ಕೇರಳ: ಪ್ರಧಾನಿ ಮೋದಿ ಭದ್ರತೆಗೆ ಅಳವಡಿಸಿದ್ದ ಹಗ್ಗ ಸಿಲುಕಿ ಬೈಕ್ ಸವಾರ ಸಾವು

ವಡುತಳಾ ನಿವಾಸಿ ಮನೋಜ್‌ ಉಣ್ಣಿ ಮೃತರು. ಭಾನುವಾರ ರಾತ್ರಿ 10.30ಕ್ಕೆ ಘಟನೆ ನಡೆದಿದೆ. ಅಪಘಾತ ನಡೆದ ಕೂಡಲೇ ಸಮೀಪದ ಆಸ್ಪತ್ರೆಗೆ ಉಣ್ಣಿ ಅವರನ್ನು ಕರೆದುಕೊಂಡು ಹೋದರೂ ಅವರು ಬದುಕುಳಿಯಲಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ.

ಯಾವುದೇ ಎಚ್ಚರಿಕೆ ಫಲಕಗಳು ಇಲ್ಲದೆ ರಸ್ತೆಗಳಲ್ಲಿ ಹಗ್ಗಗಳನ್ನು ಕಟ್ಟಲಾಗಿದ್ದು, ರಾತ್ರಿ ವೇಳೆ ಪತ್ತೆ ಹಚ್ಚುವುದು ಕಷ್ಟ ಎಂದು ಉಣ್ಣಿ ಅವರ ಕುಟುಂಬಸ್ಥರು ಹೇಳಿದ್ದಾರೆ.

‘ಪ್ರಧಾನಿ ನರೇಂದ್ರ ಮೋದಿಯವರ ಭೇಟಿಯ ಹಿನ್ನೆಲೆ ಭದ್ರತೆಗಾಗಿ ಹಗ್ಗಗಳನ್ನು ಕಟ್ಟಲಾಗಿದೆ. ರಾತ್ರಿಯಲ್ಲಿ ಅದು ಗೋಚರಿಸುವಂತೆ ಅಲ್ಲಿ ರಿಬ್ಬನ್ ಅಥವಾ ಯಾವುದೇ ಪ್ರತಿಫಲಿಸುವ ವಸ್ತುಗಳು ಇರಲಿಲ್ಲ’ ಎಂದು ಉಣ್ಣಿಯವರ ಸಂಬಂಧಿಯೊಬ್ಬರು ಮಾಧ್ಯಮದವರೊಂದಿಗೆ ಹೇಳಿದ್ದಾರೆ.