‘ಈಗ ನಿರ್ಮಿಸಲಾಗಿರುವ ಕಾವಲು ಕೇಂದ್ರದಲ್ಲಿ ಕನಿಷ್ಠ 30 ಮಂದಿ ಸೈನಿಕರು ಉಳಿದುಕೊಳ್ಳಬಹುದು. ಕೊಠಡಿಗಳು ವಿಶಾಲವಾಗಿದ್ದು, ನೀರು ಹಾಗೂ ಸೋಲಾರ್ ವಿದ್ಯುತ್ ಸೌಕರ್ಯಗಳನ್ನೂ ಇದು ಒಳಗೊಂಡಿದೆ. ಸೈನಿಕರ ಸುರಕ್ಷತೆಗೆ ಹೆಚ್ಚಿನ ಆದ್ಯತೆ ನೀಡಲಾಗಿದ್ದು, ಅದಕ್ಕೆ ಅಗತ್ಯವಿರುವ ವ್ಯವಸ್ಥೆಯೂ ಈ ಕೇಂದ್ರದಲ್ಲಿದೆ.ಈ ಮೊದಲು ಸೈನಿಕರು ಬಂಕರ್ಗಳಲ್ಲಿ ಆಶ್ರಯಪಡೆಯಬೇಕಿತ್ತು. ಅವುಗಳಲ್ಲಿ ವಿಶಾಲವಾದ ಸ್ಥಳಾವಕಾಶ ಇರುತ್ತಿರಲಿಲ್ಲ. ಜೊತೆಗೆ ಹವಾಮಾನದಿಂದ ರಕ್ಷಣೆ ಪಡೆಯುವುದೂ ಕಷ್ಟಕರವಾಗಿತ್ತು. ಹೀಗಾಗಿ ಮಾದರಿ ಪೋಸ್ಟ್ಗಳನ್ನು ನಿರ್ಮಿಸುವ ಯೋಜನೆ ರೂಪಿಸಲಾಗಿತ್ತು’ ಎಂದು ಸೇನಾ ಪ್ರಕಟಣೆ ತಿಳಿಸಿದೆ.