ಸಿಡುಬು, ಇನ್ಫ್ಲುಯೆಂಝಾ, ದಡಾದಂಥ ಕಾಯಿಲೆಗಳನ್ನು ಹೊತ್ತು ತರುವ ಸೂಕ್ಷ್ಮಜೀವಿಗಳು ಗಾಳಿಯಲ್ಲಿ ತೇಲುವ ಸಾಮರ್ಥ್ಯ ಹೊಂದಿವೆ. ಆರೋಗ್ಯವಂತ ವ್ಯಕ್ತಿಯ ಉಸಿರಾಟದ ವೇಳೆ ಅವರ ದೇಹ ಪ್ರವೇಶಿಸಿ ಸೋಂಕು ಹರಡುತ್ತದೆ. ಆದರೆ ಕೊರೊನಾ ಹರಡುವ ವೈರಾಣು ಹಾಗೆ ವರ್ತಿಸುತ್ತಿಲ್ಲ. ಇದು ಗಾಳಿಯಲ್ಲಿ ಕೆಲ ಕಾಲ ತೇಲಬಲ್ಲದು, ಆದರೆ ಕೆಲಹೊತ್ತಿನಲ್ಲಿಯೇ ನೆಲಕ್ಕೆ ಬೀಳುತ್ತದೆ. ಗಾಳಿಯಲ್ಲಿ ಬಹುದೂರ ಪ್ರಯಾಣಿಸಿ ಸೋಂಕು ಹರಡುವ ಸಾಮರ್ಥ್ಯ ಹೊಂದಿಲ್ಲ ಎಂಬ ಡಾ.ಶೇಖರ್ ಮಂಡೆ ಅವರ ಹೇಳಿಕೆಯನ್ನು ಎನ್ಡಿಟಿವಿ ಜಾಲತಾಣ ವರದಿ ಮಾಡಿದೆ.