ಭುವನೇಶ್ವರ (ಒಡಿಶಾ): ‘ಅಂತರರಾಷ್ಟ್ರೀಯ ಪ್ರವಾಸಕ್ಕೆ ತೆರಳುವವರ ಸಹಾಯಕ್ಕಾಗಿ ರಾಜ್ಯದ ಮೊದಲ ಕ್ಲಿನಿಕ್‌ ಭುವನೇಶ್ವರ ಏಮ್ಸ್‌ನಲ್ಲಿ ಸೋಮವಾರ ಉದ್ಘಾಟಿಸಲಾಯಿತು’ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
‘ಅಂತರರಾಷ್ಟ್ರೀಯ ಪ್ರವಾಸ ಕೈಗೊಳ್ಳುವವರಿಗೆ ಆರೋಗ್ಯಕ್ಕೆ ಸಂಬಂಧಿಸಿದ ಸಲಹೆ, ಸೂಚನೆಗಳನ್ನು ಈ ಕ್ಲಿನಿಕ್‌ನಲ್ಲಿ ನೀಡಲಾಗುವುದು. ಇದು ವಾರಕ್ಕೆ ಎರಡು ದಿನ ಕಾರ್ಯನಿರ್ವಹಿಸಲಿದೆ’ ಎಂದು ಹೇಳಿದ್ದಾರೆ.
ಪ್ರವಾಸಿಗರಿಗೆ ಆರೋಗ್ಯ ಸಂಬಂಧಿ ಸಲಹೆ ನೀಡುವ ಸಂಚಾರಿ ಕ್ಲಿನಿಕ್‌ಗಳು ದೇಶದಲ್ಲಿ ಕೆಲವಷ್ಟೇ ಇವೆ. ಇವುಗಳಲ್ಲಿ ಭುವನೇಶ್ವರದ ಕ್ಲಿನಿಕ್‌ ಸಹ ಈಗ ಸೇರ್ಪಡೆಗೊಂಡಿದೆ.
