ಭಾರತದಲ್ಲಿ ಅತಿ ಕಡಿಮೆ ಪ್ರಮಾಣದಲ್ಲಿರುವ ಜೈನ ಸಮುದಾಯದವು ದೇಶದ ತೆರಿಗೆ ವ್ಯವಸ್ಥೆಗೆ ಶೇ 24ರಷ್ಟು ಕೊಡುಗೆ ನೀಡುತ್ತಿದೆ ಎಂಬುದಾಗಿ ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆಯಾಗುತ್ತಿದೆ. ಸಿಎನ್ಬಿಸಿ ಇಂಡಿಯಾದ ಮಾಜಿ ಸಂಪಾದಕ ವರಿಂದರ್ ಬನ್ಸಾಲ್ ಅವರು 2022ರ ಸೆ.19ರಂದು ಟ್ವೀಟ್ನಲ್ಲಿ ಈ ವಿಷಯ ಪ್ರಸ್ತಾಪಿಸಿದ್ದರು. ಜೈನ ಸಮುದಾಯವು ಶೇ 0.4ರಷ್ಟು ಪ್ರಮಾಣದಲ್ಲಿದ್ದರೂ, ದೇಶದ ಶೇ 28ರಷ್ಟು ಆಸ್ತಿಯನ್ನು ಹೊಂದಿದೆ ಎಂಬುದಾಗಿ ಕೆಲವರು ಟ್ವೀಟ್ ಮಾಡಿದ್ದಾರೆ. ಭಾರತದ ಷೇರು ದಲ್ಲಾಳಿಗಳಲ್ಲಿ ಜೈನರ ಪ್ರಮಾಣ ಶೇ 46ರಷ್ಟಿದೆ ಎಂಬುದಾಗಿಯೂ ಸಾಮಾಜಿಕ ಜಾಲತಾಣಗಳಲ್ಲಿ ಹೇಳಲಾಗಿದೆ. ಆದರೆ, ತೆರಿಗೆಗೆ ಜೈನ ಸಮುದಾಯದ ಭಾರಿ ಕೊಡುಗೆ ವಿಚಾರ ಸುಳ್ಳು.