ರಾಜ್ಯ ಸರ್ಕಾರದ ಅಂಗಸಂಸ್ಥೆಯಾದ ಕರ್ನಾಟಕ ರಾಜ್ಯ ಬೀಜ ನಿಗಮವು ಪ್ರತಿ ವರ್ಷ ಸರಾಸರಿ 3.5 ಲಕ್ಷ ಕ್ವಿಂಟಲ್‌ ಬೀಜ ಸರಬರಾಜು ಮಾಡುತ್ತಿದೆ. ಅಂತರಾಷ್ಟ್ರೀಯ ಬೆಳೆ ತಳಿ ಸಂಶೋಧನಾ ಕೇಂದ್ರವಾದ ಐಸಿಆರ್‌ಐಎಸ್‌ಎಟಿ ಹೊಸ ತಂತ್ರಜ್ಞಾನದ ಮೂಲಕ ಅರೆ ಶುಷ್ಕ ವಾತಾವರಣಕ್ಕೆ ಹೊಂದಿಕೊಳ್ಳುವ ಹೊಸ ತಳಿಗಳನ್ನು ಅಭಿವೃದ್ಧಿಪಡಿಸುತ್ತಿದೆ. ಸಂಸ್ಥೆ ಅಭಿವೃದ್ಧಿಪಡಿಸಿದ ಶೇಂಗಾ, ತೊಗರಿ, ಜೋಳ, ಕಡಲೆ, ಸಜ್ಜೆ ತಳಿಗಳಿಗೆ ದೇಶದ ಎಲ್ಲೆಡೆ ಬೇಡಿಕೆ ಇದೆ. ಇನ್ನು ಮುಂದೆ ಸಂಸ್ಥೆಯ ತಳಿಗಳು ರಾಜ್ಯ ಬೀಜ ನಿಗಮಕ್ಕೆ ಲಭ್ಯವಾಗಲಿವೆ ಎಂದು ಚಲುವರಾಯಸ್ವಾಮಿ ಹೇಳಿದರು.
