ಮುಂಬೈ | ಒಂದೇ ದಿನ ಐವರು ಬಾಲಕಿಯರು ನಾಪತ್ತೆ

ಠಾಣೆ: ಬೇರೆ ಬೇರೆ ಕುಟುಂಟಕ್ಕೆ ಸೇರಿದ ಐವರು ಬಾಲಕಿಯರು ಒಂದೇ ದಿನ ನಾಪತ್ತೆಯಾಗಿರುವ ಘಟನೆ ನವಿ ಮುಂಬೈನ ತಲೋಜಾದಲ್ಲಿ ನಡೆದಿದೆ.

ಶನಿವಾರ ಬೆಳಿಗ್ಗೆ 14 ಮತ್ತು 16 ವರ್ಷದ ಇಬ್ಬರು ಸಹೋದರಿಯರು ಶಾಲೆಗೆ ತೆರಳಿದ್ದು, ಮನೆಗೆ ವಾಪಸ್ ಬಂದಿಲ್ಲ. ಮತ್ತೊಂದು ಘಟನೆಯಲ್ಲಿ 5, 7 ಮತ್ತು 14 ವರ್ಷದ ಮೂವರು ಸಹೋದರಿಯರು ತಲೋಜಾದಲ್ಲಿರುವ ತಮ್ಮ ಮನೆಯಿಂದಲೇ ಕಾಣೆಯಾಗಿದ್ದಾರೆ ಎಂದು ಪೊಲೀಸ್‌ ಅಧಿಕಾರಿಯೊಬ್ಬರು ಹೇಳಿದ್ದಾರೆ.

ಬಾಲಕಿಯರಿಗಾಗಿ ಹುಡುಕಾಟ ನಡೆಸಿದ್ದು, ಐಪಿಎಸ್‌ ಸೆಕ್ಷನ್‌ 363(ಅಪಹರಣ) ಅಡಿಯಲ್ಲಿ ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ ಎಂದು ಅವರು ತಿಳಿಸಿದ್ದಾರೆ.