ಕೇರಳ: ಕೇರಳದ 18 ವರ್ಷದ ಯುವಕ ಮನೆಯಲ್ಲಿದ್ದ ಮಾರುತಿ 800 ಕಾರನ್ನು ₹45,000 ಖರ್ಚಿನಲ್ಲಿ ಮಿನಿ ರೋಲ್ಸ್ ರಾಯ್ಸ್ (Rolls Royce) ಕಾರ್ನಂತೆ ಮರುವಿನ್ಯಾಸಗೊಳಿಸಿದ್ದಾರೆ.
ಆಟೋ ಮೊಬೈಲ್ನಲ್ಲಿ ಹೆಚ್ಚು ಒಲವು ಹೊಂದಿರುವ ಕೇರಳ ಮೂಲದ ಹದೀಫ್ ಎನ್ನುವ ಇವರು ಕಾರನ್ನು ಮಾರ್ಪಾಡು ಮಾಡಿ ಗಮನ ಸೆಳೆದಿದ್ದಾರೆ.
ಟ್ರಿಕ್ಸ್ ಟ್ಯೂಬ್ ಹೆಸರಿನ ಯೂಟ್ಯೂಬ್ ಚಾನೆಲ್ನಲ್ಲಿ ಈ ಕಾರಿನ ಬಗೆಗಿನ ವಿಡಿಯೊವನ್ನು ಅಪ್ಲೋಡ್ ಮಾಡಲಾಗಿದೆ. ಈ ಬಗ್ಗೆ ಮಾತನಾಡಿದ ಹದೀಪ್, ‘ಕಾರುಗಳ ಬಗ್ಗೆ ಹೆಚ್ಚು ಒಲವು ಹೊಂದಿದ್ದೇನೆ, ಐಷಾರಾಮಿ ಕಾರುಗಳ ಪ್ರತಿಕೃತಿಗಳನ್ನು ಮಾಡಲು ಇಷ್ಟಪಡುತ್ತೇನೆ’ ಎಂದು ಹೇಳಿದ್ದಾರೆ. ಈಗ ವಿನ್ಯಾಸಗೊಳಿಸಿರುವ ಕಾರಿಗೆ ರೋಲ್ಸ್ ರಾಯ್ಸ್ನಂತೆ ಕಾಣುವ ಲೋಗೋವನ್ನು ಸ್ವತಃ ತಾವೇ ರಚಿಸಿರುವುದಾಗಿ ಹೇಳಿದ್ದಾರೆ.