ಅನುಮಾನಾಸ್ಪದವಾದ ಕಂಟೇನರ್ ಒಂದು ಮುಂದ್ರಾ ಬಂದರಿನಲ್ಲಿ ಸುಮಾರು ಎರಡು ತಿಂಗಳುಗಳಿಂದ ಇದೆ ಎಂಬ ಮಾಹಿತಿಯ ಆಧಾರದಲ್ಲಿ ದಾಳಿ ನಡೆಸಿದ ಎಟಿಎಸ್, ಹೆರಾಯಿನ್ ವಶಕ್ಕೆ ಪಡೆದಿದೆ. ಕಂಟೇನರ್ನಲ್ಲಿ 4,000 ಕೆ.ಜಿ. ಬಟ್ಟೆ ಇತ್ತು. 450 ಸುರುಳಿಗಳಾಗಿ ಈ ಬಟ್ಟೆಯನ್ನು ಸುತ್ತಲಾಗಿತ್ತು. ಇವುಗಳ ಪೈಕಿ 64 ಸುರುಳಿಗಳ ಒಳಗೆ ಅತ್ಯುತ್ತಮ ಗುಣಮಟ್ಟದ ಹೆರಾಯಿನ್ ಅನ್ನು ಅಡಗಿಸಿ ಇರಿಸಲಾಗಿತ್ತು. ಎಕ್ಸ್ರೇ ಪರಿಶೀಲನೆ ಸಂದರ್ಭದಲ್ಲಿ ಪತ್ತೆಯಾಗುವುದನ್ನು ತಡೆಯುವುದಕ್ಕೆ ನೀಲಿ ಸೆಲ್ಲೋ ಟೇಪ್ನಲ್ಲಿ ಹೆರಾಯಿನ್ ಅನ್ನು ಸುತ್ತಿ ಇರಿಸಲಾಗಿತ್ತು.