ಆದರೆ, ಈ ವಿಡಿಯೊಗೆ ಸಂಬಂಧಿಸಿದ ವಿವರ ತಪ್ಪಾಗಿದೆ ಎಂದು ಹಲವು ಫ್ಯಾಕ್ಟ್ಚೆಕ್ ವೇದಿಕೆಗಳು ಫ್ಯಾಕ್ಟ್ಚೆಕ್ ಪ್ರಕಟಿಸಿವೆ. ಈ ಪೋಸ್ಟ್ನಲ್ಲಿ ಇರುವ ವಿಡಿಯೊ ಬೆಂಗಳೂರಿನ ಆಸ್ಪತ್ರೆಯದ್ದಲ್ಲ. ಇದು ಪಂಜಾಬ್ನ ಪಟಿಯಾಲದ ಆಸ್ಪತ್ರೆ ಒಂದರ ಸಿಸಿಟಿವಿ ಕ್ಯಾಮೆರಾ ದೃಶ್ಯಾವಳಿ. 2020ರ ಆಗಸ್ಟ್ನಲ್ಲಿ ಖಿನ್ನತೆಗೆ ಒಳಗಾಗಿದ್ದ ವ್ಯಕ್ತಿಯೊಬ್ಬರಿಗೆ ಆಸ್ಪತ್ರೆ ಸಿಬ್ಬಂದಿ ಥಳಿಸಿದ್ದ ದೃಶ್ಯ ಅದು. ಈ ಸಂಬಂಧ ಅಲ್ಲಿ ಪ್ರಕರಣ ದಾಖಲಾಗಿತ್ತು. ಅಲ್ಲದೆ, ಹಲ್ಲೆ ನಡೆಸಿದ ಸಿಬ್ಬಂದಿಯನ್ನು ಬಂಧಿಸಲಾಗಿತ್ತು. ಇದಕ್ಕೆ ಸಂಬಂಧಿಸಿದ ಸುದ್ದಿಯನ್ನು ಅಮರ್ ಉಜಾಲ, ಎಬಿಪಿ ನ್ಯೂಸ್ ಮತ್ತಿತರ ಪತ್ರಿಕೆ ಮತ್ತು ವಾಹಿನಿಗಳು ಪ್ರಕಟಿಸಿದ್ದವು.