ರಾಜಸ್ಥಾನ: ಜೀ ವಾಹಿನಿಯ ಜನಪ್ರಿಯ ರಿಯಾಲಿಟಿ ಷೋ ‘ಸರಿಗಮಪ ಲಿಟಲ್ ಚಾಂಪ್ಸ್–2017’ನಅಂತಿಮ ಸುತ್ತಿನಲ್ಲಿ ಪಶ್ಚಿಮ ಬಂಗಾಳದ ಶ್ರೇಯನ್ ಭಟ್ಟಾಚಾರ್ಯ ಮತ್ತು ಮಹಾರಾಷ್ಟ್ರದ ಅಂಜಲಿ ಗಾಯಕವಾಡ್ ವಿಜೇತರಾಗಿದ್ದಾರೆ.
ಸತತ ಹತ್ತು ತಿಂಗಳಿಂದ ಮಕ್ಕಳ ಮಧುರ ಕಂಠ ಮತ್ತು ಇಂಪಾದ ಗಾಯನದಿಂದ ಜನಮನ ಸೂರೆಗೊಂಡಿದ್ದ ರಿಯಾಲಿಟಿ ಷೋನಲ್ಲಿ ಇದೇ ಮೊದಲ ಬಾರಿಗೆ ಇಬ್ಬರು ಸ್ಪರ್ಧಿಗಳು ಮೊದಲ ಸ್ಥಾನವನ್ನು ಹಂಚಿಕೊಂಡಿದ್ದಾರೆ.
ರಾಜಸ್ಥಾನದ ಜೈಪುರದಲ್ಲಿ ನಡೆದ ಅಂತಿಮ ಸುತ್ತಿನ ಸ್ಪರ್ಧೆಗೆ ಅಮೃತಸರದ ದ್ರೂನ್ ಟಿಕ್ಕೂ, ವಿಶಾಖಪಟ್ಟಣದ ಷಣ್ಮುಖಪ್ರಿಯ, ಕೇರಳದ ವೈಷ್ಣವ ಗಿರೀಶ್, ಕೋಲ್ಕತ್ತಾದ ಸೋನಾಕ್ಷಿ ಕರ್ ಸೇರಿದಂತೆ ಆರು ಸ್ಪರ್ಧಿಗಳು ಆಯ್ಕೆಯಾಗಿದ್ದರು. ರಿಯಾ ಬಿಸ್ವಾಸ್ ಮತ್ತು ಯಮುನಾ ಅಂತಿಮ ಸುತ್ತಿನಲ್ಲಿ ಹೊರಬಿದ್ದಿದ್ದರು.