‘ಎಲ್ಲ ಜನರ ಹಕ್ಕು ರಕ್ಷಣೆ: ಭಾರತದ ಜವಾಬ್ದಾರಿ’- ಆ್ಯಂಟೊನಿಯೊ ಗುಟೆರಸ್‌

ಮುಂಬೈ (ಪಿಟಿಐ): ‘ದೇಶದ ಎಲ್ಲರನ್ನು ಒಳಗೊಳ್ಳುವ ತೀವ್ರ ಬದ್ಧತೆ ಮತ್ತು ಎಲ್ಲ ಜನರ ಮಾನವ ಹಕ್ಕುಗಳ ಕುರಿತು ಗೌರವ ತೋರಿಸಿದರೆ ಮಾತ್ರ ಭಾರತದ ಧ್ವನಿಯು ವಿಶ್ವಮಟ್ಟದಲ್ಲಿ ಅಧಿಕಾರಯುತವಾಗಿಯೂ ವಿಶ್ವಾಸಾರ್ಹವಾಗಿಯೂ ಧ್ವನಿಸುತ್ತದೆ’ ಎಂದು ವಿಶ್ವಸಂಸ್ಥೆಯ ಮಹಾ ಪ್ರಧಾನ ಕಾರ್ಯದರ್ಶಿ ಆ್ಯಂಟೊನಿಯೊ ಗುಟೆರಸ್ ಬುಧವಾರ ಅಭಿಪ್ರಾಯಪಟ್ಟರು.

. ‘ಮಾನವ ಹಕ್ಕುಗಳ ಮಂಡಳಿಯ ಚುನಾಯಿತ ಸದಸ್ಯ ರಾಷ್ಟ್ರವಾಗಿ, ಭಾರತಕ್ಕೆ ಅಲ್ಪಸಂಖ್ಯಾತ ಸೇರಿದಂತೆ ಎಲ್ಲ ಜನರ ಹಕ್ಕನ್ನು ರಕ್ಷಿಸುವ ಜವಾಬ್ದಾರಿ ಇದೆ’ ಎಂದೂ ಹೇಳಿದರು.

. ಮೂರು ದಿನಗಳ ಭಾರತದ ಭೇಟಿಯಲ್ಲಿರುವ ಅವರು, ಬುಧವಾರ ‘ಇಂಡಿಯಾ@72: ಯುಎನ್–ಇಂಡಿಯಾ ಪಾರ್ಟ್ನರ್ಶಿಪ್: ಸ್ಟ್ರೆಂಥನಿಂಗ್ ಸೌತ್–ಸೌತ್ ಕೋ–ಆಪರೇಷನ್’ ಕುರಿತು ಬಾಂಬೆಯ ಐಐಟಿ ವಿದ್ಯಾರ್ಥಿಗಳನ್ನು ಉದ್ದೇಶಿಸಿ ಮಾತನಾಡಿದರು.

. ‘ಭಾರತದ ಬಹುತ್ವದ ಮಾದರಿಯು ಸರಳವಾದ ಆದರೆ ಅತ್ಯಂತ ದೃಢವಾದ ಗ್ರಹಿಕೆಯನ್ನು ಆಧರಿಸಿದೆ. ಅತ್ಯಂತ ಶ್ರೀಮಂತವಾದ ವೈವಿಧ್ಯವು ನಿಮ್ಮ ದೇಶವನ್ನು ಗಟ್ಟಿಗೊಳಿಸಿದೆ. ಈ ಗ್ರಹಿಕೆಯು ಪ್ರತಿ ಭಾರತೀಯ ಜನ್ಮಜಾತ ಹಕ್ಕು. ಆದರೆ, ಅದು ಖಾತರಿ ಅಲ್ಲ. ಆದರೆ, ಅದನ್ನು ಪ್ರತಿ ದಿನವೂ ಪೋಷಿಕಬೇಕು, ಬಲಪಡಿಸಬೇಕು ಮತ್ತು ನವೀಕರಿಸಬೇಕು’ ಎಂದರು.

