<p>ಕಡಿಮೆ ದೂರದ ಪ್ರಯಾಣಕ್ಕೆ ದ್ವಿಚಕ್ರ ವಾಹನಗಳು ಮತ್ತು ಕಾರುಗಳನ್ನು ಬಳಸುವುದರ ಬದಲಿಗೆ ಸೈಕಲ್ ಬಳಸಿದರೆ ದೇಶಕ್ಕೆ ವಾರ್ಷಿಕ ₹ 1.8 ಲಕ್ಷ ಕೋಟಿಯಷ್ಟು ಲಾಭವಾಗುತ್ತದೆ ಎಂದು ಅಧ್ಯಯನ ವರದಿಯೊಂದು ಹೇಳಿದೆ.</p>.<p>ದಿ ಎನರ್ಜಿ ಅಂಡ್ ರಿಸೋರ್ಸ್ ಇನ್ಸ್ಟಿಟ್ಯೂಟ್ (ಟೆರಿ)ಶುಕ್ರವಾರ ಬಿಡುಗಡೆ ಮಾಡಿರುವ ‘ಭಾರತದಲ್ಲಿ ಸೈಕಲ್ ಬಳಕೆಯ ಲಾಭಗಳು: ಆರ್ಥಿಕ, ಪರಿಸರ ಮತ್ತು ಸಾಮಾಜಿಕ ವಿಶ್ಲೇಷಣೆ’ ಅಧ್ಯಯನದ ವರದಿಯಲ್ಲಿ ಈ ಮಾಹಿತಿ ಇದೆ.</p>.<p>* <strong>₹ 1.8 ಲಕ್ಷ ಕೋಟಿ:</strong> ಸೈಕಲ್ ಬಳಕೆಯಿಂದ ದೇಶಕ್ಕೆ ಆಗುವ ವಾರ್ಷಿಕ ಲಾಭ</p>.<p><strong>ಅರಿವು ಮೂಡಿಸುವಿಕೆ</strong><br />ಸೈಕಲ್ ಬಳಕೆಯಿಂದ ಆಗುವ ಪ್ರಯೋಜನಗಳ ಬಗ್ಗೆ ಜನರಲ್ಲಿ ಅರಿವು ಮೂಡಿಸುವ ಕೆಲಸ ಆಗಬೇಕಿದೆ. ‘ಸೈಕಲ್ ಬಡವರ ಸಾರಿಗೆ’ ಎಂಬ ಅಭಿಪ್ರಾಯ ಈಗಲೂ ಜನಜನಿತವಾಗಿದೆ. ಅದನ್ನು ಹೋಗಲಾಡಿಸಬೇಕಿದೆ. ಇದಕ್ಕಾಗಿ ಸರ್ಕಾರಗಳು ಅಭಿಯಾನ ನಡೆಸಬೇಕಿದೆ ಎಂದು ವರದಿಯಲ್ಲಿ ಹೇಳಲಾಗಿದೆ.</p>.<p><strong>ಉತ್ತೇಜನಕ್ಕೆ ಸಲಹೆ</strong><br />ನಗರಗಳ ದೈನಂದಿನ ಜೀವನದಲ್ಲಿ ಸೈಕಲ್ ಬಳಕೆಗೆ ಹಲವು ತೊಡಕುಗಳಿವೆ. ಇದರ ಮಧ್ಯೆಯೂ ಸೈಕಲ್ ಬಳಕೆಯನ್ನು ಉತ್ತೇಜಿಸಲು ಹಲವು ಕ್ರಮಗಳನ್ನು ಟೆರಿ ಸೂಚಿಸಿದೆ.</p>.<p>* ಸುರಕ್ಷಿತ ಸೈಕಲ್ ಸವಾರಿಗೆ ಅನುಕೂಲವಾಗುವಂತೆ ರಸ್ತೆ ಮತ್ತು ಪಾರ್ಕಿಂಗ್ ವ್ಯವಸ್ಥೆಯನ್ನು ಮಾರ್ಪಾಡು ಮಾಡಬೇಕು.</p>.<p>* ಆಯಾ ನಗರದ ಕೆಲವೇ ಪ್ರದೇಶಗಳಿಗೆ ಸೀಮಿತವಾಗಿರುವ ‘ಸೈಕಲ್ ಶೇರಿಂಗ್’ ಅನ್ನು ಇಡೀ ನಗರಕ್ಕೆ ವಿಸ್ತರಿಸಬೇಕು.</p>.<p>* ಮಾಲಿನ್ಯ ಸೆಸ್, ಪಾರ್ಕಿಂಗ್ ಶುಲ್ಕಗಳನ್ನು ಹೆಚ್ಚಿಸುವ ಮೂಲಕ ಕಾರು–ದ್ವಿಚಕ್ರವಾಹನಗಳ ಅನಗತ್ಯ ಬಳಕೆಯನ್ನು ನಿಯಂತ್ರಿಸಬೇಕು.</p>.<p>* ಕೆಳವರ್ಗದ ಜನರಿಗೆ ಸೈಕಲ್ ಈಗಲೂ ಕೈಗೆಟುಕುತ್ತಿಲ್ಲ. ಹೀಗಾಗಿ ಸಾಮಾನ್ಯ ಸೈಕಲ್ಗಳ ಬೆಲೆಯನ್ನು ಇಳಿಸಬೇಕು. ಇದಕ್ಕಾಗಿ ₹ 5,000ಕ್ಕಿಂತಲೂ ಕಡಿಮೆ ಬೆಲೆಯ ಸೈಕಲ್ಗಳ ಮೇಲಿನ ಜಿಎಸ್ಟಿಯನ್ನು ಶೇ 12ರಿಂದ ಶೇ 5ಕ್ಕೆ ಇಳಿಸಬೇಕು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಕಡಿಮೆ ದೂರದ ಪ್ರಯಾಣಕ್ಕೆ ದ್ವಿಚಕ್ರ ವಾಹನಗಳು ಮತ್ತು ಕಾರುಗಳನ್ನು ಬಳಸುವುದರ ಬದಲಿಗೆ ಸೈಕಲ್ ಬಳಸಿದರೆ ದೇಶಕ್ಕೆ ವಾರ್ಷಿಕ ₹ 1.8 ಲಕ್ಷ ಕೋಟಿಯಷ್ಟು ಲಾಭವಾಗುತ್ತದೆ ಎಂದು ಅಧ್ಯಯನ ವರದಿಯೊಂದು ಹೇಳಿದೆ.