ಕೇಂದ್ರ ಲೋಕಸೇವಾ ಆಯೋಗ, ಸಿಬ್ಬಂದಿ ನೇಮಕಾತಿ ಆಯೋಗ ಸೇರಿದಂತೆ ಹಲವು ನೇಮಕಾತಿ ಸಂಸ್ಥೆಗಳು ನೇಮಕಾತಿ ಪ್ರಕ್ರಿಯೆಯಲ್ಲಿ ಅಂಗವಿಕಲರಿಗೆ ಅತ್ಯಂತ ಕನಿಷ್ಠ ಅರ್ಜಿ ಶುಲ್ಕ (₹100) ನಿಗದಿ ಮಾಡುತ್ತವೆ. ಆದರೆ, ಕೆಇಎ ದುಬಾರಿ ಶುಲ್ಕ ನಿಗದಿ ಮಾಡಿದೆ. ಸಾಮಾನ್ಯ ವರ್ಗದ ಅಭ್ಯರ್ಥಿಗಳಿಗೆ ₹750 ಇದ್ದರೆ, ಪರಿಶಿಷ್ಟರು, ಅಂಗವಿಕಲರಿಗೆ ₹500 ಇದೆ. ತಕ್ಷಣ ತಿದ್ದುಪಡಿ ಮಾಡಿ, ಮರು ಅಧಿಸೂಚನೆ ಹೊರಡಿಸಬೇಕು ಎಂದು ರವಿ, ನಾಗರಾಜ್, ಕುಮಾರ್ ಮತ್ತಿತರರು ಒತ್ತಾಯಿಸಿದ್ದಾರೆ.