ಬಿಹಾರ ವಿಧಾನಸಭೆ: ಕಿಶೋರ್ ಯಾದವ್ ನೂತನ ಸ್ಪೀಕರ್

ಮುಖ್ಯಮಂತ್ರಿ ನಿತೀಶ್ ಕುಮಾರ್ ಹಾಗೂ ವಿರೋಧ ಪಕ್ಷದ ನಾಯಕ ತೇಜಸ್ವಿ ಯಾದವ್ ಇಬ್ಬರೂ ಸಭಾಧ್ಯಕ್ಷರ ಸ್ಥಾನದವರೆಗೆ ನಂದ ಕಿಶೋರ್ ಯಾದವ್ ಅವರನ್ನು ಗುರುವಾರ ಕರೆದುಕೊಂಡು ಹೋದರು. ಆನಂತರ ಇಬ್ಬರೂ ಅವರನ್ನು ಅಭಿನಂದಿಸಿದರು. 

‘ನೀವು ಅನುಭವಸ್ಥ ನಾಯಕರು. ನಿಮ್ಮ ಆಯ್ಕೆಗಾಗಿ ಅಭಿನಂದನೆ. ಎಲ್ಲ ಶಾಸಕರೂ ನಿಮ್ಮನ್ನು ಬೆಂಬಲಿಸಿದ್ದಾರೆ. ಆಡಳಿತ ಹಾಗೂ ವಿರೋಧ ಪಕ್ಷ ಎರಡರ ಅಭಿಪ್ರಾಯಗಳನ್ನೂ ನೀವು ಆಲಿಸುವಿರಿ ಎನ್ನುವುದರಲ್ಲಿ ಅನುಮಾನವಿಲ್ಲ’ ಎಂದು ನಿತೀಶ್ ಕುಮಾರ್ ಹೇಳಿದರು. ತೇಜಸ್ವಿ ಯಾದವ್ ಸಹ ಈ ಅಭಿಪ್ರಾಯವನ್ನು ಪುನರುಚ್ಚರಿಸಿದರು. ಉಪ ಮುಖ್ಯಮಂತ್ರಿಗಳಾದ ಸಾಮ್ರಾಟ್‌ ಚೌಧರಿ ಹಾಗೂ ವಿಜಯ್‌ ಕುಮಾರ್‌ ಸಿನ್ಹ ಅವರೂ ಹೊಸ ಸ್ಪೀಕರ್‌ಗೆ ಅಭಿನಂದನೆ ಹೇಳಿದರು.