ಇಸ್ರೊ ಅಧ್ಯಕ್ಷ ಕೆ. ಶಿವನ್‌ಗೆ ಗುರುಬಸವ ಪ್ರಶಸ್ತಿ

ಬಾಹ್ಯಾಕಾಶ ವಿಜ್ಞಾನ ಕ್ಷೇತ್ರದಲ್ಲಿಯ ಅವರ ಸಾಧನೆಯನ್ನು ಪರಿಗಣಿಸಿ ಆಯ್ಕೆ ಮಾಡಲಾಗಿದೆ. ಪ್ರಶಸ್ತಿಯು ₹51 ಸಾವಿರ ನಗದು ಒಳಗೊಂಡಿದೆ ಎಂದು ಲಿಂಗಾಯತ ಮಹಾಮಠದ ಅಕ್ಕಅನ್ನಪೂರ್ಣ ಸೋಮವಾರ ತಿಳಿಸಿದರು.

17ನೇ ವಚನ ವಿಜಯೋತ್ಸವದ ಮೂರನೇ ದಿನ (ಭಾನುವಾರ, ಫೆ.9) ಪ್ರಶಸ್ತಿ ಪ್ರದಾನ ಮಾಡಲಾಗುವುದು ಎಂದು ಹೇಳಿದರು.

ಪವನಾರದ ಬ್ರಹ್ಮವಿದ್ಯಾ ಮಂದಿರದ ಸ್ವಾತಂತ್ರ್ಯ ಹೋರಾಟಗಾರ್ತಿ ಚನ್ನಮ್ಮ ಹಳ್ಳಿಕೇರಿ ಅವರಿಗೆ ‘ವೀರಮಾತೆ ಅಕ್ಕನಾಗಲಾಂಬಿಕೆ ಪುರಸ್ಕಾರ’, ಬೆಂಗಳೂರಿನ ಆಟೊರಾಜಾಗೆ ‘ಕಾಯಕವೀರ ದಾಸೋಹಿ
ಶರಣ ಪುರಸ್ಕಾರ’ ಮತ್ತು ಮೈಸೂರಿನ ಗಿನ್ನಿಸ್ ದಾಖಲೆ ಯೋಗಾಸನ ಪಟು ಖುಷಿ ಹೇಮಚಂದ್ರ ಅವರಿಗೆ ‘ಚನ್ನಬಸವಣ್ಣ ಪ್ರತಿಭಾ ಪುರಸ್ಕಾರ’ ನೀಡಲಾಗುವುದು. ಮೂರೂ ಪುರಸ್ಕಾರಗಳು ತಲಾ ₹21 ಸಾವಿರ ನಗದು ಹಾಗೂ ಪ್ರಶಸ್ತಿ ಫಲಕವನ್ನು ಒಳಗೊಂಡಿವೆ ಎಂದು ತಿಳಿಸಿದರು.