ಬಂಡಿಪುರ: ಮೂಲಂಕಾವು–ಬೇಗೂರು ಪರ್ಯಾಯ ಮಾರ್ಗದ ಪ್ರಸ್ತಾವ

ತಿರುವನಂತಪುರ: ಬಂಡಿಪುರ ಹುಲಿ ರಕ್ಷಿತಾರಣ್ಯವನ್ನು ಹಾದು ಹೋಗುವ ರಾಷ್ಟ್ರೀಯ ಹೆದ್ದಾರಿ 766ರಲ್ಲಿನ ಸಂಚಾರ ನಿರ್ಬಂಧದ ವಿರುದ್ಧ ವಯನಾಡ್ನಲ್ಲಿ ಪ್ರತಿಭಟನೆ ತೀವ್ರಗೊಂಡಿದೆ. ಈ ನಡುವೆ, ಅತ್ಯಂತ ಕಡಿಮೆ ಅರಣ್ಯ ಪ್ರದೇಶದಲ್ಲಿ ಹಾದು ಹೋಗುವ ಪರ್ಯಾಯ ಮಾರ್ಗವೊಂದರ ಪ್ರಸ್ತಾವವನ್ನು ಪರಿಸರವಾದಿಗಳು ಮುಂದಿಟ್ಟಿದ್ದಾರೆ.

. ವಯನಾಡ್ನ ಮೂಲಂಕಾವು–ವುಲ್ಲುವಾಡಿಯಿಂದ ಗುಂಡ್ಲುಪೇಟೆಯ ಚಿಕ್ಕಬರದಿ–ಬೇಗೂರು ಮೂಲಕ ವಯನಾಡ್ ಮತ್ತು ಮೈಸೂರನ್ನು ಸಂಪರ್ಕಿಸುವ ರಸ್ತೆ ಅಭಿವೃದ್ಧಿಯೇ ಈ ಪರ್ಯಾಯ ಮಾರ್ಗ ಸಲಹೆ. ಈ ರಸ್ತೆ ನಿರ್ಮಾಣವಾದರೆ ಮೈಸೂರು–ವಯನಾಡ್ ನಡುವಣ ದೂರ 20 ಕಿ.ಮೀ.ಗಳಷ್ಟು ಕಡಿಮೆಯಾಗಲಿದೆ.

. ಕೇರಳ ಸರ್ಕಾರದ ರಾಷ್ಟ್ರೀಯ ಸಾರಿಗೆ ಯೋಜನೆ ಮತ್ತು ಸಂಶೋಧನಾ ಸಂಸ್ಥೆಯು 2014ರಲ್ಲಿಯೇ ಈ ಪ್ರಸ್ತಾವ ಇರಿಸಿತ್ತು.

. ಕುಟ್ಟ–ಗೋಣಿಕೊಪ್ಪ (ರಾ. ಹೆ. 275 ಮತ್ತು ರಾಜ್ಯ ಹೆದ್ದಾರಿ 90) ಮೂಲಕ ರಸ್ತೆ ನಿರ್ಮಿಸಲು ಸುಪ್ರೀಂ ಕೋರ್ಟ್ ಸಲಹೆ ಕೊಟ್ಟಿತ್ತು. ಆದರೆ ಇದು ಸುಲ್ತಾನ್ ಬತ್ತೇರಿ–ಗುಂಡ್ಲುಪೇಟೆ ನಡುವಣ ದೂರವನ್ನು ಹೆಚ್ಚಿಸುತ್ತದೆ. ಹಾಗಾಗಿ, ಪರ್ಯಾಯ ಮಾರ್ಗದ ಬಗ್ಗೆ ವಯನಾಡ್ ಜನರಲ್ಲಿ ಹೆಚ್ಚಿನ ಆಸಕ್ತಿ ಮೂಡಿದೆ.

. ರಾ. ಹೆ. 766 ರಕ್ಷಣೆ ಕ್ರಿಯಾ ಸಮಿತಿಯು ಸಂಚಾರ ನಿರ್ಬಂಧದ ವಿರುದ್ಧ ನಡೆಸುತ್ತಿರುವ ಪ್ರತಿಭಟನೆಯ ನೇತೃತ್ವ ವಹಿಸಿದೆ. ಈ ಸಮಿತಿಯ ಮುಖಂಡ ಆ್ಯಂಟೊ ಜಾರ್ಜ್ ಅವರು ಪರ್ಯಾಯ ರಸ್ತೆಯ ಬಗ್ಗೆ ಒಲವು ತೋರಿದ್ದಾರೆ. ಆದರೆ, ಈ ರಸ್ತೆ ನಿರ್ಮಾಣಕ್ಕೆ ಭಾರಿ ಸಂಖ್ಯೆಯಲ್ಲಿ ಮರಗಳನ್ನು ಕಡಿಯಬೇಕಾಗಬಹುದು ಎಂಬ ಆತಂಕವನ್ನೂ ವ್ಯಕ್ತಪಡಿಸಿದ್ದಾರೆ.

. ಸಂಚಾರ ನಿರ್ಬಂಧ ವಿರೋಧಿಸಿ ಸುಲ್ತಾನ್ ಬತ್ತೇರಿಯಲ್ಲಿ ನಡೆಯುತ್ತಿರುವ ಪ್ರತಿಭಟನೆ ಬುಧವಾರ ಎಂಟನೇ ದಿನಕ್ಕೆ ಕಾಲಿಟ್ಟಿದೆ. ವಿವಿಧ ಗುಂಪುಗಳು ಬೆಂಬಲ ವ್ಯಕ್ತಪಡಿಸುತ್ತಿರುವುದರಿಂದ ಹೆಚ್ಚು ತೀವ್ರವೂ ಆಗಿದೆ.

