ನವದೆಹಲಿ: ಇತ್ತೀಚೆಗೆ ಅನುಮೋದನೆ ಪಡೆದ ಕೋವಿಡ್ ನೇಸಲ್ ಲಸಿಕೆ ಇನ್‌ಕೊವ್ಯಾಕ್‌ಗೆ ಖಾಸಗಿ ಸರಬರಾಜಿಗೆ ₹800 ಮತ್ತು ಸರ್ಕಾರಕ್ಕೆ ಸರಬರಾಜು ಮಾಡುವ ಬೆಲೆ ₹350 ಅನ್ನು ಭಾರತ್ ಬಯೊಟೆಕ್ ಸಂಸ್ಥೆ ನಿಗದಿಪಡಿಸಿದೆ.
ಈ ಲಸಿಕೆ ಸದ್ಯ ಕೋವಿನ್ ವೆಬ್‌ಸೈಟ್‌ನಲ್ಲಿ ಲಭ್ಯವಿದೆ.
ಜಿಎಸ್‌ಟಿ ಮತ್ತು ಆಸ್ಪತ್ರೆಯ ಶುಲ್ಕಗಳು ಪ್ರತ್ಯೇಕವಾಗಿರಲಿವೆ.
ಭಾರತ್ ಬಯೊಟೆಕ್ ಕಂಪನಿ ಅಭಿವೃದ್ಧಿಪಡಿಸಿರುವ ಈ ಲಸಿಕೆಯನ್ನು ಬೂಸ್ಟರ್ ಡೋಸ್‌ ಆಗಿ ಬಳಕೆ ಮಾಡಲು ಡಿ.23ರಂದು ಕೇಂದ್ರ ಸರ್ಕಾರ ಅನುಮೋದನೆ ನೀಡಿತ್ತು.
ಕೋವಿಡ್ ನಿಯಂತ್ರಣಕ್ಕಾಗಿ ಮೂಗಿನ ಮೂಲಕ ಬಳಸಬಹುದಾದ ದೇಶದ ಮೊದಲ ಕೋವಿಡ್ ಲಸಿಕೆ ಇದಾಗಿದೆ.
2021ರ ಆಗಸ್ಟ್‌ನಲ್ಲಿ ನೇಸಲ್ ಲಸಿಕೆಯ 2 ಮತ್ತು 3ನೇ ಕ್ಲಿನಿಕಲ್ ಪ್ರಯೋಗ ನಡೆದಿತ್ತು.
