<p><strong>ನವದೆಹಲಿ:</strong> ವಕೀಲರಿಗೆ ‘ಹಿರಿಯ ವಕೀಲರು’ ಎಂಬ ಮಾನ್ಯತೆ ನೀಡುವ ವಿಚಾರವಾಗಿ ‘ಗಂಭೀರ ಆತ್ಮಾವಲೋಕನದ’ ಅಗತ್ಯ ಇದೆ ಎಂದು ಹೇಳಿರುವ ಸುಪ್ರೀಂ ಕೋರ್ಟ್, ಈ ಕುರಿತಾಗಿ ವಿಸ್ತೃತ ಪೀಠವೊಂದು ವಿಚಾರಣೆ ನಡೆಸಬೇಕೇ ಎಂಬ ಬಗ್ಗೆ ಪರಿಶೀಲಿಸುವಂತೆ ಸುಪ್ರೀಂ ಕೋರ್ಟ್ನ ಮುಖ್ಯ ನ್ಯಾಯಮೂರ್ತಿ (ಸಿಜೆಐ) ಸಂಜೀವ್ ಖನ್ನಾ ಅವರನ್ನು ಕೋರಿದೆ.</p>.<p>ಅಭ್ಯರ್ಥಿಯ ಸಂದರ್ಶನವನ್ನು ಕೆಲವು ನಿಮಿಷಗಳ ಕಾಲ ನಡೆಸಿ, ಅವರ ಅರ್ಹತೆಯನ್ನು ನಿಜವಾಗಿಯೂ ಪರೀಕ್ಷಿಸಬಹುದೇ ಎಂಬ ಪ್ರಶ್ನೆಯನ್ನು ನ್ಯಾಯಮೂರ್ತಿಗಳಾದ ಅಭಯ್ ಎಸ್. ಓಕ ಮತ್ತು ಆಗಸ್ಟೀನ್ ಜಾರ್ಜ್ ಮಸೀಹ್ ಅವರು ಇರುವ ವಿಭಾಗೀಯ ಪೀಠವು ಎತ್ತಿದೆ.</p>.<p class="bodytext">‘ಮಾನ್ಯತೆ ನೀಡುವುದಕ್ಕಾಗಿ ಅರ್ಜಿ ಸಲ್ಲಿಸುವುದಕ್ಕೆ ನ್ಯಾಯಾಲಯ ಅವಕಾಶ ನೀಡಬೇಕೇ ಎಂಬ ಪ್ರಶ್ನೆಯನ್ನು ಗಂಭೀರವಾಗಿ ಪರಿಶೀಲಿಸಬೇಕಿದೆ...’ ಎಂದು ಪೀಠವು ಹೇಳಿದೆ. ವಕೀಲರ ಕಾಯ್ದೆಯ ಸೆಕ್ಷನ್ 16, ವಕೀಲರಿಗೆ ‘ಹಿರಿಯ’ ಎಂಬ ಮಾನ್ಯತೆ ನೀಡುವುದಕ್ಕೆ ಸಂಬಂಧಿಸಿದೆ.</p>.<p class="bodytext">‘ವಕೀಲರೊಬ್ಬರು ವಕೀಲ ಸಮುದಾಯದಲ್ಲಿ ಹೊಂದಿರುವ ಹಿರಿಮೆ, ತಮ್ಮ ಸಾಮರ್ಥ್ಯ, ವಿಶೇಷ ಜ್ಞಾನದ ಕಾರಣಕ್ಕೆ ಹಿರಿಯ ವಕೀಲ ಎಂಬ ಮಾನ್ಯತೆಗೆ ಅರ್ಹರು ಎಂದಾದಲ್ಲಿ, ಅವರು ಸಂದರ್ಶನಕ್ಕೆ ಹಾಜರಾಗುವಂತೆ ಮಾಡುವ ಮೂಲಕ ನಾವು ಆ ವಕೀಲರ ಘನತೆಗೆ ಮುಜುಗರ ಉಂಟಾಗುವಂತೆ ಮಾಡುತ್ತಿದ್ದೇವೆಯೇ? ನಾವು ಮಾನ್ಯತೆ ನೀಡುವ ಪ್ರಕ್ರಿಯೆಯನ್ನು ಆಯ್ಕೆ ಪ್ರಕ್ರಿಯೆಯನ್ನಾಗಿ ಪರಿವರ್ತಿಸುತ್ತಿಲ್ಲವೇ’ ಎಂದು ಪೀಠವು ಪ್ರಶ್ನಿಸಿದೆ.</p>.