<p><strong>ದಾಚೆಪಲ್ಲಿ, ಪಲ್ನಾಡು (ಆಂಧ್ರ ಪ್ರದೇಶ):</strong> ಇಲ್ಲಿನ ಹಿಂದುಳಿದ ವರ್ಗಗಳ ಹಾಸ್ಟೆಲ್ನಲ್ಲಿ ಐದು ಮಂದಿ ವಯಸ್ಕ ಹಾಗೂ ಒಬ್ಬ ಅಪ್ರಾಪ್ತ ವಯಸ್ಸಿನ ವಿದ್ಯಾರ್ಥಿ ಸೇರಿಕೊಂಡು, ಇಬ್ಬರು ದಲಿತ ಬಾಲಕರಿಗೆ ವಿದ್ಯುತ್ ಶಾಕ್ ನೀಡಿದ ಪ್ರಕರಣ ವರದಿಯಾಗಿದೆ.</p>.<p>ಆಗಸ್ಟ್ 7ರಂದೇ ಈ ಪ್ರಕರಣ ನಡೆದಿದೆ. ಸಾಮಾಜಿಕ ಮಾಧ್ಯಮದಲ್ಲಿ ಆಗಸ್ಟ್ 9ರಂದು ಈ ವಿಡಿಯೊ ಹರಿದಾಡಿದ ಬಳಿಕ ಕೃತ್ಯ ನಡೆದಿರುವುದು ಬೆಳಕಿಗೆ ಬಂದಿದೆ.</p>.<p>ಹಲ್ಲೆಗೊಳಗಾದವರಲ್ಲಿ ಒಬ್ಬ ವಿದ್ಯಾರ್ಥಿಯು ಬಾಲಕಿಯೊಬ್ಬಳ ಜೊತೆ ಸಂಬಂಧ ಹೊಂದಿದ್ದ. ಈ ವಿಚಾರ ತಿಳಿದ ಆರು ಮಂದಿ ಸೇರಿಕೊಂಡು ಆಕೆಯಿಂದ ಬೇರ್ಪಡಿಸಲು ಈ ರೀತಿ ಮಾಡಿದ್ದಾರೆ. </p>.<p>‘ಆರು ಬಾಲಕರು ಸೇರಿಕೊಂಡು ಇಬ್ಬರು ಬಾಲಕರಿಗೆ ವಿದ್ಯುತ್ ಶಾಕ್ ನೀಡಿರುವುದು ಕಂಡುಬಂದಿದೆ’ ಎಂದು ಪಲ್ನಾಡು ಜಿಲ್ಲೆಯ ಸಹಾಯಕ ಪೊಲೀಸ್ ವರಿಷ್ಠಾಧಿಕಾರಿ (ಡಿಎಸ್ಪಿ) ಪಿ.ಜಗದೀಶ್ ತಿಳಿಸಿದ್ದಾರೆ.</p>.<p>ಒಬ್ಬ ಬಾಲಕನನ್ನು ಆಗಸ್ಟ್ 22ರವರೆಗೆ ವಶಕ್ಕೆ ಪಡೆಯಲಾಗಿದೆ. ಉಳಿದ ಆರೋಪಿಗಳನ್ನು ವಶಕ್ಕೆ ನೀಡುವ ಕುರಿತು ನ್ಯಾಯಾಲಯ ನಿರ್ಧರಿಸಬೇಕಿದೆ. ಆರೋಪಿಗಳ ಪೈಕಿ ಇಬ್ಬರು ಹೊರಗಿನವರಾಗಿದ್ದು, ಉಳಿದ ಮೂವರು ಅದೇ ಹಾಸ್ಟೆಲ್ನವರಾಗಿದ್ದಾರೆ ಎಂದು ಜಗದೀಶ್ ಹೇಳಿದ್ದಾರೆ. </p>.