ಕಲಬೆರಕೆ ಹಾಲು ಮಾರಿ ಕೋಟ್ಯಧೀಶರಾದ ಸೋದರರು!

ಭೋಪಾಲ್: ಆರೇಳು ವರ್ಷಗಳ ಹಿಂದೆ ಮನೆ ಮನೆಗೆ ತೆರಳಿಹಾಲು ಮಾರುತ್ತಿದ್ದ ಸೋದರರಿಬ್ಬರು ಈಗ 2 ಕೋಟಿಯ ಹಾಲು ಶಿಥಲೀಕರಣ ಘಟಕದ ಮಾಲೀಕರು, ಮೂರು ಬಂಗಲೆಗಳ ಒಡೆಯರು, ಹತ್ತಾರು ಎಕರೆ ಜಮೀನು ಹೊಂದಿದ್ದಾರೆ. ಓಡಾಡಲು ಎಸ್ಯುವಿ ಕಾರುಗಳನ್ನೇ ಬಳಸುವ ಶ್ರೀಮಂತರಾಗಿದ್ದಾರೆ.

. ಇದು ಚಮತ್ಕಾರವೇನಲ್ಲ. ಮಧ್ಯಪ್ರದೇಶದ ಮೊರೇನಾ ಜಿಲ್ಲೆಯ ದಾಕ್ಪುರ್ ಎಂಬಲ್ಲಿ ದೇವೇಂದ್ರ ಗುರ್ಜರ್ (42), ಜೈವೀರ್ ಗುರ್ಜರ್ (40) ಎಂಬುವವರ ಬದುಕಿನಲ್ಲಾಗಿರುವ ಅಭಿವೃದ್ಧಿ. ಆದರೆ, ಗುರ್ಜರ್ ಸೋದರರು ಈ ಮಟ್ಟಿಗಿನ ಅಭಿವೃದ್ಧಿ ಸಾಧಿಸಿದ್ದು ಮಾತ್ರ ವಾಮ ಮಾರ್ಗದಿಂದ. ಸಿಂಥೆಟಿಕ್ ಹಾಲು ತಯಾರಿಸಿ, ಮಾರಾಟ ಮಾಡಿ ಅವರು ಶ್ರೀಮಂತರಾಗಿದ್ದಾರೆ. ಸೋದರರ ಅಕ್ರಮವನ್ನು ಪೊಲೀಸ್ ಎಸ್ಟಿಎಫ್( ವಿಶೇಷ ಕಾರ್ಯಪಡೆ) ಬಯಲು ಮಾಡಿದೆ.

. ಗುರ್ಜರ್ ಸೋದರರಂತೆಯೇ ಇನ್ನೂ ಹಲವರು ಇದೇ ಮಾರ್ಗವನ್ನು ಅನುಸರಿಸಿ ಕೇವಲ ಐದು ವರ್ಷಗಳಲ್ಲಿ ಶ್ರೀಮಂತರಾದ ಬಗ್ಗೆ ಎಸ್ಟಿಎಫ್ ತನ್ನ ಎಫ್ಐಆರ್ನಲ್ಲಿ ಹೆಸರುಗಳನ್ನು ಉಲ್ಲೇಖಿಸಿದೆ. ಈ ದಂಧೆಕೋರರು ಮಧ್ಯಪ್ರದೇಶದಲ್ಲಿ ಮಾತ್ರ ಹಾಲು ಮಾರಾಟ ಮಾಡುತ್ತಿರಲಿಲ್ಲ. ಉತ್ತರ ಪ್ರದೇಶ, ಹರಿಯಾಣ, ದೆಹಲಿ, ರಾಜಸ್ಥಾನದ ಡೇರಿ ಕಂಪೆನಿಗಳಿಗೂ ಹಾಲು ಮಾರಾಟ ಮಾಡುತ್ತಿದ್ದರು ಎಂದು ಪೊಲೀಸರು ಹೇಳಿದ್ದಾರೆ.

. ಗ್ಲೂಕೋಸ್, ಯೂರಿಯಾ, ಎಣ್ಣೆ, ಹಾಲಿನ ಪುಡಿ, ನೀರು ಬೆರೆಸಿ ಹಾಲಿನಂಥ ದ್ರವ ತಯಾರಿಸುತ್ತಿದ್ದ ಇವರು, ಅದಕ್ಕೆ ಹೈಡ್ರೋ ಪೆರಾಕ್ಸೈಡ್ ಎಂಬ ರಾಸಾಯನಿಕವನ್ನೂ ಬೆರಸುತ್ತಿದ್ದರು. ಕಲಬೆರಕೆ ಹಾಲು ಮಾತ್ರವಲ್ಲದೇಉಪ ಉತ್ಪನ್ನಗಳಾದ ಚೀಸ್ ಮತ್ತು ಮಾವಾ ಎಂಬ ಪದಾರ್ಥವನ್ನೂ ತಯಾರಿಸಿ ಮಾರಾಟ ಮಾಡಿ ಹಣ ಗಳಿಸುತ್ತಿದ್ದರು.

