ಪಾರ್ಸಿಗಳ ಜನಸಂಖ್ಯೆ ಹೆಚ್ಚಿಸಲು ಸರ್ಕಾರದಿಂದ ಆನ್‌ಲೈನ್ ಡೇಟಿಂಗ್ ಸೌಲಭ್ಯ!

ನವದೆಹಲಿ : ದೇಶದಲ್ಲಿ ಪಾರ್ಸಿಗಳ ಜನಸಂಖ್ಯೆ ಹೆಚ್ಚಿಸಲು ಕೇಂದ್ರ ಸರ್ಕಾರದ ಅಲ್ಪಸಂಖ್ಯಾತರ ಕಲ್ಯಾಣ ಸಚಿವಾಲಯ ವಿನೂತನ ಪ್ರಯತ್ನಕ್ಕೆ ಮುಂದಾಗಿದೆ.

. ಗಣನೀಯ ಪ್ರಮಾಣದಲ್ಲಿ ಪಾರ್ಸಿಗಳ ಜನಸಂಖ್ಯೆಕುಸಿದಿರುವುದಕ್ಕೆ ಆ ಸಮುದಾಯದ ಯುವಕ ಯುವತಿಯರು ಮದುವೆ ಬಗ್ಗೆ ತಾಳುತ್ತಿರುವ ನಿರ್ಲಕ್ಷ್ಯವೇ ಕಾರಣ ಎಂದು ಸಚಿವಾಲಯ ಜಿಯೋ ಪಾರ್ಸಿ ಯೋಜನೆಯಡಿ ಹೊಸ ಪ್ರಯತ್ನ ಮಾಡುತ್ತಿದೆ.

. ಈ ಜಿಯೋ ಪಾರ್ಸಿ ಯೋಜನೆ ಭಾಗವಾಗಿ ಪಾರ್ಸಿ ಸಮುದಾಯದ ಯುವಕ–ಯುವತಿಯರ ಬೇಗ ಮದುವೆಯಾಗಲು ಹಾಗೂ ಮಕ್ಕಳನ್ನು ಹೊಂದಲು ಅನುಕೂಲ ಆಗುವಂತೆ ಆನ್ಲೈನ್ ಡೇಟಿಂಗ್ ಸೌಲಭ್ಯವನ್ನು ಒದಗಿಸಿ ಕೊಡಲಾಗುತ್ತದೆ.

. ಸದ್ಯ ಭಾರತದಲ್ಲಿ ಶೇ 30 ರಷ್ಟು ಪಾರ್ಸಿ ಯುವಕ ಯುವತಿಯರು ಅವಿವಾಹಿತರಾಗಿ ಉಳಿದಿದ್ದಾರೆ. ಇದರಿಂದ ಪಾರ್ಸಿಗಳ ಜನಸಂಖ್ಯೆ ಗಣನೀಯ ಪ್ರಮಾಣದಲ್ಲಿ ಕುಸಿದಿದೆ ಎನ್ನಲಾಗಿದೆ.

. ‘ಸೂಕ್ತ ಸಮಯದಲ್ಲಿ ಪಾರ್ಸಿ ಯುವಕ ಯುವತಿಯರಿಗೆ ಮದುವೆಯಾಗುವಂತೆ ಮಾಡಬೇಕಾಗಿದೆ. ಏಕೆಂದರೆ ಈ ಸಮುದಾಯದಲ್ಲಿ ಮದುವೆಯಾದವರು ಗರ್ಭ ಧರಿಸುವ ಪ್ರಮಾಣ ಶೇ 0.8 ರಷ್ಟಿದೆ ಎಂದು ಹೇಳುತ್ತಾರೆ. ಇದರಿಂದ ಜನಸಂಖ್ಯೆ ಕುಸಿದಿದೆ ಎನ್ನುತ್ತಾರೆಜಿಯೋ ಪಾರ್ಸಿ ಯೋಜನೆ ತಯಾರಿಕೆಯಲ್ಲಿ ಮುಖ್ಯ ಪಾತ್ರವಹಿಸಿರುವ ಪಾರ್ಜೋರ್ ಪೌಂಢೇಶನ್ ಮುಖ್ಯಸ್ಥ ಶರ್ನಾಜ್ ಕಾಮಾ.

. ಪಾರ್ಸಿ ಸಮುದಾಯದಲ್ಲಿ ವರ್ಷಕ್ಕೆ 200 ರಿಂದ 300 ಶಿಶುಗಳ ಜನನವಾದರೇ ಇದೇ ಸಮಯದಲ್ಲಿ 700 ರಿಂದ 800 ಜನ ಪಾರ್ಸಿಗಳು ಸಾಯುತ್ತಿದ್ದಾರೆ ಎಂದು ಕಾಮಾ ತಿಳಿಸುತ್ತಾರೆ.

. ಸದ್ಯ ದೇಶದಲ್ಲಿ 2011 ರ ಜನಗಣತಿ ಪ್ರಕಾರ 57,264 ಪಾರ್ಸಿಗಳು ಇದ್ದಾರೆ. ಆದರೆ 1941 ರಲ್ಲಿ ಇವರ ಸಂಖ್ಯೆ1,14,000 ಇತ್ತು.

