ಜನವರಿ 30ರಂದು ಕೇರಳದ ವ್ಯಕ್ತಿಯೊಬ್ಬರಿಗೆ ಕೊರೊನಾ ಸೋಂಕು ತಗುಲಿತ್ತು. ಭಾರತದಲ್ಲಿ ವರದಿಯಾದ ಮೊದಲ ಕೋವಿಡ್ ಪ್ರಕರಣ ಅದಾಗಿತ್ತು. ನಂತರದ 109 ದಿನಗಳಲ್ಲಿ ಕೇವಲ 1ಲಕ್ಷ ಪ್ರಕರಣಗಳಷ್ಟೇ ದೃಢಪಟ್ಟಿದ್ದವು. ಆಗಸ್ಟ್ 7ರ ವೇಳೆಗೆ ಸೋಂಕಿತರ ಸಂಖ್ಯೆಯು 20 ಲಕ್ಷದ ಗಡಿ ದಾಟಿತ್ತು. ನಂತರ ಇದು ಮತ್ತಷ್ಟು ವೇಗ ಪಡೆದುಕೊಂಡಿತ್ತು. ಆಗಸ್ಟ್ 23ರಂದು 30 ಲಕ್ಷವಿದ್ದ ಸಂಖ್ಯೆ ಸೆಪ್ಟೆಂಬರ್ 5ರ ವೇಳೆಗೆ 40 ಲಕ್ಷಕ್ಕೆ ಏರಿತ್ತು. ನಂತರದ 11 ದಿನಗಳಲ್ಲಿ ಮತ್ತೆ 10 ಲಕ್ಷ ಪ್ರಕರಣಗಳು ವರದಿಯಾಗಿದ್ದವು. ಸೆ.28ರ ವೇಳೆಗೆ ಸೋಂಕಿತರ ಸಂಖ್ಯೆಯು 60 ಲಕ್ಷದ ಗಡಿ ದಾಟಿತ್ತು.