ಬೆಂಗಳೂರು: ಮುಂಬರುವ ಲೋಕಸಭಾ ಚುನಾವಣೆಯ ಸಿದ್ಧತೆಗೆ ಎಲ್ಲಾ ಪಕ್ಷಗಳು ರಾಜಕೀಯ ಕಾರ್ಯತಂತ್ರಗಳನ್ನು ರೂ‍ಪಿಸುತ್ತಿದೆ. ಇದೀಗ ಸಾಮಾಜಿಕ ಜಾಲತಾಣದಲ್ಲಿ ನರೇಂದ್ರ ಮೋದಿ ಹಾಗೂ ರಾಹುಲ್‌ ಗಾಂಧಿ ನಡುವಿನ ಸಂಭಾಷಣೆಯ ಇನ್ಫೋಗ್ರಾಫ್ ವಿಡಿಯೊ ಗಮನ ಸೆಳೆದಿದೆ.
ಈ ಸಂಬಂಧ ಸಾಮಾಜಿಕ ಜಾಲತಾಣ ಎಕ್ಸ್‌ನಲ್ಲಿ (ಟ್ವಿಟರ್‌) ಇನ್ಫೋಗ್ರಾಫ್ ಹಂಚಿಕೊಂಡಿರುವ ಕಾಂಗ್ರೆಸ್‌, ಮೋದಿ ಅವರೇ, ’ನಿಮ್ಮ ಬಳಿ ಅಧಿಕಾರ, ಹಣ, ಇಡಿ, ಸ್ನೇಹಿತರಿದ್ದಾರೆ. ಆದರೆ ನನ್ನ ಜೊತೆ ಇಡೀ ದೇಶವೇ ಇದೆ ಎಂದು ಹೇಳುವ ಇನ್ಫೋಗ್ರಾಫ್ ದೃಶ್ಯಗಳು’ ವಿಡಿಯೊದಲ್ಲಿದೆ.
ಬಿಜೆಪಿಯೂ ಕೂಡ ಎಕ್ಸ್‌ನಲ್ಲಿ (ಟ್ವಿಟರ್‌) ಇನ್ಫೋಗ್ರಾಫ್ ವಿಡಿಯೊ ಹಂಚಿಕೊಂಡು, ರಾಹುಲ್‌ ಗಾಂಧಿ ಅವರೇ, ‘ಅಧಿಕಾರ ಮತ್ತು ಸರ್ಕಾರದ ಮಧ್ಯೆ 140 ಕೋಟಿ ಜನರಿದ್ದಾರೆ. ಯಾವುದೇ ಕಾರಣಕ್ಕೂ ದೇಶ ಹಾಳು ಮಾಡಲು ನಾನು ( ಮೋದಿ) ಬಿಡುವುದಿಲ್ಲ’ ಎಂದು ಹೇಳುತ್ತಿರುವುದು ಇನ್ಫೋಗ್ರಾಫ್ ವಿಡಿಯೊದಲ್ಲಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.