. ‘ಪ್ರಮುಖ ಆರು ಆರೋಪಿಗಳಾದ ದೇವೇಂದ್ರ ಗುರ್ಜರ್, ಜೈವೀರ್ ಗುರ್ಜರ್, ರಾಮ್ನರೇಶ್ ಗುರ್ಜರ್, ದಿನೇಶ್ ಶರ್ಮಾ, ಸಂತೋಷ್ ಸಿಂಗ್ ಮತ್ತು ರಾಜೀವ್ ಗುಪ್ತಾ ಅವರ ಆಸ್ತಿ, ಜೀವನ ಶೈಲಿಯಲ್ಲಿ ಭಾರಿ ಬದಲಾವಣೆಯಾಗಿರುವುದು ನಮ್ಮ ಗಮನಕ್ಕೆ ಬಂದಿತ್ತು. ಇತ್ತೀಚಿನ ಕೆಲ ವರ್ಷಗಳಲ್ಲಿ ಅವರು ಶ್ರೀಮಂತರಾಗಿದ್ದರು. ಸಣ್ಣ ಡೇರಿ ಇಟ್ಟುಕೊಂಡಿದ್ದ ಅವರು ಕೋಟ್ಯದೀಶರಾಗಿದ್ದರು. ನಾವು ಇದರ ಬಗ್ಗೆ ತನಿಖೆ ಮಾಡಿದ್ದೇವೆ. ಈ ಪ್ರಕರಣವನ್ನು ಆದಾಯ ತೆರಿಗೆ ಇಲಾಖೆಗೂ ನೀಡಿದ್ದೇವೆ,’ ಎಂದು ಎಸ್ಟಿಎಫ್ನ ಸೂಪರಿಂಡೆಂಟ್ ರಾಜೇಶ್ ಭದೋರಿ ತಿಳಿಸಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕಲಬೆರಕೆ ಹಾಲು ಮಾರಿ ಕೋಟ್ಯಧೀಶರಾದ ಸೋದರರು!

ಚಿನಕುರುಳಿ Cartoon: 15 ಜನವರಿ 2026

ಗುಂಡಣ್ಣ: ಗುರುವಾರ, 15 ಜನವರಿ 2026

ಚುರುಮುರಿ: ಚಿನ್ನದ ನಿಧಿಯೇ ಅನುದಾನ!

ಪಾಕ್ ಸೇರಿ 75 'ಹೈ ರಿಸ್ಕ್' ದೇಶಗಳ ಜನರಿಗೆ ವಲಸೆ ವೀಸಾ ಸ್ಥಗಿತಗೊಳಿಸಿದ ಅಮೆರಿಕ

ಅಂತರ್‌ ವಿವಿ ಅಥ್ಲೆಟಿಕ್ಸ್‌: ರೋಚಕ ಟೈಬ್ರೇಕರ್‌, ಫೋಟೊ ಫಿನಿಶ್‌

ಕರ್ನಾಟಕ ಒಲಿಂಪಿಕ್ಸ್‌ಗೆ ತುಮಕೂರು ಸಜ್ಜು: ಮುಖ್ಯಮಂತ್ರಿ ಚಾಲನೆ

ಮಹಿಳಾ ಪ್ರೀಮಿಯರ್‌ ಲೀಗ್‌ | ಡಿಯೋಲ್ ಅರ್ಧಶತಕ: ಯುಪಿ ವಾರಿಯರ್ಸ್‌ಗೆ ಮೊದಲ ಗೆಲುವು

Vijay Hazare Trophy: ಸೆಮಿಯಲ್ಲಿ ಎಡವಿದ ಕರ್ನಾಟಕ; ಟೂರ್ನಿಯಿಂದ ನಿರ್ಗಮನ

ಒಳನೋಟ: ಪಶ್ಚಿಮಘಟ್ಟಕ್ಕೆ ಅಭಿವೃದ್ಧಿಯ ಕುತ್ತು

ಒಳನೋಟ | ಎಐ ಕಲಿತರಷ್ಟೇ ಕೆಲಸ: ಸೃಜನಶೀಲತೆ ಮತ್ತು ಸಹಜೀವನ ಅಗತ್ಯ

ಒಳನೋಟ | ಆನೆ ಕಾರಿಡಾರ್‌ ಕಣ್ಮರೆ: ಹೆಚ್ಚಿದ ಮಾನವ–ಕಾಡಾನೆ ಸಂಘರ್ಷ

ಒಳನೋಟ: ಹಾವೇರಿಯ ಬೀಜ ಕ್ರಾಂತಿ, ಚಿಗುರಿದ ಆರ್ಥಿಕತೆ

ಚಿನಕುರುಳಿ Cartoon: 15 ಜನವರಿ 2026

ಗುಂಡಣ್ಣ: ಗುರುವಾರ, 15 ಜನವರಿ 2026

ಚುರುಮುರಿ: ಚಿನ್ನದ ನಿಧಿಯೇ ಅನುದಾನ!

ಪಾಕ್ ಸೇರಿ 75 'ಹೈ ರಿಸ್ಕ್' ದೇಶಗಳ ಜನರಿಗೆ ವಲಸೆ ವೀಸಾ ಸ್ಥಗಿತಗೊಳಿಸಿದ ಅಮೆರಿಕ