<p><strong>ನವದೆಹಲಿ</strong>: ಅಮೆರಿಕ ಮತ್ತು ಭಾರತದ ಮಧ್ಯೆದ ವ್ಯಾಪಾರ ಒಪ್ಪಂದದ ಕುರಿತು ಮತ್ತೊಂದು ಸುತ್ತಿನ ಚರ್ಚೆ ನಡೆಸಲು ಭಾರತದ ವಾಣಿಜ್ಯ ಸಚಿವಾಲಯದ ತಂಡವು ಮುಂದಿನ ವಾರ ವಾಷಿಂಗ್ಟನ್ಗೆ ತೆರಳಲಿದೆ ಎನ್ನಲಾಗುತ್ತಿದೆ.</p>.<p>ಕೃಷಿ ಮತ್ತು ಆಟೊಮೊಬೈಲ್ ಕ್ಷೇತ್ರಗಳಿಗೆ ಸಂಬಂಧಿಸಿ ಎರಡು ದೇಶಗಳ ಮಧ್ಯೆ ಕೆಲವು ಭಿನ್ನಾಭಿಪ್ರಾಯ ಮೂಡಿವೆ. ಈ ಬಗ್ಗೆ ಚರ್ಚೆ ನಡೆಸಲು ತಂಡ ತೆರಳಲಿದೆ. ಜೂನ್ 26ರಿಂದ ಜುಲೈ 2ರ ಮಧ್ಯೆ ಒಂದು ಸುತ್ತಿನ ಮಾತುಕತೆ ನಡೆದಿತ್ತು.</p>.<p>ಕೃಷಿ ಮತ್ತು ಹೈನುಗಾರಿಕೆ ಉತ್ಪನ್ನಗಳ ಆಮದಿನ ಮೇಲೆ ಅಮೆರಿಕವು ವಿಧಿಸಲು ಇಚ್ಛಿಸಿರುವ ಸುಂಕದ ಪ್ರಮಾಣದ ವಿರುದ್ಧ ಭಾರತವು ಗಟ್ಟಿ ನಿಲುವು ತಳೆದಿದೆ. ಭಾರತವು ಮುಕ್ತ ವ್ಯಾಪಾರ ಒಪ್ಪಂದ ಮಾಡಿಕೊಂಡ ಯಾವ ದೇಶಗಳಿಗೂ ಹೈನುಗಾರಿಕೆ ಉತ್ಪನ್ನಗಳ ಮೇಲೆ ಇಲ್ಲಿಯವರೆಗೆ ಸುಂಕ ವಿನಾಯಿತಿ ನೀಡಿಲ್ಲ.</p>.<p>ಈ ವರ್ಷದ ಸೆಪ್ಟೆಂಬರ್–ಅಕ್ಟೋಬರ್ ಹೊತ್ತಿಗೆ ಅಮೆರಿಕದೊಂದಿಗಿನ ದ್ವಿಪಕ್ಷೀಯ ವ್ಯಾಪಾರ ಒಪ್ಪಂದದ ಮೊದಲ ಭಾಗವು ಸಿದ್ಧಗೊಳ್ಳಲಿದೆ. ಇದಕ್ಕೆ ಮೊದಲು ಮಧ್ಯಂತರ ಒಪ್ಪಂದ ಮಾಡಿಕೊಳ್ಳುವ ಯತ್ನವನ್ನು ಭಾರತ ನಡೆಸುತ್ತಿದೆ.</p>.<h2>ಭಾರತದ ಮನವಿಗಳೇನು?</h2><ul><li><p>ಉಕ್ಕು ಮತ್ತು ಅಲ್ಯುಮೀನಿಯಂ ಮೇಲಿನ ಶೇ 50 ಮತ್ತು ಆಟೊಮೊಬೈಲ್ ಕ್ಷೇತ್ರದ ಮೇಲಿನ ಶೇ 25ರಷ್ಟು ಸುಂಕವನ್ನು ತೆರವು ಮಾಡಬೇಕು. ಇಲ್ಲವಾದಲ್ಲಿ, ವಿಶ್ವ ವ್ಯಾಪಾರ ಸಂಸ್ಥೆಯ ನಿಯಮಗಳ ಅನುಸಾರ ಪ್ರತಿಸುಂಕ ಹೇರುವ ಹಕ್ಕನ್ನು ಭಾರತ ಉಳಿಸಿಕೊಂಡಿದೆ</p></li><li><p>ಹೆಚ್ಚುವರಿ ಆಮದು ಸುಂಕ ವಿಧಿಸುವ ನಿರ್ಧಾರವನ್ನು (ಭಾರತಕ್ಕೆ ಶೇ 26ರಷ್ಟು) ಅಮೆರಿಕವು ಆಗಸ್ಟ್ 1ರವರೆಗೆ ವಿಸ್ತರಿಸಿದೆ. ಈ ಕಾರಣದಿಂದಲೂ ಭಾರತದ ತಂಡದ ಅಮೆರಿಕ ಭೇಟಿಯು ಮಹತ್ವ ಪಡೆದುಕೊಂಡಿದೆ. ಹೆಚ್ಚುವರಿ ಆಮದು ಸುಂಕ ವಿಧಿಸುವ ನಿರ್ಧಾರವನ್ನು ಹಿಂಪಡೆಯುವಂತೆ ಭಾರತವು ಮನವಿ ಮಾಡಿದೆ</p></li><li><p>ಭಾರತವು ಸದ್ಯ ಅಮೆರಿಕದೊಂದಿಗೆ 191 ಬಿಲಿಯನ್ ಡಾಲರ್ನಷ್ಟು (ಸುಮಾರು ₹16.36 ಲಕ್ಷ ಕೋಟಿ) ವ್ಯಾಪಾರ ನಡೆಸುತ್ತಿದೆ. 2030ರ ಹೊತ್ತಿಗೆ ಈ ಪ್ರಮಾಣವನ್ನು 500 ಬಿಲಿಯನ್ ಡಾಲರ್ಗೆ (ಸುಮಾರು ₹42.87 ಲಕ್ಷ ಕೋಟಿ) ಹೆಚ್ಚಿಸುವ ಗುರಿಯನ್ನು ಭಾರತ ಹೊಂದಿದೆ</p></li></ul>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: ಅಮೆರಿಕ ಮತ್ತು ಭಾರತದ ಮಧ್ಯೆದ ವ್ಯಾಪಾರ ಒಪ್ಪಂದದ ಕುರಿತು ಮತ್ತೊಂದು ಸುತ್ತಿನ ಚರ್ಚೆ ನಡೆಸಲು ಭಾರತದ ವಾಣಿಜ್ಯ ಸಚಿವಾಲಯದ ತಂಡವು ಮುಂದಿನ ವಾರ ವಾಷಿಂಗ್ಟನ್ಗೆ ತೆರಳಲಿದೆ ಎನ್ನಲಾಗುತ್ತಿದೆ.</p>.<p>ಕೃಷಿ ಮತ್ತು ಆಟೊಮೊಬೈಲ್ ಕ್ಷೇತ್ರಗಳಿಗೆ ಸಂಬಂಧಿಸಿ ಎರಡು ದೇಶಗಳ ಮಧ್ಯೆ ಕೆಲವು ಭಿನ್ನಾಭಿಪ್ರಾಯ ಮೂಡಿವೆ. ಈ ಬಗ್ಗೆ ಚರ್ಚೆ ನಡೆಸಲು ತಂಡ ತೆರಳಲಿದೆ. ಜೂನ್ 26ರಿಂದ ಜುಲೈ 2ರ ಮಧ್ಯೆ ಒಂದು ಸುತ್ತಿನ ಮಾತುಕತೆ ನಡೆದಿತ್ತು.</p>.<p>ಕೃಷಿ ಮತ್ತು ಹೈನುಗಾರಿಕೆ ಉತ್ಪನ್ನಗಳ ಆಮದಿನ ಮೇಲೆ ಅಮೆರಿಕವು ವಿಧಿಸಲು ಇಚ್ಛಿಸಿರುವ ಸುಂಕದ ಪ್ರಮಾಣದ ವಿರುದ್ಧ ಭಾರತವು ಗಟ್ಟಿ ನಿಲುವು ತಳೆದಿದೆ. ಭಾರತವು ಮುಕ್ತ ವ್ಯಾಪಾರ ಒಪ್ಪಂದ ಮಾಡಿಕೊಂಡ ಯಾವ ದೇಶಗಳಿಗೂ ಹೈನುಗಾರಿಕೆ ಉತ್ಪನ್ನಗಳ ಮೇಲೆ ಇಲ್ಲಿಯವರೆಗೆ ಸುಂಕ ವಿನಾಯಿತಿ ನೀಡಿಲ್ಲ.