<p>ಬಾಲಕಿಯ ಜೊತೆ ಸಂಬಂಧ ಕಡಿದುಕೊಳ್ಳುವಂತೆ ದಲಿತ ಬಾಲಕರಿಗೆ ಉಳಿದವರು ಹಲವು ಸಲ ಎಚ್ಚರಿಕೆ ನೀಡಿದ್ದಾರೆ. ನಂತರ, ಇಬ್ಬರಿಗೂ ವಿದ್ಯುತ್ ಶಾಕ್ ನೀಡಿದ್ದಾರೆ. ಹಲ್ಲೆ ನಡೆಸಿದ ದೃಶ್ಯವು ವಿಡಿಯೊದಲ್ಲಿದೆಯಷ್ಟೆ. ವಿದ್ಯುತ್ ಶಾಕ್ ನೀಡಿದ ದೃಶ್ಯವು ಕಂಡುಬಂದಿಲ್ಲ. </p>.<p>ಘಟನೆ ನಡೆದಿರುವುದನ್ನು ಹಾಸ್ಟೆಲ್ನ ಮೇಲ್ವಿಚಾರಕಿ ಎಂ. ದೀಪಿಕಾ ಅವರು ಖಚಿತಪಡಿಸಿದ್ದು, ಪೊಲೀಸರು ತ್ವರಿತವಾಗಿ ಕ್ರಮವಾಗಿ ಕೈಗೊಂಡಿದ್ದಾರೆ.</p>.<p>ಆರೋಪಿಗಳ ವಿರುದ್ಧ ಪರಿಶಿಷ್ಟ ಜಾತಿ, ಪಂಗಡ ದೌರ್ಜನ್ಯ ತಡೆ ಕಾಯ್ದೆ ಹಾಗೂ ಬಿಎನ್ಎಎಸ್ನ ವಿವಿಧ ಸೆಕ್ಷನ್ಗಳ ಅಡಿಯಲ್ಲಿ ಪ್ರಕರಣ ದಾಖಲಿಸಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ದಾಚೆಪಲ್ಲಿ, ಪಲ್ನಾಡು (ಆಂಧ್ರ ಪ್ರದೇಶ):</strong> ಇಲ್ಲಿನ ಹಿಂದುಳಿದ ವರ್ಗಗಳ ಹಾಸ್ಟೆಲ್ನಲ್ಲಿ ಐದು ಮಂದಿ ವಯಸ್ಕ ಹಾಗೂ ಒಬ್ಬ ಅಪ್ರಾಪ್ತ ವಯಸ್ಸಿನ ವಿದ್ಯಾರ್ಥಿ ಸೇರಿಕೊಂಡು, ಇಬ್ಬರು ದಲಿತ ಬಾಲಕರಿಗೆ ವಿದ್ಯುತ್ ಶಾಕ್ ನೀಡಿದ ಪ್ರಕರಣ ವರದಿಯಾಗಿದೆ.</p>.<p>ಆಗಸ್ಟ್ 7ರಂದೇ ಈ ಪ್ರಕರಣ ನಡೆದಿದೆ. ಸಾಮಾಜಿಕ ಮಾಧ್ಯಮದಲ್ಲಿ ಆಗಸ್ಟ್ 9ರಂದು ಈ ವಿಡಿಯೊ ಹರಿದಾಡಿದ ಬಳಿಕ ಕೃತ್ಯ ನಡೆದಿರುವುದು ಬೆಳಕಿಗೆ ಬಂದಿದೆ.</p>.<p>ಹಲ್ಲೆಗೊಳಗಾದವರಲ್ಲಿ ಒಬ್ಬ ವಿದ್ಯಾರ್ಥಿಯು ಬಾಲಕಿಯೊಬ್ಬಳ ಜೊತೆ ಸಂಬಂಧ ಹೊಂದಿದ್ದ. ಈ ವಿಚಾರ ತಿಳಿದ ಆರು ಮಂದಿ ಸೇರಿಕೊಂಡು ಆಕೆಯಿಂದ ಬೇರ್ಪಡಿಸಲು ಈ ರೀತಿ ಮಾಡಿದ್ದಾರೆ. </p>.