ಜಿಲ್ಲೆಯಲ್ಲಿ ವಿವಿಧೆಡೆ ಮಳೆ; ಬಿತ್ತನೆ ಆರಂಭ

ಬುಧವಾರ ರಾತ್ರಿಯಿಂದಲೂ ವಿವಿಧ ಕಡೆಗಳಲ್ಲಿ ಬಿಟ್ಟು ಬಿಟ್ಟು ತುಂತುರು ಮಳೆ ಸುರಿಯಿತು. ಲಿಂಗಸುಗೂರಿನಲ್ಲಿ 6, ಗುರುಗುಂಟಾ 18, ಹಟ್ಟಿ 10 ಮಿ.ಮೀ ಮಳೆ ಸುರಿದಿದೆ. ಮಾನ್ವಿ 7.3, ಕುರ್ಡಿ 9.2, ರಾಜಬಂಡಾ 9, ಕಲ್ಲೂರ 3.2, ಸಿರವಾರ 8.6, ಮಲ್ಲತ್‌ 42, ಕುರಕುಂದಾ 10, ಕವಿತಾಳ 15, ಹಲಾಪುರ 3 ಮಿ.ಮೀ ಮಳೆಯಾಗಿದೆ.

ರಾಯಚೂರು 1.2, ಯರಮರಸ್‌ 3.4, ಯರಗೇರಾ 9, ಗಿಲ್ಲೆಸುಗೂರ 7.5, ಕಲಮಲ 11, ದೇವಸುಗೂರ 8, ಜೆಗರಕಲ್‌ 5, ಸಿಂಧನೂರು 9, ಬಾದರ್ಲಿ 9.2, ಹೆಡಗಿನಾಳ 26.4, ಸಲಗುಂಡಾ 6.8, ಬಳಗಾನೂರ 9, ಗೊರೆಬಾಳ 17.4, ಗುಡದೂರ 3.2, ಜಾಲಿಹಾಳ 5.2 ಕುನ್ನಟಗಿ 8.6, ವಲಕಮದಿನ್ನಿ 25, ತುರ್ವಿಹಾಳ 4, ಗುಂಜಳ್ಳಿ 8.2, ಹುಡಾ 4 ಮಿ.ಮೀ ಮಳೆ ಬಿದ್ದಿರುವುದು ದಾಖಲಾಗಿದೆ.

‘ಕೃಷಿ ಇಲಾಖೆಯಿಂದ ಬಿತ್ತನೆ ಬೀಜ ಗಳನ್ನು ಸಹಾಯಧನದಲ್ಲಿ ಒದಗಿಸಲಾಗುತ್ತಿದೆ. ರೈತರು ಮುಂಗಾರು ಬಿತ್ತನೆಗೆ ಅಗತ್ಯ ಬೀಜ ಮತ್ತು ಗೊಬ್ಬರವನ್ನು ಸಂಗ್ರಹಿಸಿಕೊಳ್ಳುತ್ತಿದ್ದಾರೆ. ಬೇಕಾಗಿರುವ ಕುಸುಬಿ ಬೀಜಗಳನ್ನು ಕೃಷಿ ಇಲಾಖೆಯಿಂದ ಕೊಡುತ್ತಿಲ್ಲ’ ಎಂದು ಕೆಲವು ಕಡೆಗಳಲ್ಲಿ ರೈತರು ಆರೋಪಿಸಿದ್ದಾರೆ.