</p>.<p>ಈ ವರ್ಷದ ಸೆಪ್ಟೆಂಬರ್–ಅಕ್ಟೋಬರ್ ಹೊತ್ತಿಗೆ ಅಮೆರಿಕದೊಂದಿಗಿನ ದ್ವಿಪಕ್ಷೀಯ ವ್ಯಾಪಾರ ಒಪ್ಪಂದದ ಮೊದಲ ಭಾಗವು ಸಿದ್ಧಗೊಳ್ಳಲಿದೆ. ಇದಕ್ಕೆ ಮೊದಲು ಮಧ್ಯಂತರ ಒಪ್ಪಂದ ಮಾಡಿಕೊಳ್ಳುವ ಯತ್ನವನ್ನು ಭಾರತ ನಡೆಸುತ್ತಿದೆ.</p>.<h2>ಭಾರತದ ಮನವಿಗಳೇನು?</h2><ul><li><p>ಉಕ್ಕು ಮತ್ತು ಅಲ್ಯುಮೀನಿಯಂ ಮೇಲಿನ ಶೇ 50 ಮತ್ತು ಆಟೊಮೊಬೈಲ್ ಕ್ಷೇತ್ರದ ಮೇಲಿನ ಶೇ 25ರಷ್ಟು ಸುಂಕವನ್ನು ತೆರವು ಮಾಡಬೇಕು. ಇಲ್ಲವಾದಲ್ಲಿ, ವಿಶ್ವ ವ್ಯಾಪಾರ ಸಂಸ್ಥೆಯ ನಿಯಮಗಳ ಅನುಸಾರ ಪ್ರತಿಸುಂಕ ಹೇರುವ ಹಕ್ಕನ್ನು ಭಾರತ ಉಳಿಸಿಕೊಂಡಿದೆ</p></li><li><p>ಹೆಚ್ಚುವರಿ ಆಮದು ಸುಂಕ ವಿಧಿಸುವ ನಿರ್ಧಾರವನ್ನು (ಭಾರತಕ್ಕೆ ಶೇ 26ರಷ್ಟು) ಅಮೆರಿಕವು ಆಗಸ್ಟ್ 1ರವರೆಗೆ ವಿಸ್ತರಿಸಿದೆ. ಈ ಕಾರಣದಿಂದಲೂ ಭಾರತದ ತಂಡದ ಅಮೆರಿಕ ಭೇಟಿಯು ಮಹತ್ವ ಪಡೆದುಕೊಂಡಿದೆ. ಹೆಚ್ಚುವರಿ ಆಮದು ಸುಂಕ ವಿಧಿಸುವ ನಿರ್ಧಾರವನ್ನು ಹಿಂಪಡೆಯುವಂತೆ ಭಾರತವು ಮನವಿ ಮಾಡಿದೆ</p></li><li><p>ಭಾರತವು ಸದ್ಯ ಅಮೆರಿಕದೊಂದಿಗೆ 191 ಬಿಲಿಯನ್ ಡಾಲರ್ನಷ್ಟು (ಸುಮಾರು ₹16.36 ಲಕ್ಷ ಕೋಟಿ) ವ್ಯಾಪಾರ ನಡೆಸುತ್ತಿದೆ. 2030ರ ಹೊತ್ತಿಗೆ ಈ ಪ್ರಮಾಣವನ್ನು 500 ಬಿಲಿಯನ್ ಡಾಲರ್ಗೆ (ಸುಮಾರು ₹42.87 ಲಕ್ಷ ಕೋಟಿ) ಹೆಚ್ಚಿಸುವ ಗುರಿಯನ್ನು ಭಾರತ ಹೊಂದಿದೆ</p></li></ul>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>