ಗುವಾಹಟಿ : ‘ಅಸ್ಸಾಂನ ಸಚಿವರು, ಅಧಿಕಾರಿಗಳು ಅಥವಾ ಸರ್ಕಾರಿ ನೌಕರರಿಗೆ ರಿಯಾಯಿತಿ ದರದಲ್ಲಿ ವಿದ್ಯುತ್ ಸೌಲಭ್ಯ ನೀಡುವುದಿಲ್ಲ’ ಎಂದು ಮುಖ್ಯಮಂತ್ರಿ ಹಿಮಂತ ಬಿಸ್ವ ಶರ್ಮ ಭಾನುವಾರ ಹೇಳಿದ್ದಾರೆ.
ಸಚಿವರ ನಿವಾಸಗಳು ಸೇರಿದಂತೆ ಸರ್ಕಾರಿ ನಿವಾಸಗಳಲ್ಲಿ ತಕ್ಷಣದಿಂದಲೇ ಪ್ರಿಪೇಯ್ಡ್‌ ಮೀಟರ್ ಅಳವಡಿಸುವಂತೆ ಇಂಧನ ಇಲಾಖೆಗೆ ಸೂಚಿಸಿರುವ ಅವರು, ‘ಸಚಿವರು, ಅಧಿಕಾರಿಗಳು, ಸರ್ಕಾರಿ ನೌಕರರಿಗೆ ಸಬ್ಸಿಡಿ ದರದ ವಿದ್ಯುತ್ ಬಳಸಲು ಅವಕಾಶ ನೀಡುವುದಿಲ್ಲ’ ಎಂದಿದ್ದಾರೆ.
‘ಸಚಿವರು ಹಾಗೂ ಹಿರಿಯ ಅಧಿಕಾರಿಗಳ ಸಂಬಳದಲ್ಲಿ ಸ್ವಲ್ಪ ಮೊತ್ತವನ್ನು ಮಾಸಿಕ ವಿದ್ಯುತ್ ಬಿಲ್‌ಗೆ ಕಡಿತಗೊಳಿಸುವಂತೆ ಈಚೆಗೆ ನಡೆದ ಸಂವಾದದಲ್ಲಿ ಅಧಿಕಾರಿಗಳಿಗೆ ಸೂಚಿಸಲಾಗಿದೆ’ ಎಂದು ಶರ್ಮ ‘ಎಕ್ಸ್‌’ನಲ್ಲಿ ಪೋಸ್ಟ್ ಮಾಡಿದ್ದಾರೆ.
