ನೂರು ಅಸಾಧಾರಣ ಮಹಿಳೆಯರ ಕಥಾಮೃತ

'ಗುಡ್ನೈಟ್ ಸ್ಟೋರೀಸ್ ಫಾರ್ ರೆಬೆಲ್ ಗರ್ಲ್ಸ್' ಅಸಾಧಾರಣ ಮಹಿಳೆಯರ ಕಥೆಗಳ ಗುಚ್ಛ. ತಂತಮ್ಮ ಕ್ಷೇತ್ರಗಳಲ್ಲಿ ಮಹತ್ವದ ಸಾಧನೆ ಮಾಡಿದ ನೂರು ಮಹಿಳೆಯರ ಬದುಕಿನ ಕಥನಗಳು ಇಲ್ಲಿವೆ.

. ಈ ಕೃತಿಯಲ್ಲಿ ಪರಿಚಿತ ಹೆಣ್ಣುಮಕ್ಕಳಿರುವಂತೆಯೇ ತೆರೆಮರೆಯಲ್ಲಿಯೇ ಉಳಿದಿರುವ ದಿಟ್ಟ ಸಾಧಕಿಯರು ಇದ್ದಾರೆ. ಇತಿಹಾಸದ ಪುಟಗಳಲ್ಲಿ ಅಮರರಾದವರ ಜೊತೆಗೆ, ನಮ್ಮೊಂದಿಗೆ ಇರುವ ಹೀರೊಯಿನ್ಗಳೂ ಇದ್ದಾರೆ. ಇವರೆಲ್ಲರ ಬದುಕಿನ ಕಥೆಗಳನ್ನು ಹಿಡಿದಿಟ್ಟುವ ಸೂತ್ರ ಒಂದೇ - ಸ್ಫೂರ್ತಿ, ಜೀವನಪ್ರೀತಿ.

. ಓದುಗರು ತಮ್ಮ ಹೃದಯಕ್ಕೆ ಹತ್ತಿರವಾದುದನ್ನು ಅಪಾರ ಆಸ್ಥೆಯಿಂದ ಮಾಡಲು ಹಾಗೂ ಅದಕ್ಕೆ ಅಗತ್ಯವಾದ ಆತ್ಮವಿಶ್ವಾಸವನ್ನು ತುಂಬುವ ನಿಟ್ಟಿನಲ್ಲಿ ಈ ಕಥನಗಳಿಗೆ ಉದ್ದೀಪನಶಕ್ತಿಯಿದೆ. ಅಲೆಕ್ ವೆಕ್ (ಸೂಪರ್ ಮಾಡೆಲ್), ಮಿಶೆಲ್ ಒಬಾಮಾ (ವಕೀಲೆ, ಸಾಮಾಜಿಕ ಕಾರ್ಯಕರ್ತೆ), ರೋಸ್ ಪಾರ್ಕ್ಸ್ (ಸಾಮಾಜಿಕ ಕಾರ್ಯಕರ್ತೆ), ಮೇರಿ ಕೋಮ್ (ಬಾಕ್ಸರ್), ಲೆಲ್ಲಾ ಲೊಂಬಾರ್ಡಿ (ಫಾರ್ಮುಲಾ ರೇಸರ್), ನಾನ್ಸಿ ವೇಕ್ (ಗೂಢಚಾರಿಣಿ) - ಹೀಗೆ ವಿಭಿನ್ನ ಕ್ಷೇತ್ರಗಳ ಸಾಧಕಿಯರು ಈ ಕೃತಿಯಲ್ಲಿ ಓದುಗರಿಗೆ ಎದುರಾಗುತ್ತಾರೆ. ನಮ್ಮ ಸಾಲುಮರದ ತಿಮ್ಮಕ್ಕನನ್ನು ನೆನಪಿಸುವ ಕೀನ್ಯಾದ ಪರಿಸರವಾದಿ ವಾಂಗರಿ ಮಥಾಯಿ ಕೂಡ ಇಲ್ಲಿದ್ದಾರೆ.

. ಎಲೆನಾ ಫವಿಲ್ಲಿ ಹಾಗೂ ಫ್ರಾನ್ಸೆಸ್ಕಾ ಕಾವೆಲ್ಲೊ ಟಿಂಬುಕ್ಟು ಲಾಬ್ಸ್ ಇಲ್ಲಿನ ಕಥೆಗಳನ್ನು ರಚಿಸಿದ್ದಾರೆ. ಎಲ್ಲ ಕಥೆಗಳು 'ಒಂದಾನೊಂದು ಕಾಲದಲ್ಲಿ' ಎನ್ನುವ ರೀತಿಯಲ್ಲಿಯೇ ಆರಂಭವಾಗುತ್ತವೆ.

