ಬೆಂಗಳೂರು: ನಾಯಕನಿಲ್ಲದ ಬಿಜೆಪಿ, ನಾವಿಕನಿಲ್ಲದ ಹಡಗು ಎರಡೂ ಒಂದೆ ಎಂದು ರಾಜ್ಯ ಕಾಂಗ್ರೆಸ್ ಘಟಕ ಕುಹಕವಾಡಿದೆ.
ಈ ಬಗ್ಗೆ ‘ಎಕ್ಸ್’ನಲ್ಲಿ ಬರೆದುಕೊಂಡಿರುವ ಕಾಂಗ್ರೆಸ್, ‘ನಾಯಕನಿಲ್ಲದ ಬಿಜೆಪಿ ನಾವಿಕನಿಲ್ಲದ ಹಡಗು ಎರಡೂ ಒಂದೇ, ಎರಡೂ ಮುಳುಗುತ್ತವೆ’ ಎಂದು ತಮಾಷೆ ಮಾಡಿದೆ.
‘ಹಳೆ ಅಧ್ಯಕ್ಷ ಭೂಗತರಾಗಿದ್ದಾರೆ. ಹೊಸ ಅಧ್ಯಕ್ಷರನ್ನು ಆಯ್ಕೆ ಮಾಡಲಾಗುತ್ತಿಲ್ಲ. ಒಟ್ಟಿನಲ್ಲಿ ಕರ್ನಾಟಕ ಬಿಜೆಪಿ ಪಕ್ಷ ಹೇಳೋರು ಕೇಳೋರು ಇಲ್ಲದ ಅನಾಥಾಲಯದಂತಾಗಿದೆ’ ಎಂದು ಹೇಳಿದೆ.
‘ಪಕ್ಷದ ಸದಸ್ಯರೇ ಅಲ್ಲದವರನ್ನು ಉಚ್ಚಾಟಿಸಿದ ಏಕೈಕ ಪಕ್ಷ ಬಿಜೆಪಿ, ಇಂತಹ ಕಾಮಿಡಿಗಳು ಬಿಜೆಪಿಯಲ್ಲಿ ಮಾತ್ರ ನೋಡಲು ಸಿಗುತ್ತದೆ’ ಎಂದು ವ್ಯಂಗ್ಯವಾಡಿದೆ.