7
X

'ಪ್ರಜಾವಾಣಿ'ಯ ಜಾಲತಾಣವನ್ನು ಹೆಚ್ಚು ಓದುಗ ಸ್ನೇಹಿಯಾಗಿಸುವ ಉದ್ದೇಶದಿಂದ ಹೊಸ ವಿನ್ಯಾಸವನ್ನು ರೂಪಿಸಲಾಗಿದೆ.
ಈ ವಿನ್ಯಾಸದ ಕುರಿತ ನಿಮ್ಮ ಅಭಿಪ್ರಾಯಗಳನ್ನು ಇಲ್ಲಿರುವ ಲಿಂಕ್ ಕ್ಲಿಕ್ಕಿಸುವ ಮೂಲಕ ನಮಗೆ ತಿಳಿಸಬಹುದು

webfeedback@prajavani.co.in

ಚೀನಾ: ಚಂದ್ರನ ಮೇಲೆ ರೊಬೊಟ್ ನಿಲ್ದಾಣ

Published:
Updated:
ಚೀನಾ: ಚಂದ್ರನ ಮೇಲೆ ರೊಬೊಟ್ ನಿಲ್ದಾಣ

ಬೀಜಿಂಗ್: ಚಂದ್ರನ ಮೇಲೆ ರೊಬೊಟ್ ನಿಲ್ದಾಣ ಸ್ಥಾಪಿಸಲು ಚೀನಾ ಚಿಂತನೆ ನಡೆಸುತ್ತಿದ್ದು, ಚಂದ್ರನ  ಭೌಗೋಳಿಕತೆ ಕುರಿತು ಹೆಚ್ಚಿನ ಸಂಶೋಧನೆ ನಡೆಸುವುದು ಇದರ ಉದ್ದೇಶ.

ಸುಸ್ಥಿರವಾದ ರೊಬೊಟ್ ನಿಲ್ದಾಣ ಸ್ಥಾಪಿಸುವುದರಿಂದ, ದೊಡ್ಡ ಮಟ್ಟದಲ್ಲಿ ಹೆಚ್ಚು ಸಂಕೀರ್ಣವಾದ ಸಂಶೋಧನೆಗಳನ್ನು ನಡೆಸಲು ಸಾಧ್ಯ ಇದೆ ಎಂದು ಈ ಯೋಜನೆ ಘೋಷಿಸಿದ ಬಾಹ್ಯಾಕಾಶ ಅಧಿಕಾರಿಗಳ ಹೇಳಿಕೆ ಉಲ್ಲೇಖಿಸಿ ಗ್ಲೋಬಲ್ ಟೈಮ್ಸ್ ಪತ್ರಿಕೆ ವರದಿ ಮಾಡಿದೆ.

‌ಈ ಯೋಜನೆಗೆ ಪೂರಕವಾಗಿ ಚೀನಾ 100 ಟನ್‌ಗಿಂತ ಅಧಿಕ ತೂಕ ಹೊರುವ ಸಾಮರ್ಥ್ಯದ ರಾಕೆಟ್‌ ಅನ್ನು 2030ರ ವೇಳೆಗೆ ಉಡಾಯಿಸಲಿದೆ ಎಂದು ವರದಿಯಲ್ಲಿ ಉಲ್ಲೇಖವಾಗಿದೆ.

ಈ ನಿಲ್ದಾಣ ಸ್ಥಾಪನೆಯಿಂದಾಗಿ, ಚಂದ್ರನ ಮೇಲಿನ ಬಂಡೆಗಲ್ಲುಗಳ ಮಾದರಿಗಳನ್ನು ಭೂಮಿಗೆ ವಾಪಸ್ ಕಳುಹಿಸುವ ವೆಚ್ಚ ಕಡಿತವಾಗಬಹುದು ಎಂದು ಪೆಕಿಂಗ್ ವಿಶ್ವವಿದ್ಯಾಲಯದ ಬಾಹ್ಯಾಕಾಶ ವಿಜ್ಞಾನ ಪ್ರಾಧ್ಯಾಪಕ ಜಿಯಾವೊ ವೈಕ್ಸಿನ್ ಹೇಳಿದ್ದಾರೆ.

ಚಂದ್ರನ ಅನ್ವೇಷಣಾ ಯೋಜನೆಯ ಮೂರು ಹಂತದಲ್ಲಿ ಎರಡನೆಯದಾದ ಚಾಂಗ್ 4 ರಾಕೆಟ್ ಉಡಾವಣೆ 2018ರಲ್ಲಿ ಆಗಲಿದೆ. ಇದು ಚಂದ್ರನ ಕಪ್ಪು ಭಾಗದ ಅಧ್ಯಯನ ನಡೆಸಲಿದೆ. ನಂತರ ಚಾಂಗ್ 5 ರಾಕೆಟ್ ಉಡಾವಣೆಯಾಗಲಿದ್ದು, ಇದು ಚಂದ್ರನ ಬಂಡೆಗಲ್ಲುಗಳ ಮಾದರಿ ಸಂಗ್ರಹಿಸಿಕೊಂಡು ಭೂಮಿಗೆ ಮರಳಲಿದೆ. ನಂತರದಲ್ಲಿ ಚಂದ್ರನ ದಕ್ಷಿಣ ಭಾಗದ ಅಧ್ಯಯನಕ್ಕಾಗಿ ಇನ್ನೂ ಮೂರು ಯೋಜನೆಗಳನ್ನು ಕೈಗೆತ್ತಿಕೊಳ್ಳಲಿದೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry