ಮಗಳ ಮದುವೆಗೆ ಮೀಸಲಿಟ್ಟ ಹಣ ಪರಿಹಾರ ನಿಧಿಗೆ ನೀಡಲು ಕೊಚ್ಚಿ ಮೇಯರ್ ತೀರ್ಮಾನ

ಬುಧವಾರ ಮೇಯರ್ ಮಗಳ ಮದುವೆ ನಡೆಯಲಿದೆ. ವಿವಾಹ ಕಾರ್ಯ ಮಾತ್ರ ನಡೆಸಿ ಇನ್ನುಳಿದ ಖರ್ಚುಗಳನ್ನು ಕೈ ಬಿಡಲು ನಾವು ತೀರ್ಮಾನಿಸಿದ್ದೇವೆ.ರಾಜ್ಯಕ್ಕೆ ರಾಜ್ಯವೇ ಪ್ರವಾಹದ ದುಃಖದಲ್ಲಿದೆ. ಈ ವೇಳೆ ಗೌಜು ಗದ್ದಲವಿಲ್ಲದೆ ಸರಳ ಮದುವೆ ನಡೆಸಲು ನಿರ್ಧರಿಸಿದ್ದೇವೆ.
ಸರಳ ಮದುವೆ ಸಾಕು ಎಂದು ಮಗಳು ಹೇಳಿದ್ದಳು. ಅದಕ್ಕೆ ವರನ ಮನೆಯವರೂ ಒಪ್ಪಿಕೊಂಡರು. ಆನಂತರವೇ ಅದ್ದೂರಿ ಮದುವೆ ಬೇಡ ಎಂದು ಆ ಹಣವನ್ನು ಪರಿಹಾರ ನಿಧಿಗೆ ನೀಡಲು ನಿರ್ಧರಿಸಿದ್ದು ಎಂದು ಮೇಯರ್ ಹೇಳಿರುವುದಾಗಿ ಮಾತೃಭೂಮಿ ಪತ್ರಿಕೆ ವರದಿ ಮಾಡಿದೆ.

ಮಗಳ ನಿಶ್ಚಿತಾರ್ಥ ರದ್ದು ಮಾಡಿ ಆ ಹಣವನ್ನು ಪರಿಹಾರ ನಿಧಿಗೆ ನೀಡಿದ ಅಪ್ಪ
ಸಿಪಿಎಂ ಮುಖವಾಣಿ ದೇಶಾಭಿಮಾನಿ ಪತ್ರಿಕೆಯ ರೆಸಿಡೆಂಟ್ ಎಡಿಟರ್ ಮನೋಜ್, ಮಗಳ ಮದುವೆ ನಿಶ್ಚಿತಾರ್ಥವನ್ನು ರದ್ದು ಮಾಡಿ ಆ ಹಣವನ್ನು ಮುಖ್ಯಮಂತ್ರಿಯವರ ಪರಿಹಾರ ನಿಧಿಗೆ ನೀಡಿದ್ದಾರೆ.ನಿನ್ನೆ (ಭಾನುವಾರ) ಮನೋಜ್ ಅವರ ಮಗಳು ದೇವಿ ಅವರ ನಿಶ್ಚಿತಾರ್ಥ ನ್ಯಾಯವಾದಿ ಸುಧಾಕರನ್ ಅವರ ಜತೆ ನಡೆಯಬೇಕಾಗಿತ್ತು. ಆದರೆ ಪ್ರವಾಹದಿಂದಾಗಿ ರಾಜ್ಯದ ಜನರು ಕಷ್ಟ ಅನುಭವಿಸುವಾಗ ಹೀಗೊಂದು ಕಾರ್ಯಕ್ರಮ ಬೇಡ ಎಂದು ಕುಟುಂಬ ನಿರ್ಧರಿಸಿತ್ತು.

ನಿಶ್ಚಿತಾರ್ಥಕ್ಕಾಗಿ ತೆಗೆದಿರಿಸಿದ್ದ ಹಣವನ್ನು ಮುಖ್ಯಮಂತ್ರಿಯವರ ಪರಿಹಾರ ನಿಧಿಗೆ ನೀಡಲು ಎರಡೂ ಕುಟುಂಬಗಳು ತೀರ್ಮಾನಿಸಿರುವುದಾಗಿ ಮನೋಜ್ ಫೇಸ್‍ಬುಕ್ ನಲ್ಲಿ ಬರೆದುಕೊಂಡಿದ್ದಾರೆ.