ಹಳಕಟ್ಟಿ ವಚನ ಸಂಗ್ರಹ ಒರೆಗೆ ಹಚ್ಚಲು ವಿರೋಧ

ಕೂಡಲಸಂಗಮದಲ್ಲಿ ಶುಕ್ರವಾರ ಸುದ್ದಿಗಾರರೊಂದಿಗೆ ಮಾತನಾಡಿದ ಮಾತೆ ಮಹಾದೇವಿ, ‘ಬಹಿರಂಗ ಸಭೆಯಲ್ಲಿ ಒಂದು, ಗೋಪ್ಯ ಸಭೆಗಳಲ್ಲಿ ಮತ್ತೊಂದು ನಿಲುವು ವ್ಯಕ್ತಪಡಿಸುತ್ತಿರುವ ಮಹಾಸಭೆಯನ್ನು ಬಸವತತ್ವ ನಿಷ್ಠರು ಬಹಿಷ್ಕರಿಸಿ, ಮಹಾಸಭೆಯ ಸದಸ್ಯತ್ವಕ್ಕೆ ರಾಜೀನಾಮೆ ನೀಡಬೇಕು’ ಎಂದು ಸಲಹೆ ನೀಡಿದ್ದಾರೆ. ‘ಹಳಕಟ್ಟಿ ಅವರು ವಚನಗಳನ್ನು ಸಂಗ್ರಹಿಸಲು ಸಾಕಷ್ಟು ಶ್ರಮ ಹಾಕಿದ್ದಾರೆ. ಆದರೂ ಅವರ ಶ್ರಮವನ್ನು ಅಗೌರವದಿಂದ ಕಾಣುವುದು ಸರಿಯಲ್ಲ ಎಂದರು.

ಶರಣರಿಗೆ ಅವಮಾನ: ಹಳಕಟ್ಟಿಯವರ ಸಂಶೋಧನೆಯನ್ನು ಸುಳ್ಳು ಎಂದು ಸೃಷ್ಟಿಸಲು ಅವರು ಸಂಪಾದಿಸಿದ ವಚನಗಳನ್ನು ತಿರುಚುವ ಕೃತ್ಯಕ್ಕೆ ವೀರಶೈವ ಮಹಾಸಭೆ ಕೈಹಾಕಿದೆ ಎಂದು ಪಂಚಮಸಾಲಿ ಪೀಠದ ಪೀಠಾಧ್ಯಕ್ಷ ಬಸವಜಯ ಮೃತ್ಯುಂಜಯ ಸ್ವಾಮೀಜಿ ಟೀಕಿಸಿದ್ದಾರೆ.