ಮೋದಿ ಅಧಿಕಾರವಧಿಯಲ್ಲಿ 2.2 ಕೋಟಿ ಉದ್ಯೋಗವಕಾಶ ಸೃಷ್ಟಿ: ವರದಿ

2017ರಲ್ಲಿ ಎಷ್ಟು ಉದ್ಯೋಗವಕಾಶಗಳು ಸೃಷ್ಟಿಯಾಗಿವೆ ಮತ್ತು ಪ್ರತಿ ವರ್ಷ ಎಷ್ಟು ಉದ್ಯೋಗಗಳಿಗೆ ಬೇಡಿಕೆ ಇದೆ ಎಂಬುದನ್ನು ತಿಳಿಯುವುದಕ್ಕಾಗಿ ಪ್ರಧಾನಿಯವರ ಆರ್ಥಿಕ ಸಲಹಾ ಸಮಿತಿಯ ಸದಸ್ಯ ಸುರ್ಜಿತ್ ಭಲ್ಲಾ ಈ ವರದಿ ತಯಾರಿಸಿದ್ದಾರೆ.

ಕೇಂದ್ರ ಸರ್ಕಾರದ ಮುದ್ರಾ ಯೋಜನೆ, ರಸ್ತೆ ಮೊದಲಾದ ಮೂಲ ಸೌಕರ್ಯ ಸೇರಿದಂತೆ ಅಭಿವೃದ್ಧಿ ಯೋಜನೆಗಳು ಹೆಚ್ಚಿನ ಉದ್ಯೋಗವಕಾಶಗಳನ್ನು ಸೃಷ್ಟಿಸಿವೆ.2017-2018 ಆರ್ಥಿಕ ವರ್ಷದಲ್ಲಿ 17ರಿಂದ 30 ಲಕ್ಷ ಉದ್ಯೋಗವಕಾಶಗಳು ನಿರ್ಮಾಣ ವಲಯದಲ್ಲಿ ಸೃಷ್ಟಿಯಾಗಿವೆ ಎಂದು ಈ ವರದಿಯಲ್ಲಿ ಹೇಳಲಾಗಿದೆ,

2017ರಲ್ಲಿ ನಿರುದ್ಯೋಗ ಸಮಸ್ಯೆಯನ್ನು ಕಡಿಮೆ ಮಾಡುವುದಕ್ಕಾಗಿ ಸೃಷ್ಟಿಯಾಗಿದ್ದು 75 ಲಕ್ಷ ಉದ್ಯೋಗವಕಾಶಗಳು ಮಾತ್ರ ಎಂದು ಈ ವರದಿಯಲ್ಲಿ ಉಲ್ಲೇಖಿಸಲಾಗಿದೆ.

ಅದೇ ವೇಳೆ ಖಾಸಗಿ ಸಮೀಕ್ಷೆಗಳಲ್ಲಿನ ಲೋಪಗಳನ್ನು ಈ ವರದಿ ಪ್ರಶ್ನಿಸಿದೆ. ಸೆಂಟರ್ ಫಾರ್ ಮೈನಾರಿಟಿ ಇಕಾನಮಿ , ಬಾಂಬೆ ಸ್ಟಾಕ್ ಎಕ್ಸ್ ಚೇಂಜ್ ಮೊದಲಾದವುಗಳು ತಯಾರಿಸಿದ ಸಮೀಕ್ಷಾ ವರದಿಯಲ್ಲಿ 17 ಲಕ್ಷ ಉದ್ಯೋಗಗಳು ಮಾತ್ರ 2017ರಲ್ಲಿ ಸೃಷ್ಟಿಸಲಾಗಿದೆ ಎಂದು ಹೇಳಿವೆ. ಈ ಸಮೀಕ್ಷಾ ವರದಿಯನ್ನು ತಳ್ಳಿ ಹಾಕಿದ ಭಲ್ಲಾ, ಸೆಂಟರ್ ಫಾರ್ ಮೈನಾರಿಟಿ ಇಂಡಿಯನ್ ಇಕಾನಮಿ ವರದಿಯಲ್ಲಿ ಲೋಪ ದೋಷಗಳಿವೆ ಎಂದಿದ್ದಾರೆ.