ಗುವಾಹಟಿ: ಬಹುಪತ್ನಿತ್ವ/ಬಹುಪತಿತ್ವ ನಿಷೇಧಿಸುವ ಕುರಿತ ಮಸೂದೆಯನ್ನು ಇದೇ ಹಣಕಾಸು ವರ್ಷದ ಒಳಗಾಗಿ ಮಂಡಿಸಲಾಗುವುದು ಎಂದು ಅಸ್ಸಾಂ ಮುಖ್ಯಮಂತ್ರಿ ಹಿಮಂತ ಬಿಸ್ವ ಶರ್ಮ ಭಾನುವಾರ ಹೇಳಿದ್ದಾರೆ.
ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ‘ಈ ಕುರಿತ ವರದಿಯನ್ನು ತಜ್ಞರ ಸಮಿತಿ ಇಂದು ಸಲ್ಲಿಸಿದೆ. ಈ ವಿಚಾರವಾಗಿ ರಾಜ್ಯ ಸರ್ಕಾರ ತನ್ನದೇ ಆದ ಕಾನೂನುಗಳನ್ನು ರೂಪಿಸುವುದಕ್ಕೆ ಒಪ್ಪಿಗೆ ಸೂಚಿಸಿದೆ’ ಎಂದರು.
‘ಬಹುಪತ್ನಿತ್ವ/ ಬಹುಪತಿತ್ವ ಕೊನೆಗಾಣಿಸಲು ರಾಜ್ಯ ಸರ್ಕಾರ ರೂಪಿಸುವ ಕಾಯ್ದೆಗೆ ರಾಜ್ಯಪಾಲರ ಬದಲಾಗಿ ರಾಷ್ಟ್ರಪತಿ ಅಂಕಿತ ಹಾಕುವುದು ಅಗತ್ಯ ಎಂದೂ ಸಮಿತಿ ತಿಳಿಸಿದೆ’ ಎಂದು ಶರ್ಮ ಹೇಳಿದರು.
‘ಇದೇ ಹಣಕಾಸು ವರ್ಷ ಅಂತ್ಯದ ಒಳಗಾಗಿ ಈ ಕಾಯ್ದೆ ಜಾರಿಗೆ ಬರುವುದು ನಿಶ್ಚಿತ’ ಎಂದು ಪ್ರಶ್ನೆಯೊಂದಕ್ಕೆ ಅವರು ಉತ್ತರಿಸಿದರು.