. ಜಿಯೋ ಪಾರ್ಸಿ ಯೋಜನೆಯನ್ನು ಪಾರ್ಸಿಗಳ ಕಲ್ಯಾಣಕ್ಕಾಗಿ ಅಂದಿನ ಯುಪಿಎ ಸರ್ಕಾರ ಜಾರಿಗೊಳಿಸಿತ್ತು. ಈ ಯೋಜನೆಗೆ ಕೇಂದ್ರ ಬಜೆಟ್ನಲ್ಲಿ 4 ರಿಂದ 5 ಕೋಟಿ ರೂಪಾಯಿ ವ್ಯಯಿಸುತ್ತಿದೆ.

. ಪಾರ್ಸಿಸಮುದಾಯದಲ್ಲಿ ಜನಸಂಖ್ಯೆ ಹೆಚ್ಚಳ ಆಗದಿರುವುದಕ್ಕೆ ದೊಡ್ಡ ಕಾರಣವೇ ಆ ಸಮುದಾಯದಲ್ಲಿ ಅಲ್ಲಿನ ವಯಸ್ಕರರು ಮದುವೆಯಾಗಲು ಮುಂದೆ ಬರುತ್ತಿಲ್ಲ ಎಂದು ಕಾಮಾ ಹೇಳುತ್ತಾರೆ.

. ಈ ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳುವ ನಿಟ್ಟಿನಲ್ಲಿ ನಾವು ಜಿಯೋ ಪಾರ್ಸಿ ಯೋಜನೆಯ ಭಾಗವಾಗಿ ವಯಸ್ಕ ಪಾರ್ಸಿ ಯುವಕ ಯುವತಿಯರಿಗೆ ಆನ್ಲೈನ್ ಡೇಟಿಂಗ್ ನಡೆಸಲು ಅವಕಾಶ ಮಾಡಿಕೊಡುತ್ತೇವೆ. ಇದಕ್ಕಾಗಿ ನುರಿತ ಆಪ್ತ ಸಮಾಲೋಚಕರನ್ನುನಿಡುತ್ತಿದ್ದೇವೆ. ಒಳ್ಳೆಯ ಉದ್ದೇಶಕ್ಕಾಗಿ ಈ ಯೋಜನೆ ಆರಂಭಿಸಲು ನಾವು ಇಲಾಖೆಗೆ ಸಹಾಯ ಮಾಡಿದ್ದೇವೆ. ಇದರ ಸದುಪಯೋಗವನ್ನು ಪಾರ್ಸಿಗಳು ಪಡೆದುಕೊಳ್ಳಬೇಕುಎಂದು ಕಾಮಾ ತಿಳಿಸುತ್ತಾರೆ.

. ಪಾರ್ಸಿಗಳು ಹೆಚ್ಚಾಗಿ ಅಂತರ್ ಧರ್ಮಿಯ ಮದುವೆಗಳಲ್ಲಿ ಬೆರೆತು ಹೋಗುತ್ತಿದ್ದಾರೆ. ಇದರಿಂದ ಪಾರ್ಸಿ ಹೆಣ್ಣು ಮಗಳು ಬೇರೆ ಧರ್ಮದವನ ಮದುವೆಯಾದರೆ ಅವರಿಗೆ ಹುಟ್ಟುವ ಮಗು ಪಾರ್ಸಿಯಾಗಿರುವುದಿಲ್ಲ ಎಂದು ಕಾಮಾ ಹೇಳುತ್ತಾರೆ.

. ಕತ್ರಿನಾ ಕೈಫ್ ಅಣ್ಣನ ಜೊತೆ ಲವ್ನಲ್ಲಿ ಬಿದ್ರಾ ಬಳಕುವ ಬಳ್ಳಿ ಇಲಿಯಾನ?

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪಾರ್ಸಿಗಳ ಜನಸಂಖ್ಯೆ ಹೆಚ್ಚಿಸಲು ಸರ್ಕಾರದಿಂದ ಆನ್‌ಲೈನ್ ಡೇಟಿಂಗ್ ಸೌಲಭ್ಯ!

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

Wimbledon: ಜೊಕೊವಿಚ್‌, ಅಲ್ಕರಾಜ್‌ ಮುನ್ನಡೆ

IND vs ENG 2nd Test: ಗಿಲ್ ಅಮೋಘ ದ್ವಿಶತಕ; ಭಾರತ 587ಕ್ಕೆ ಆಲೌಟ್

ರೇಬಿಸ್‌: ಕಬಡ್ಡಿ ಆಟಗಾರ ಸಾವು

ವಿಶ್ವ ಬಾಕ್ಸಿಂಗ್ ಕಪ್: ಪದಕ ಖಚಿತಪಡಿಸಿಕೊಂಡ ಹಿತೇಶ್‌, ಸಾಕ್ಷಿ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