‘ರಂಗರೇಜಾ’ ಮೂಲಕ ಸೂಫಿ ಸಂಗೀತದ ಅನುಭವ ಕಟ್ಟಿಕೊಡುವುದು ನನ್ನ ಉದ್ದೇಶ. ಸೂಫಿ ಜಗತ್ತಿನ ಜಗಜಟ್ಟಿಗಳೆಂದೇ ಹೆಸರಾದ ಅಮೀರ್‌ ಖುಸ್ರೊ, ಬಾಬಾ ಬುಲ್ಲೇ ಶಾ, ಕಬೀರ, ಗುರುನಾನಕ್‌, ಮೀರಾಬಾಯಿ.. ಇವರಿಂದ ನಾನು ತುಂಬ ಪ್ರಭಾವಿತಗೊಂಡಿದ್ದೇನೆ. ಅವರ ಕೃತಿಗಳನ್ನು ಹಾಡುವ ಪ್ರಯತ್ನ ಮಾಡುತ್ತೇನೆ. ಸೂಫಿ ಎಂದಾಗ ಯಾವುದೋ ಒಂದು ಧರ್ಮಕ್ಕೆ ತಳಕು ಹಾಕಬೇಕಿಲ್ಲ. ಎಲ್ಲ ಧರ್ಮಗಳ ಸಾರ ದೇವರು ಒಂದೇ ಎನ್ನುವುದಷ್ಟೇ.ಭಾಷೆ ಬೇರೆ ಸಂದೇಶ ಒಂದೇ. ಇದು ಒಂದರ್ಥದಲ್ಲಿ ಸ್ಪಿರಿಚುಯಾಲಿಟಿ ಜರ್ನಿ. ಅದನ್ನು ಸಂಗೀತದ ಮೂಲಕ ಹೇಳುವ ಪ್ರಯತ್ನ ಮಾಡುತ್ತಿದ್ದೇನೆ.