. ‘ಮಹಾತ್ಮ ಗಾಂಧಿ, ನೆಹರೂ ಅವರ ತತ್ವಗಳಿಂದ ಮಾತ್ರವೇ ಭಾರತದ ಬಹುತ್ವವನ್ನು ರಕ್ಷಿಸುವುದು ಸಾಧ್ಯ. ದ್ವೇಷ ಭಾಷಣವನ್ನು ನಿಸ್ಸಂದೇಹವಾಗಿ ಖಂಡಿಸುವುದರ ಮುಖಾಂತರ ಬಹು–ಸಂಸ್ಕೃತಿ, ಬಹು–ಧರ್ಮ ಮತ್ತು ಬಹು–ಸಮುದಾಯವನ್ನು ಒಳಗೊಳ್ಳುವಂತೆ ಆಗಬೇಕು’ ಎಂದರು.

. ‘ಇಲ್ಲಿಯವರೆಗೂ ಬಹುತ್ವ ಭಾರತವನ್ನು ಜಗತ್ತು ಗೌರವಿಸುತ್ತಾ ಬಂದಿದೆ. ಎಲ್ಲರನ್ನೂ ಒಳಗೊಳ್ಳುವ, ಬಹುತ್ವದ, ವೈವಿಧ್ಯ ಸಮುದಾಯಗಳನ್ನು ಒಳಗೊಳ್ಳುವ ಕಾರ್ಯಕ್ಕೆ ಕೈಜೋಡಿಸಿ ಎಂದು ಭಾರತದ ಜನರನ್ನು ಆಗ್ರಹಿಸುತ್ತೇನೆ’ ಎಂದರು.

. ಕಾರ್ಯಕ್ರಮದಲ್ಲಿ ಭಾಗಿ: ಮುಂಬೈ ಭೇಟಿಯ ಬಳಿಕ ಆ್ಯಂಟೊನಿಯೊ ಗುಟೆರಸ್ ಅವರು ಗುಜರಾತ್ಗೆ ತೆರಳಿದರು. ಪ್ರಧಾನಿ ನರೇಂದ್ರ ಮೋದಿ ಅವರೊಂದಿಗೆ ಗುಟೆರಸ್ ಅವರು ಗುಜರಾತ್ನಲ್ಲಿ ಗುರುವಾರ (ಅ.20) ನಡೆಯಲಿರುವ ‘ಮಿಷನ್ ಲೈಫ್’ (ಲೈಫ್ಸ್ಟೈಲ್ ಫಾರ್ ಎನ್ವಿರಾನ್ಮೆಂಟ್) ಕಾರ್ಯಕ್ರಮಲ್ಲಿ ಭಾಗವಹಿಸಲಿದ್ದಾರೆ.

. 26/11 ಸಂತ್ರಸ್ತರಿಗೆ ನಮನ

. ವಿಶ್ವಸಂಸ್ಥೆಯ ಮಹಾ ಪ್ರಧಾನ ಕಾರ್ಯದರ್ಶಿಯಾಗಿ ಎರಡನೇ ಬಾರಿಗೆ ಆಯ್ಕೆಯಾದ ಬಳಿಕ ಆ್ಯಂಟೊನಿಯೊ ಗುಟೆರಸ್ ಅವರು ಇದೇ ಮೊದಲ ಬಾರಿಗೆ ಭಾರತದ ಪ್ರವಾಸ ಕೈಗೊಂಡಿದ್ದಾರೆ.

