‘ಸತ್ಯವನ್ನು ಮರೆ ಮಾಡಲು ಯಾರಿದಂಲೂ ಸಾಧ್ಯವಿಲ್ಲ. ಸರ್ವವೂ ಜಗದೊಡೆಯ ಶಿವನದೇ. ಮೆಕ್ಕಾದಲ್ಲಿರುವುದು ಶಿವಲಿಂಗ. ಎಲ್ಲಾ ಹಿಂದುಗಳೂ ತಪ್ಪದೇ ಶೇರ್‌ ಮಾಡಿ. ಹರ ಹರ ಮಹಾದೇವ’ ಎಂಬ ಬರಹ ಇರುವ ಪೋಸ್ಟ್‌ ಫೇಸ್‌ಬುಕ್‌ನಲ್ಲಿ ಹರಿದಾಡುತ್ತಿದೆ. ಅದರ ಜತೆಯಲ್ಲಿ ವಿಡಿಯೊ ಒಂದನ್ನು ಹಂಚಿಕೊಳ್ಳಲಾಗಿದೆ. ಮುಸ್ಲಿಮರು ಪರದೆಯ ಮರೆಯಲ್ಲಿರುವ ಶಿಲೆಯೊಂದನ್ನು ಮುಟ್ಟಿ ಪ್ರಾರ್ಥಿಸುತ್ತಿರುವ ದೃಶ್ಯ ಅದರಲ್ಲಿದೆ. ಮೆಕ್ಕಾದಲ್ಲಿ ಶಿವಲಿಂಗವಿದೆ. ಅದನ್ನೇ ಪರದೆಯಿಂದ ಮುಚ್ಚಲಾಗಿದೆ ಎಂದು ಹಲವರು ಪ್ರತಿಕ್ರಿಯೆ ನೀಡಿದ್ದಾರೆ. ಆದರೆ ಇದು ತಪ್ಪು ಮಾಹಿತಿ.
