ವಿಡಿಯೊದ ಮೂಲ ಹುಡುಕಿದ ಆಲ್ಟ್ ನ್ಯೂಸ್ ತಂಡಕ್ಕೆ ಅದು ಬಂಗಾಳಕ್ಕೆ ಸಂಬಂಧಿಸಿದ್ದು ಅಲ್ಲ ಎಂಬುದು ದೃಢಪಟ್ಟಿದೆ. 2021ರ ಜನವರಿ 31ರಂದು ಒಡಿಶಾದಲ್ಲಿ ಯುವಕನ ಸಾವು ಖಂಡಿಸಿ ಸ್ಥಳೀಯರು ಪೊಲೀಸರನ್ನು ಗುರಿಯಾಗಿಸಿ ದಾಳಿ ನಡೆಸಿದ ಘಟನೆಯ ವಿಡಿಯೊ ಅದು ಎಂದು ಸ್ಪಷ್ಟಪಡಿಸಿದೆ. ಈ ವಿಡಿಯೊ ಕಳಿಂಗ ಟಿ.ವಿಯಲ್ಲಿ ಪ್ರಸಾರವಾಗಿದೆ. ಇಂಡಿಯನ್ ಎಕ್ಸ್ಪ್ರೆಸ್ ಸೇರಿದಂತೆ ಕೆಲವು ಪತ್ರಿಕೆಗಳು ಈ ವರದಿಯನ್ನು ಪ್ರಕಟಿಸಿದ್ದು, ಈ ವಿಡಿಯೊಗೂ, ಬಂಗಾಳದ ಹಿಂಸಾಚಾರಕ್ಕೂ ಸಂಬಂಧವಿಲ್ಲ ಎಂದು ವೆಬ್ಸೈಟ್ ತಿಳಿಸಿದೆ.