</p>.<p>ದಿ ಎನರ್ಜಿ ಅಂಡ್ ರಿಸೋರ್ಸ್ ಇನ್ಸ್ಟಿಟ್ಯೂಟ್ (ಟೆರಿ)ಶುಕ್ರವಾರ ಬಿಡುಗಡೆ ಮಾಡಿರುವ ‘ಭಾರತದಲ್ಲಿ ಸೈಕಲ್ ಬಳಕೆಯ ಲಾಭಗಳು: ಆರ್ಥಿಕ, ಪರಿಸರ ಮತ್ತು ಸಾಮಾಜಿಕ ವಿಶ್ಲೇಷಣೆ’ ಅಧ್ಯಯನದ ವರದಿಯಲ್ಲಿ ಈ ಮಾಹಿತಿ ಇದೆ.</p>.<p>* <strong>₹ 1.8 ಲಕ್ಷ ಕೋಟಿ:</strong> ಸೈಕಲ್ ಬಳಕೆಯಿಂದ ದೇಶಕ್ಕೆ ಆಗುವ ವಾರ್ಷಿಕ ಲಾಭ</p>.<p><strong>ಅರಿವು ಮೂಡಿಸುವಿಕೆ</strong><br />ಸೈಕಲ್ ಬಳಕೆಯಿಂದ ಆಗುವ ಪ್ರಯೋಜನಗಳ ಬಗ್ಗೆ ಜನರಲ್ಲಿ ಅರಿವು ಮೂಡಿಸುವ ಕೆಲಸ ಆಗಬೇಕಿದೆ. ‘ಸೈಕಲ್ ಬಡವರ ಸಾರಿಗೆ’ ಎಂಬ ಅಭಿಪ್ರಾಯ ಈಗಲೂ ಜನಜನಿತವಾಗಿದೆ. ಅದನ್ನು ಹೋಗಲಾಡಿಸಬೇಕಿದೆ. ಇದಕ್ಕಾಗಿ ಸರ್ಕಾರಗಳು ಅಭಿಯಾನ ನಡೆಸಬೇಕಿದೆ ಎಂದು ವರದಿಯಲ್ಲಿ ಹೇಳಲಾಗಿದೆ.</p>.<p><strong>ಉತ್ತೇಜನಕ್ಕೆ ಸಲಹೆ</strong><br />ನಗರಗಳ ದೈನಂದಿನ ಜೀವನದಲ್ಲಿ ಸೈಕಲ್ ಬಳಕೆಗೆ ಹಲವು ತೊಡಕುಗಳಿವೆ. ಇದರ ಮಧ್ಯೆಯೂ ಸೈಕಲ್ ಬಳಕೆಯನ್ನು ಉತ್ತೇಜಿಸಲು ಹಲವು ಕ್ರಮಗಳನ್ನು ಟೆರಿ ಸೂಚಿಸಿದೆ.</p>.<p>* ಸುರಕ್ಷಿತ ಸೈಕಲ್ ಸವಾರಿಗೆ ಅನುಕೂಲವಾಗುವಂತೆ ರಸ್ತೆ ಮತ್ತು ಪಾರ್ಕಿಂಗ್ ವ್ಯವಸ್ಥೆಯನ್ನು ಮಾರ್ಪಾಡು ಮಾಡಬೇಕು.</p>.<p>* ಆಯಾ ನಗರದ ಕೆಲವೇ ಪ್ರದೇಶಗಳಿಗೆ ಸೀಮಿತವಾಗಿರುವ ‘ಸೈಕಲ್ ಶೇರಿಂಗ್’ ಅನ್ನು ಇಡೀ ನಗರಕ್ಕೆ ವಿಸ್ತರಿಸಬೇಕು.</p>.<p>* ಮಾಲಿನ್ಯ ಸೆಸ್, ಪಾರ್ಕಿಂಗ್ ಶುಲ್ಕಗಳನ್ನು ಹೆಚ್ಚಿಸುವ ಮೂಲಕ ಕಾರು–ದ್ವಿಚಕ್ರವಾಹನಗಳ ಅನಗತ್ಯ ಬಳಕೆಯನ್ನು ನಿಯಂತ್ರಿಸಬೇಕು.</p>.<p>* ಕೆಳವರ್ಗದ ಜನರಿಗೆ ಸೈಕಲ್ ಈಗಲೂ ಕೈಗೆಟುಕುತ್ತಿಲ್ಲ. ಹೀಗಾಗಿ ಸಾಮಾನ್ಯ ಸೈಕಲ್ಗಳ ಬೆಲೆಯನ್ನು ಇಳಿಸಬೇಕು. ಇದಕ್ಕಾಗಿ ₹ 5,000ಕ್ಕಿಂತಲೂ ಕಡಿಮೆ ಬೆಲೆಯ ಸೈಕಲ್ಗಳ ಮೇಲಿನ ಜಿಎಸ್ಟಿಯನ್ನು ಶೇ 12ರಿಂದ ಶೇ 5ಕ್ಕೆ ಇಳಿಸಬೇಕು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
