಆಪ್ ಮುನ್ನಡೆಯಿರುವ ಕ್ಷೇತ್ರಗಳ ಸಂಖ್ಯೆ ಹೆಚ್ಚಾಗುತ್ತಿದೆ. ಬಿಜೆಪಿ ಮುನ್ನಡೆ ದಾಖಲಿಸಿದ್ದ ಕ್ಷೇತ್ರಗಳ ಸಂಖ್ಯೆ ಕಡಿಮೆಯಾಗುತ್ತಿದೆ. ಮಧ್ಯಾಹ್ನ 3.40ರ ವೇಳೆಯಲ್ಲಿ ಆಪ್ 63 ಕ್ಷೇತ್ರಗಳಲ್ಲಿ ಮುನ್ನಡೆ ಸಾಧಿಸಿದ್ದರೆ, ಬಿಜೆಪಿ 7 ಕ್ಷೇತ್ರಗಳಲ್ಲಿ ಮುಂದಿತ್ತು. 18 ಕ್ಷೇತ್ರಗಳಲ್ಲಿ ಆಪ್ ಮತ್ತು 1 ಕ್ಷೇತ್ರದಲ್ಲಿ ಬಿಜೆಪಿ ಜಯಗಳಿಸಿದೆ ಎಂದು ಆಯೋಗ ಘೋಷಿಸಿದೆ.

09:5411 Feb 2020

ದ್ವೇಷದ ರಾಜಕಾರಣ ಒಲ್ಲೆನೆಂದ ಮತದಾರರು: ಮನೀಶ್ ಸಿಸೊಡಿಯಾ

ಪತಾಪರ್‌ಗಂಜ್‌ ಕ್ಷೇತ್ರದಿಂದ ಮತ್ತೆ ಆಯ್ಕೆಯಾಗಿರುವುದು ಖುಷಿತಂದಿದೆ. ಬಿಜೆಪಿ ದ್ವೇಷದ ರಾಜಕೀಯಕ್ಕೆ ಯತ್ನಿಸಿತು. ಆದರೆ ಜನರು ತಮಗಾಗಿ ಕೆಲಸ ಮಾಡುವವರನ್ನು ಅಶೀರ್ವದಿಸಿದರು’ ಎಂದು ತೀವ್ರ ಪೈಪೋಟಿಯ ನಂತರ ಪತಾಪರ್‌ಗಂಜ್‌ ಕ್ಷೇತ್ರದಿಂದ ಜಯಗಳಿಸಿದ ಮನೀಶ್‌ ಸಿಸೊಡಿಯಾ ಮಾದ್ಯಮಗಳಿಗೆ ಪ್ರತಿಕ್ರಿಯಿಸಿದರು.

09:3811 Feb 2020

ಬಿಜೆಪಿಯ ಮತಗಳಿಕೆ ಪ್ರಮಾಣ ಏರಿಕೆ: ಆಪ್‌, ಕಾಂಗ್ರೆಸ್‌ಗೆ ಇಳಿಕೆ

ಈವರೆಗಿನ ಎಣಿಕೆಯ ಮಾಹಿತಿ ಪ್ರಕಾರ ದೆಹಲಿ ವಿಧಾನಸಭಾ ಚುನಾವಣೆಯಲ್ಲಿ ಬಿಜೆಪಿ ಶೇ 41.59ರಷ್ಟು ಮತಗಳಿಸಿದೆ. 2015ಕ್ಕೆ ಹೋಲಿಸಿದರೆ ಬಿಜೆಪಿ ಮತಗಳಿಗೆ ಪ್ರಮಾಣ ಶೇ 9.38ರಷ್ಟು ಹೆಚ್ಚಾಗಿದೆ. ಆಪ್‌ ಶೇ 52.39ರಷ್ಟು ಮತಗಳಿಸಿದೆ. 2015ಕ್ಕೆ ಹೋಲಿಸಿದರೆ ಇದು ಶೇ 1.95ರಷ್ಟು ಕಡಿಮೆ. ಕಾಂಗ್ರೆಸ್‌ ಶೇ 4.39ರಷ್ಟು ಮತಗಳಿಸಿದೆ. 2015ಕ್ಕೆ ಹೋಲಿಸಿದರೆ ಇದು ಶೇ 5.27ರಷ್ಟು ಕಡಿಮೆ.

09:2411 Feb 2020

3 ಗಂಟೆಯ ಮಾಹಿತಿ: ಆಪ್ 60, ಬಿಜೆಪಿ 10

ಮಧ್ಯಾಹ್ನ 3 ಗಂಟೆಗೆ ಲಭ್ಯವಿದ್ದ ಮಾಹಿತಿ ಪ್ರಕಾರ ಆಪ್ 55, ಬಿಜೆಪಿ 10 ಕ್ಷೇತ್ರಗಳಲ್ಲಿ ಮುನ್ನಡೆ ದಾಖಲಿಸಿದೆ. 5 ಕ್ಷೇತ್ರಗಳಲ್ಲಿ ಆಪ್ ಜಯಗಳಿಸಿದೆ.

09:2011 Feb 2020

ಕೊನೆಗೂ ಗೆದ್ದ ಮನೀಶ್ ಸಿಸೊಡಿಯಾ

ತೀವ್ರ ಕುತೂಹಲ ಕೆರಳಿಸಿದ್ದ ಪತಾಪರ್‌ಗಂಜ್ ಕ್ಷೇತ್ರದಲ್ಲಿ ಜಿದ್ದಾಜಿದ್ದಿ ಪೈಪೋಟಿಯ ನಂತರ ಆಪ್‌ನ ಮನೀಶ್ ಸಿಸೊಡಿಯಾ ಗೆಲುವಿನ ನಗೆ ಬೀರಿದರು. ‘ಶಿಕ್ಷಣ ಸಚಿವರು ಹೇಗಿರಬೇಕು? ಮನೀಶ್‌ ಥರ ಇರಬೇಕು’ ಎಂದು ಘೋಷಣೆಗಳು ಮತ ಎಣಿಕೆ ಕೇಂದ್ರದ ಸುತ್ತ ಮಾರ್ದನಿಸಿತು.