ನವದೆಹಲಿ: ಕಳೆದ ವರ್ಷ 1.95 ಲಕ್ಷ ಟವೆಲ್, 81,736 ಬೆಡ್ಶೀಟ್, 55,573 ತಲೆದಿಂಬು ಕವರ್, 5,038 ತಲೆದಿಂಬು, 7,043 ಹೊದಿಕೆ- ಇದಿಷ್ಟು ವಸ್ತುಗಳನ್ನು ರೈಲು ಪ್ರಯಾಣಿಕರು ಕದ್ದಿದ್ದಾರೆ ಎಂದು ಪಶ್ಚಿಮ ರೈಲ್ವೆ ಹೇಳಿದೆ.ಇಷ್ಟೇ ಅಲ್ಲದೆ 200 ಟಾಯ್ಲೆಟ್ ಮಗ್, ಸರಿ ಸುಮಾರು 1,000 ನಲ್ಲಿಗಳು ಮತ್ತು 300ಕ್ಕಿಂತಲೂ ಹೆಚ್ಚು ಫ್ಲಶ್ ಪೈಪ್ಗಳನ್ನು ಪ್ರಯಾಣಿಕರು ಕದ್ದುಕೊಂಡು ಹೋಗಿದ್ದಾರೆ ಎಂದು ರೈಲ್ವೆ ಇಲಾಖೆ ಹೇಳಿದೆ.
ಟಾಯ್ಲೆಟ್ ಮಗ್, ಸೀಲಿಂಗ್ ಫ್ಯಾನ್, ಬೆಡ್ ಶೀಟ್, ತಲೆದಿಂಬು ಮತ್ತು ಅದರ ಕವರ್ ಗಳೇ ಹೆಚ್ಚು ಕಾಣೆಯಾಗುತ್ತವೆ.ಈ ವಸ್ತುಗಳು ಮಾತ್ರಲ್ಲದೆ ವಾಶ್ರೂಂನಲ್ಲಿರುವ ಶವರ್ಗಳು, ಕಿಟಿಕಿಯ ಗ್ರಿಲ್ಸ್ ಮತ್ತು ರೈಲ್ವೆ ಟ್ರ್ಯಾಕ್ ಗಳನ್ನು ಕದ್ದಿದ್ದು 2017-18ರಲ್ಲಿ ರೈಲ್ವೆ ರಕ್ಷಣಾ ಪಡೆ ವಶಪಡಿಸಿಕೊಂಡ ಕದ್ದ ಮಾಲುಗಳ ಮೌಲ್ಯ ₹2.97 ಕೋಟಿ ಆಗಿದೆ ಎಂದು ಮುಂಬೈ ಮಿರರ್ ಪತ್ರಿಕೆ ವರದಿ ಮಾಡಿದೆ.