ಕಾರ್ಯಕರ್ತೆ ಸಂಘದ ಅಧ್ಯಕ್ಷೆ ಶಾಂತಕುಮಾರಿ ಮಾತನಾಡಿ, ತಾಲ್ಲೂಕಿನಲ್ಲಿ 398 ಅಂಗನವಾಡಿ ಕೇಂದ್ರಗಳಿವೆ. 14 ವೃತ್ತಗಳಿವೆ. ಪ್ರತಿ ವೃತ್ತದ ಕಾರ್ಯಕರ್ತೆಯರ ಸಭೆಯನ್ನು ತಿಂಗಳಿಗೆ ನಾಲ್ಕು ಬಾರಿ ಮಾಡಬೇಕಿದೆ. ಸಭೆಗೆ ವಿವಿಧ ಗ್ರಾಮಾಂತರ ಪ್ರದೇಶದಿಂದ ಕಾರ್ಯಕರ್ತೆಯರು ಬರುತ್ತಾರೆ. ಕಚೇರಿಯಲ್ಲಿ ಸಭಾಂಗಣ ಇದ್ದರೂ ಅರ್ಧಭಾಗ ನಿರುಪಯುಕ್ತ ವಸ್ತುಗಳಿಂದ ತುಂಬಿ ಉಳಿದ ಅರ್ಧಭಾಗದಲ್ಲಿ ಸಭೆ ನಡೆಸಲಾಗುತ್ತದೆ. ಸ್ಥಳದ ಅಭಾವ ಇರುವುದರಿಂದ ಕಾರ್ಯಕರ್ತೆಯರ ಶೌಚಾಲಯದ ಪಕ್ಕದಲ್ಲಿ ನೆಲದಲ್ಲಿ ಕುಳಿತು ಸಭೆಯಲ್ಲಿ ಭಾಗವಹಿಸಬೇಕಾದ ಪರಿಸ್ಥಿತಿ ನಿರ್ಮಾಣವಾಗಿದೆ ಎಂದು ದೂರಿದರು.