ಕಥುವಾ: ಇಡೀ ದೇಶ ಕೋವಿಡ್ ಸಾಂಕ್ರಾಮಿಕ ವೈರಸ್ನ ಹೊಡೆತಕ್ಕೆ ಸಿಲುಕಿದೆ. ಮಾಸ್ಕ್ ಹಾಕಿಕೊಂಡೇ ಹೊರಗೆ ಬರುವ ಪರಿಸ್ಥಿತಿ ಇದೆ. ಎಲ್ಲಿ, ಯಾವಾಗ ಸೋಂಕು ವಕ್ಕರಿಸುತ್ತೋ ಎಂಬ ಆತಂಕ ಆವರಿಸಿದೆ. ಇಂತಹ ಕಠಿಣ ಸಂದರ್ಭದಲ್ಲಿಯೂ ಉತ್ತರ ಪ್ರದೇಶದ 8 ತಿಂಗಳ ತುಂಬು ಗರ್ಭಿಣಿ ವೈದ್ಯೆಯೊಬ್ಬರು ಈಗಲೂ ರೋಗಿಗಳ ಸೇವೆ ಮಾಡುತ್ತಿದ್ದಾರೆ. ಕಥುವಾ ಆರೋಗ್ಯ ಕೇಂದ್ರದ ವೈದ್ಯೆ ಡಾ. ಶಿವಾನಿ ಈ ಸಂದರ್ಭದಲ್ಲೂ ತಮ್ಮ ಕರ್ತವ್ಯಕ್ಕೆ ಹಾಜರಾಗುತ್ತಿದ್ದಾರೆ. ಗರ್ಭಿಣಿಯಾಗಿರುವುದು ಇದುವರೆಗೆ ನನ್ನ ವೃತ್ತಿಗೆ ತೊಡಕಾಗಿಲ್ಲ. ಕೋವಿಡ್ ಹರಡುತ್ತಿರುವ ಈ ಸಂದರ್ಭದಲ್ಲಿ ಇಲ್ಲಿ ರೋಗಿಗಳ ಆರೈಕೆ ಮಾಡುವುದು ನನ್ನ ಕರ್ತವ್ಯವಾಗಿದೆ. ಆರೋಗ್ಯ ಸಮಸ್ಯೆ ಎದುರಿಸುತ್ತಿರುವ ರೋಗಿಗಳಿಗೆ ನಮ್ಮ ಅಗತ್ಯವಿದೆ ಎಂದಿದ್ದಾರೆ.