<p class="bodytext">ಹಿಂದೆ ತ್ರಿಸದಸ್ಯ ಪೀಠವೊಂದು 2017ರಲ್ಲಿ, ವಕೀಲರಿಗೆ ‘ಹಿರಿಯ’ ಎಂಬ ಮಾನ್ಯತೆ ನೀಡಲು ಸಿಜೆಐ ನೇತೃತ್ವದಲ್ಲಿ ಶಾಶ್ವತ ಸಮಿತಿಯೊಂದನ್ನು ರಚಿಸುವುದು ಸೇರಿದಂತೆ ಹಲವು ಮಾರ್ಗಸೂಚಿಗಳನ್ನು ರೂಪಿಸಿತ್ತು.</p>.<p class="bodytext">ಹಿಂದಿನ ತೀರ್ಮಾನಗಳಿಗೆ ತಾನು ಅಗೌರವ ತೋರುತ್ತಿಲ್ಲ. ಆದರೆ, ಕೆಲವು ಕಳವಳಗಳನ್ನು ಮಾತ್ರ ದಾಖಲಿಸಲಾಗುತ್ತಿದೆ. ಇದರಿಂದಾಗಿ, ಸಿಜೆಐ ಅವರಿಗೆ ಈ ಕಳವಳ ಬಗ್ಗೆ ವಿಸ್ತೃತವಾದ ಪೀಠವು ಪರಿಶೀಲಿಸುವ ಅಗತ್ಯ ಇದೆಯೇ ಎಂಬ ತೀರ್ಮಾನ ಕೈಗೊಳ್ಳಲು ಸಾಧ್ಯವಾಗುತ್ತದೆ ಎಂದು ವಿಭಾಗೀಯ ಪೀಠ ಹೇಳಿದೆ.</p>.<p class="bodytext">ಹಿರಿಯ ಎಂಬ ಮಾನ್ಯತೆಗೆ ಅರ್ಹರಾದವರು ಮಾತ್ರ ಆ ಮಾನ್ಯತೆಯನ್ನು ಪಡೆಯಬೇಕು. ಅರ್ಹರಲ್ಲದವರು ಆ ಮಾನ್ಯತೆಯನ್ನು ಪಡೆದರೆ ನ್ಯಾಯಾಂಗದ ಘನತೆಯ ಮೇಲೆ ಪರಿಣಾಮ ಉಂಟಾಗುತ್ತದೆ ಎಂದು ಪೀಠ ಹೇಳಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ವಕೀಲರಿಗೆ ‘ಹಿರಿಯ ವಕೀಲರು’ ಎಂಬ ಮಾನ್ಯತೆ ನೀಡುವ ವಿಚಾರವಾಗಿ ‘ಗಂಭೀರ ಆತ್ಮಾವಲೋಕನದ’ ಅಗತ್ಯ ಇದೆ ಎಂದು ಹೇಳಿರುವ ಸುಪ್ರೀಂ ಕೋರ್ಟ್, ಈ ಕುರಿತಾಗಿ ವಿಸ್ತೃತ ಪೀಠವೊಂದು ವಿಚಾರಣೆ ನಡೆಸಬೇಕೇ ಎಂಬ ಬಗ್ಗೆ ಪರಿಶೀಲಿಸುವಂತೆ ಸುಪ್ರೀಂ ಕೋರ್ಟ್ನ ಮುಖ್ಯ ನ್ಯಾಯಮೂರ್ತಿ (ಸಿಜೆಐ) ಸಂಜೀವ್ ಖನ್ನಾ ಅವರನ್ನು ಕೋರಿದೆ.</p>.<p>ಅಭ್ಯರ್ಥಿಯ ಸಂದರ್ಶನವನ್ನು ಕೆಲವು ನಿಮಿಷಗಳ ಕಾಲ ನಡೆಸಿ, ಅವರ ಅರ್ಹತೆಯನ್ನು ನಿಜವಾಗಿಯೂ ಪರೀಕ್ಷಿಸಬಹುದೇ ಎಂಬ ಪ್ರಶ್ನೆಯನ್ನು ನ್ಯಾಯಮೂರ್ತಿಗಳಾದ ಅಭಯ್ ಎಸ್. ಓಕ ಮತ್ತು ಆಗಸ್ಟೀನ್ ಜಾರ್ಜ್ ಮಸೀಹ್ ಅವರು ಇರುವ ವಿಭಾಗೀಯ ಪೀಠವು ಎತ್ತಿದೆ.</p>.<p class="bodytext">‘ಮಾನ್ಯತೆ ನೀಡುವುದಕ್ಕಾಗಿ ಅರ್ಜಿ ಸಲ್ಲಿಸುವುದಕ್ಕೆ ನ್ಯಾಯಾಲಯ ಅವಕಾಶ ನೀಡಬೇಕೇ ಎಂಬ ಪ್ರಶ್ನೆಯನ್ನು ಗಂಭೀರವಾಗಿ ಪರಿಶೀಲಿಸಬೇಕಿದೆ...’ ಎಂದು ಪೀಠವು ಹೇಳಿದೆ. ವಕೀಲರ ಕಾಯ್ದೆಯ ಸೆಕ್ಷನ್ 16, ವಕೀಲರಿಗೆ ‘ಹಿರಿಯ’ ಎಂಬ ಮಾನ್ಯತೆ ನೀಡುವುದಕ್ಕೆ ಸಂಬಂಧಿಸಿದೆ.</p>.<p class="bodytext">‘ವಕೀಲರೊಬ್ಬರು ವಕೀಲ ಸಮುದಾಯದಲ್ಲಿ ಹೊಂದಿರುವ ಹಿರಿಮೆ, ತಮ್ಮ ಸಾಮರ್ಥ್ಯ, ವಿಶೇಷ ಜ್ಞಾನದ ಕಾರಣಕ್ಕೆ ಹಿರಿಯ ವಕೀಲ ಎಂಬ ಮಾನ್ಯತೆಗೆ ಅರ್ಹರು ಎಂದಾದಲ್ಲಿ, ಅವರು ಸಂದರ್ಶನಕ್ಕೆ ಹಾಜರಾಗುವಂತೆ ಮಾಡುವ ಮೂಲಕ ನಾವು ಆ ವಕೀಲರ ಘನತೆಗೆ ಮುಜುಗರ ಉಂಟಾಗುವಂತೆ ಮಾಡುತ್ತಿದ್ದೇವೆಯೇ? ನಾವು ಮಾನ್ಯತೆ ನೀಡುವ ಪ್ರಕ್ರಿಯೆಯನ್ನು ಆಯ್ಕೆ ಪ್ರಕ್ರಿಯೆಯನ್ನಾಗಿ ಪರಿವರ್ತಿಸುತ್ತಿಲ್ಲವೇ’ ಎಂದು ಪೀಠವು ಪ್ರಶ್ನಿಸಿದೆ.</p>.<p class="bodytext">ಹಿಂದೆ ತ್ರಿಸದಸ್ಯ ಪೀಠವೊಂದು 2017ರಲ್ಲಿ, ವಕೀಲರಿಗೆ ‘ಹಿರಿಯ’ ಎಂಬ ಮಾನ್ಯತೆ ನೀಡಲು ಸಿಜೆಐ ನೇತೃತ್ವದಲ್ಲಿ ಶಾಶ್ವತ ಸಮಿತಿಯೊಂದನ್ನು ರಚಿಸುವುದು ಸೇರಿದಂತೆ ಹಲವು ಮಾರ್ಗಸೂಚಿಗಳನ್ನು ರೂಪಿಸಿತ್ತು.</p>.<p class="bodytext">ಹಿಂದಿನ ತೀರ್ಮಾನಗಳಿಗೆ ತಾನು ಅಗೌರವ ತೋರುತ್ತಿಲ್ಲ. ಆದರೆ, ಕೆಲವು ಕಳವಳಗಳನ್ನು ಮಾತ್ರ ದಾಖಲಿಸಲಾಗುತ್ತಿದೆ. ಇದರಿಂದಾಗಿ, ಸಿಜೆಐ ಅವರಿಗೆ ಈ ಕಳವಳ ಬಗ್ಗೆ ವಿಸ್ತೃತವಾದ ಪೀಠವು ಪರಿಶೀಲಿಸುವ ಅಗತ್ಯ ಇದೆಯೇ ಎಂಬ ತೀರ್ಮಾನ ಕೈಗೊಳ್ಳಲು ಸಾಧ್ಯವಾಗುತ್ತದೆ ಎಂದು ವಿಭಾಗೀಯ ಪೀಠ ಹೇಳಿದೆ.</p>.<p class="bodytext">ಹಿರಿಯ ಎಂಬ ಮಾನ್ಯತೆಗೆ ಅರ್ಹರಾದವರು ಮಾತ್ರ ಆ ಮಾನ್ಯತೆಯನ್ನು ಪಡೆಯಬೇಕು. ಅರ್ಹರಲ್ಲದವರು ಆ ಮಾನ್ಯತೆಯನ್ನು ಪಡೆದರೆ ನ್ಯಾಯಾಂಗದ ಘನತೆಯ ಮೇಲೆ ಪರಿಣಾಮ ಉಂಟಾಗುತ್ತದೆ ಎಂದು ಪೀಠ ಹೇಳಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
