ನವದೆಹಲಿ (ಪಿಟಿಐ): ನಾಗರಿಕ ಉದ್ದೇಶಕ್ಕೆ ಡ್ರೋನ್‌ಗಳ ಬಳಕೆ ಅಕ್ಟೋಬರ್‌ನಿಂದ ಆರಂಭವಾಗುವ ಸಾಧ್ಯತೆಯಿದೆ.ಈ ಸಂಬಂಧ ಮಾರ್ಗಸೂಚಿಗಳನ್ನು ನಾಗರಿಕ ವಿಮಾನಯಾನ ಸಚಿವಾಲಯವು ಸದ್ಯದಲ್ಲೇ ಪ್ರಕಟಿಸಲಿದೆ. 2017ರ ನವೆಂಬರ್‌ನಲ್ಲಿ ಕರಡು ನಿಯಮಗಳನ್ನು ಪ್ರಕಟಿಸಿತ್ತು.
ನಾಗರಿಕರು ಡ್ರೋನ್ ಬಳಸುವುದರ ಮೇಲೆ ವಿಮಾನಯಾನ ನಿರ್ದೇಶನಾಲಯವು 2014ರಿಂದ ನಿರ್ಬಂಧ ವಿಧಿಸಿದೆ.
ಡ್ರೋನ್‌ಗಳ ನೋಂದಣಿ ಹಾಗೂ ಹಾರಾಟಕ್ಕೆ ಅನುಮತಿ ನೀಡಲು ಆನ್‌ಲೈನ್ ವ್ಯವಸ್ಥೆಯನ್ನು ಸಚಿವಾಲಯ ಜಾರಿಗೊಳಿಸುತ್ತಿದೆ ಎಂದು ಕಾರ್ಯದರ್ಶಿ ಆರ್.ಎನ್. ಚೌಬೆ ತಿಳಿಸಿದ್ದಾರೆ. ಕೇಂದ್ರ ಸಚಿವ ಜಯಂತ್ ಸಿನ್ಹಾ ನೇತೃತ್ವದ 13 ಸದಸ್ಯರ ಕಾರ್ಯಪಡೆಯು ಈ ಪ್ರಕ್ರಿಯೆ ಜಾರಿಯ ಹೊಣೆ ನಿರ್ವಹಿಸಲಿದೆ.