. ಇಲ್ಲಿನ ಪ್ರತಿಯೊಂದು ಕಥೆಯೂ ಒಂದು ಪುಟದ ಮಿತಿಯಲ್ಲೇ ಇದೆ. ಇದಕ್ಕೆ ಪೂರಕವಾಗಿ ಕಥಾನಾಯಕಿಯ ಸುಂದರವಾದ ಚಿತ್ರವಿದೆ. ಜಗತ್ತಿನ ವಿವಿಧ ಭಾಗಗಳ 60 ಕಲಾವಿದೆಯರು ಈ ಪೋಟ್ರೈಟ್ಗಳನ್ನು ರೂಪಿಸುವ ಮೂಲಕ ಪುಸ್ತಕದ ಅಂದ ಹೆಚ್ಚಿಸಿದ್ದಾರೆ. ನೂರು ಕಥೆಗಳನ್ನು ಓದಿದ ನಂತರ, ತಮ್ಮದೇ ಆದ ಕಥೆ ಬರೆಯಲು ಒಂದು ಖಾಲಿ ಪುಟವಿದೆ. ತಮ್ಮ ಚಿತ್ರ ಬಿಡಿಸಿಕೊಳ್ಳಲು ಮತ್ತೊಂದು ಪುಟವಿದೆ. ಇದರ ಉದ್ದೇಶ ಇಷ್ಟೇ: ಅಪೂರ್ವ ಸಾಧಕಿಯರ ಜೊತೆಗೆ ಮಕ್ಕಳು ತಮ್ಮನ್ನು ತಾವು ಸಮೀಕರಿಸಿಕೊಳ್ಳಲು ಪ್ರೇರೇಪಿಸುವುದು.

. ಇದು ಹೆಣ್ಣುಮಕ್ಕಳಿಗಾಗಿ ರೂಪಿಸಿರುವ ವಿಶೇಷ ಪುಸ್ತಕ. ಹುಡುಗಿಯರಿಗೆ ಉಡುಗೊರೆ ಕೊಡಲಿಕ್ಕೆ ಇದು ಅತ್ಯುತ್ತಮ ಪುಸ್ತಕ. amazon.in ನಲ್ಲಿ ಪುಸ್ತಕ ಲಭ್ಯವಿದೆ. ಬೆಲೆ 559 ರೂಪಾಯಿ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ನೂರು ಅಸಾಧಾರಣ ಮಹಿಳೆಯರ ಕಥಾಮೃತ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬಾಗೇಪಲ್ಲಿ ಕಾಂಗ್ರೆಸ್ ಶಾಸಕ‌ ಸುಬ್ಬಾರೆಡ್ಡಿ ನಿವಾಸದ ಮೇಲೆ ಇ.ಡಿ ದಾಳಿ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ

Wimbledon 2025: ಅರಿನಾ ಸಬಲೆಂಕಾಗೆ ಆಘಾತ ನೀಡಿದ ಅಮಂಡಾ ಅನಿಸಿಮೋವಾ

IND vs ENG 2nd Test: ಆತಿಥೇಯರಿಗೆ ರೂಟ್ ಆಸರೆ

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ದಾಖಲೆಯ 14ನೇ ಬಾರಿ ಸೆಮಿಗೆ ಜೊಕೊವಿಚ್‌

ಮಂಗಳೂರಿನಲ್ಲಿ ರಾಜ್ಯ ರ‍್ಯಾಂಕಿಂಗ್ TT:ಮಹಿಳಾ ಸಿಂಗಲ್ಸ್ ಪ್ರಶಸ್ತಿ ಗೆದ್ದ ತೃಪ್ತಿ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 10 ಜುಲೈ 2025

ಚುರುಮುರಿ: ಇಂಗ್ಲಿಷ್ ಅವಮಾನ!

ಬಾಗೇಪಲ್ಲಿ ಕಾಂಗ್ರೆಸ್ ಶಾಸಕ‌ ಸುಬ್ಬಾರೆಡ್ಡಿ ನಿವಾಸದ ಮೇಲೆ ಇ.ಡಿ ದಾಳಿ

ಬೇಡಿಕೆ ಕುಸಿದ ಎಂಜಿನಿಯರಿಂಗ್ ಕೋರ್ಸ್‌ಗಳ ಶುಲ್ಕ ಶೇ 50 ಕಡಿತ