ರಾಜ್ಯ ಪ್ರವಾಸ ಕೈಗೊಂಡಿದ್ದ ರಕ್ಷಣಾ ಸಚಿವರನ್ನು ಯಲಹಂಕ ವಾಯ ನೆಲೆಯಲ್ಲಿ ಶುಕ್ರವಾರ ಭೇಟಿಮಾಡಿದ ಉಪ ಮುಖ್ಯಮಂತ್ರಿ, ‘ಬೆಳಗಾವಿಯಲ್ಲಿ 750 ಎಕರೆ ವಿಸ್ತೀರ್ಣದಲ್ಲಿ ಐ.ಟಿ ಪಾರ್ಕ್ ನಿರ್ಮಿಸುವ ಪ್ರಸ್ತಾವವಿದೆ. ಇದರಿಂದ 60 ಲಕ್ಷ ಉದ್ಯೋಗ ಸೃಷ್ಟಿಯಾಗಲಿದೆ. ರಕ್ಷಣಾ ಇಲಾಖೆ ತನ್ನ ಬಳಿ ಇರುವ ಜಮೀನನ್ನು ಪೂರ್ಣ ಪ್ರಮಾಣದಲ್ಲಿ ಬಳಸುತ್ತಿಲ್ಲ. ಅದರಲ್ಲಿ 750 ಎಕರೆಯನ್ನು ಬಿಟ್ಟುಕೊಟ್ಟರೆ ಐ.ಟಿ ಪಾರ್ಕ್ ನಿರ್ಮಾಣ ಮಾಡಲಾಗುವುದು’ ಎಂದು ಮನವಿ ಮಾಡಿದರು.