<p>‘ಆರು ಬಾಲಕರು ಸೇರಿಕೊಂಡು ಇಬ್ಬರು ಬಾಲಕರಿಗೆ ವಿದ್ಯುತ್ ಶಾಕ್ ನೀಡಿರುವುದು ಕಂಡುಬಂದಿದೆ’ ಎಂದು ಪಲ್ನಾಡು ಜಿಲ್ಲೆಯ ಸಹಾಯಕ ಪೊಲೀಸ್ ವರಿಷ್ಠಾಧಿಕಾರಿ (ಡಿಎಸ್ಪಿ) ಪಿ.ಜಗದೀಶ್ ತಿಳಿಸಿದ್ದಾರೆ.</p>.<p>ಒಬ್ಬ ಬಾಲಕನನ್ನು ಆಗಸ್ಟ್ 22ರವರೆಗೆ ವಶಕ್ಕೆ ಪಡೆಯಲಾಗಿದೆ. ಉಳಿದ ಆರೋಪಿಗಳನ್ನು ವಶಕ್ಕೆ ನೀಡುವ ಕುರಿತು ನ್ಯಾಯಾಲಯ ನಿರ್ಧರಿಸಬೇಕಿದೆ. ಆರೋಪಿಗಳ ಪೈಕಿ ಇಬ್ಬರು ಹೊರಗಿನವರಾಗಿದ್ದು, ಉಳಿದ ಮೂವರು ಅದೇ ಹಾಸ್ಟೆಲ್ನವರಾಗಿದ್ದಾರೆ ಎಂದು ಜಗದೀಶ್ ಹೇಳಿದ್ದಾರೆ. </p>.<p>ಬಾಲಕಿಯ ಜೊತೆ ಸಂಬಂಧ ಕಡಿದುಕೊಳ್ಳುವಂತೆ ದಲಿತ ಬಾಲಕರಿಗೆ ಉಳಿದವರು ಹಲವು ಸಲ ಎಚ್ಚರಿಕೆ ನೀಡಿದ್ದಾರೆ. ನಂತರ, ಇಬ್ಬರಿಗೂ ವಿದ್ಯುತ್ ಶಾಕ್ ನೀಡಿದ್ದಾರೆ. ಹಲ್ಲೆ ನಡೆಸಿದ ದೃಶ್ಯವು ವಿಡಿಯೊದಲ್ಲಿದೆಯಷ್ಟೆ. ವಿದ್ಯುತ್ ಶಾಕ್ ನೀಡಿದ ದೃಶ್ಯವು ಕಂಡುಬಂದಿಲ್ಲ. </p>.<p>ಘಟನೆ ನಡೆದಿರುವುದನ್ನು ಹಾಸ್ಟೆಲ್ನ ಮೇಲ್ವಿಚಾರಕಿ ಎಂ. ದೀಪಿಕಾ ಅವರು ಖಚಿತಪಡಿಸಿದ್ದು, ಪೊಲೀಸರು ತ್ವರಿತವಾಗಿ ಕ್ರಮವಾಗಿ ಕೈಗೊಂಡಿದ್ದಾರೆ.</p>.<p>ಆರೋಪಿಗಳ ವಿರುದ್ಧ ಪರಿಶಿಷ್ಟ ಜಾತಿ, ಪಂಗಡ ದೌರ್ಜನ್ಯ ತಡೆ ಕಾಯ್ದೆ ಹಾಗೂ ಬಿಎನ್ಎಎಸ್ನ ವಿವಿಧ ಸೆಕ್ಷನ್ಗಳ ಅಡಿಯಲ್ಲಿ ಪ್ರಕರಣ ದಾಖಲಿಸಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