. ಭಾರತದ ಭೇಟಿಯ ಮೊದಲ ದಿನವಾದ ಬುಧವಾರ ಮುಂಬೈನ ತಾಜ್ ಮಹಾಲ್ ಪ್ಯಾಲೇಸ್ಗೆ ಭೇಟಿ ನೀಡಿದ ಗುಟೆರಸ್, 2008ರಲ್ಲಿ ನಡೆದ 26/11 ಉಗ್ರ ದಾಳಿಯ ಸಂತ್ರಸ್ತರಿಗೆ ನಮನ ಸಲ್ಲಿಸಿದರು. ಈ ವೇಳೆ ಗುಟೆರಸ್ ಅವರೊಂದಿಗೆ ಮಹಾರಾಷ್ಟ್ರ ಮುಖ್ಯಮಂತ್ರಿ ಏಕನಾಥ ಶಿಂದೆ, ಉಪಮುಖ್ಯಮಂತ್ರಿ ದೇವೇಂದ್ರ ಫಡಣವೀಸ್ ಇದ್ದರು.

. ‘26/11 ಮುಂಬೈ ದಾಳಿಯು ಭಯೋತ್ಪಾದನೆಯ ಇತಿಹಾಸದಲ್ಲೇ ಅತ್ಯಂತ ಭೀಕರ ಕೃತ್ಯವಾಗಿದೆ. ಈ ದಾಳಿಯ ಸಂತ್ರಸ್ತರು ‘ಜಗತ್ತಿನ ಹಿರೋಗಳಾಗಿದ್ದಾರೆ’. ಸಂತ್ರಸ್ತರ ಕುಟುಂಬಕ್ಕೆ ಸ್ನೇಹಿತರಿಗೆ ಮತ್ತು ಭಾರತದ ಜನರಿಗೆ ನನ್ನ ಮನದಾಳದ ಸಂತಾಪಗಳು’ ಎಂದು ಗುಟೆರಸ್ ಹೇಳಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

‘ಎಲ್ಲ ಜನರ ಹಕ್ಕು ರಕ್ಷಣೆ: ಭಾರತದ ಜವಾಬ್ದಾರಿ’- ಆ್ಯಂಟೊನಿಯೊ ಗುಟೆರಸ್‌

ಚಿನಕುರುಳಿ Cartoon: 11 ಜುಲೈ 2025

ಚುರುಮುರಿ: ಯಾಗ-ಯೋಗ!

ದಿನ ಭವಿಷ್ಯ: ಈ ರಾಶಿಯವರಿಗೆ ಬಂಧುಗಳಿಂದ ಉಡುಗೊರೆಯ ರೂಪದಲ್ಲಿ ದ್ರವ್ಯಲಾಭ

ಚಿನಕುರುಳಿ Cartoon: 10 ಜುಲೈ 2025

ನೀರಜ್ ಚೋಪ್ರಾ, ಇತರ ಅಥ್ಲೀಟುಗಳಿಗೆ ವಿದೇಶದಲ್ಲಿ ತರಬೇತಿ

Lord's Test | ಬೂಮ್ರಾಗೆ ಐದು ವಿಕೆಟ್; 387 ರನ್‌ಗೆ ಆಲೌಟ್ ಆದ ಇಂಗ್ಲೆಂಡ್

ಟೆಸ್ಟ್‌ನಲ್ಲಿ 1,000 ರನ್: ಇಂಗ್ಲೆಂಡ್‌ಗೆ ಆಸರೆಯಾಗುತ್ತಲೇ 2 ದಾಖಲೆ ಬರೆದ ಸ್ಮಿತ್

ಭದ್ರತಾ ಪರಿಸ್ಥಿತಿ ಅವಲೋಕಿಸಿದ ಬಳಿಕ ಭಾರತಕ್ಕೆ ಹಾಕಿ ತಂಡ: ಪಾಕ್

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 11 ಜುಲೈ 2025

ಚುರುಮುರಿ: ಯಾಗ-ಯೋಗ!

ದಿನ ಭವಿಷ್ಯ: ಈ ರಾಶಿಯವರಿಗೆ ಬಂಧುಗಳಿಂದ ಉಡುಗೊರೆಯ ರೂಪದಲ್ಲಿ ದ್ರವ್ಯಲಾಭ

ಚಿನಕುರುಳಿ Cartoon: 10 ಜುಲೈ 2025