ದೆಹಲಿ-ಎನ್ಸಿಆರ್ನ ಗಾಳಿಯ ಗುಣಮಟ್ಟದ ಎಕ್ಯೂಐ ಪ್ರಮಾಣ ಸುಧಾರಣೆ ಕಂಡಿದೆ. ಮಾಲಿನ್ಯವನ್ನು ತಡೆಗಟ್ಟುವ ನಿಟ್ಟಿನಲ್ಲಿ ಕಾರ್ಯತಂತ್ರಗಳನ್ನು ರೂಪಿಸಲು ವಾಯು ಗುಣಮಟ್ಟ ನಿರ್ವಹಣೆ ಆಯೋಗವು (ಸಿಎಕ್ಯೂಎಂ) ಮಂಗಳವಾರ ಸಭೆ ನಡೆಸಿದೆ.
ದೆಹಲಿ, ಗುರುಗ್ರಾಮ್, ಫರಿದಾಬಾದ್, ಘಾಜಿಯಾಬಾದ್ ಮತ್ತು ಗೌತಮ್ ಬುಧ್ ನಗರದಲ್ಲಿ ಡಿಸೇಲ್ ಮತ್ತು ಪೆಟ್ರೋಲ್ ಬಳಕೆಯ ವಾಹನಗಳ (ನಾಲ್ಕು ಚಕ್ರ) ಸಂಚಾರದ ಮೇಲಿನ ನಿರ್ಬಂಧಗಳನ್ನು ದೆಹಲಿ ಸಾರಿಗೆ ಇಲಾಖೆ ತೆರವುಗೊಳಿಸುವ ಸಾಧ್ಯತೆ ಇದೆ.
ಜಿಆರ್ಎಪಿ (Graded Response Action Plan) ಹಂತ -IIIರ ಅಡಿಯಲ್ಲಿನ ನಿರ್ಬಂಧನೆಗಳನ್ನು ಹಿಂಪಡೆದರೂ, ಜಿಆರ್ಎಪಿ I ಮತ್ತು IIರ ಹಂತ ಅನ್ವಯವಾಗುತ್ತದೆ. ವಾಯುಗುಣಮಟ್ಟದಲ್ಲಿ ಕಂಡುಬರುವ ಬದಲಾವಣೆಗಳನ್ನು ಸಂಬಂಧಿತ ಏಜೆನ್ಸಿಗಳು ಮೇಲ್ವಿಚಾರಣೆ ಮಾಡುತ್ತವೆ ಎಂದು ವಾಯು ಗುಣಮಟ್ಟ ನಿರ್ವಹಣೆ ಆಯೋಗ ತಿಳಿಸಿದೆ.