. ರಕ್ಷಿತಾರಣ್ಯಕ್ಕೆ ಕಡಿಮೆ ಧಕ್ಕೆ

. ಪ್ರಸ್ತಾವಿತ ಮಾರ್ಗದಲ್ಲಿ ಸುಲ್ತಾನ್ ಬತ್ತೇರಿಯಿಂದ ಮೈಸೂರಿನ ದೂರವು 95ಕ್ಕೆ ಕಿ.ಮೀ.ಗೆ ಇಳಿಯಲಿದೆ. ಈಗಿನ ಮಾರ್ಗದಲ್ಲಿ ಈ ದೂರವು 115 ಕಿ.ಮೀ. ಎಂದು ಪರ್ಯಾಯ ಮಾರ್ಗದ ಪ್ರತಿಪಾದಕರು ಹೇಳುತ್ತಿದ್ದಾರೆ. ರಾ. ಹೆ. 766 ಸುಮಾರು 30 ಕಿ.ಮೀ.ಗಳಷ್ಟು ಅರಣ್ಯದ ಮೂಲಕ ಮತ್ತು 19 ಕಿ.ಮೀ.ನಷ್ಟು ಹುಲಿ ರಕ್ಷಿತಾರಣ್ಯದ ಮೂಲಕ ಹಾದು ಹೋಗುತ್ತದೆ. ಪ್ರಸ್ತಾವಿತ ಪರ್ಯಾಯ ಮಾರ್ಗವು ಅರಣ್ಯವನ್ನು ಹಾದು ಹೋಗುವ ದೂರ 9 ಕಿ.ಮೀ.ಮಾತ್ರ. ಹುಲಿ ರಕ್ಷಿತಾರಣ್ಯದ ಮೂಲಕ ಇದು ಹಾದುಹೋಗುವ ದೂರ ಸುಮಾರು ಆರು ಕಿ.ಮೀ. ಮಾತ್ರ. ಹೀಗಾಗಿ ಹುಲಿ ರಕ್ಷಿತಾರಣ್ಯಕ್ಕೆ ಆಗುವ ತೊಂದರೆ ಕನಿಷ್ಠವಾಗಲಿದೆಎಂಬುದು ಅವರ ಪ್ರತಿಪಾದನೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಬಂಡಿಪುರ: ಮೂಲಂಕಾವು–ಬೇಗೂರು ಪರ್ಯಾಯ ಮಾರ್ಗದ ಪ್ರಸ್ತಾವ

ಚಿನಕುರುಳಿ Cartoon: 11 ಜುಲೈ 2025

ಧರ್ಮಸ್ಥಳದಲ್ಲಿ ಅಪರಾಧ ಕೃತ್ಯ ಕುರಿತ ಆರೋಪ: ಹೇಳಿಕೆ ದಾಖಲಿಸಿದ ದೂರುದಾರ

ಸಿದ್ದರಾಮಯ್ಯ ಅವರ 'ನಾನೇ CM' ಹೇಳಿಕೆ ಬೆನ್ನಲ್ಲೇ ಖರ್ಗೆ ನಿವಾಸಕ್ಕೆ ಸಚಿವರ ದಂಡು

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ

ಲಾರ್ಡ್ಸ್‌ ಟೆಸ್ಟ್‌ನಲ್ಲಿ 5 ವಿಕೆಟ್ ಉರುಳಿಸಿದರೂ ಸಂಭ್ರಮಿಸದ ಬೂಮ್ರಾ: ಕಾರಣವೇನು?

ಲಾರ್ಡ್ಸ್‌ನಲ್ಲಿ 350ರ ಗಡಿ ದಾಟಿದ ಆಂಗ್ಲರು: ಭಾರತದ ಜಯದ ಹಾದಿ ಕಠಿಣ! ಕಾರಣವೇನು?

ಟೆಸ್ಟ್ ಕ್ರಿಕೆಟ್‌ನಲ್ಲಿ ಅತಿಹೆಚ್ಚು ಕ್ಯಾಚ್: ದ್ರಾವಿಡ್ ದಾಖಲೆ ಮುರಿದ ಜೋ ರೂಟ್

ಡ್ಯೂಕ್ ಚೆಂಡಿನ ಗುಣಮಟ್ಟ ಹೆಚ್ಚಳಕ್ಕೆ ಬದ್ಧ: ಬ್ರಿಟಿಷ್ ಕ್ರಿಕೆಟ್ ಬಾಲ್ಸ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 11 ಜುಲೈ 2025

ಧರ್ಮಸ್ಥಳದಲ್ಲಿ ಅಪರಾಧ ಕೃತ್ಯ ಕುರಿತ ಆರೋಪ: ಹೇಳಿಕೆ ದಾಖಲಿಸಿದ ದೂರುದಾರ

ಸಿದ್ದರಾಮಯ್ಯ ಅವರ 'ನಾನೇ CM' ಹೇಳಿಕೆ ಬೆನ್ನಲ್ಲೇ ಖರ್ಗೆ ನಿವಾಸಕ್ಕೆ ಸಚಿವರ ದಂಡು

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