ಈ 109 ಕೊಳೆಗೇರಿಗಳಲ್ಲಿ 22, 769 ಮನೆ/ ಗುಡಿಸಲುಗಳು ಇವೆ. 1,14,387 ನಿವಾಸಿಗಳು ಇದ್ದಾರೆ. ಈ ಘೋಷಿತ ಕೊಳೆಗೇರಿಗಳಲ್ಲಿಯೇ ಬಹುತೇಕ ಕುಟುಂಬಗಳು ಶೌಚಾಲಯಗಳನ್ನು ಹೊಂದಿಲ್ಲ. ಇನ್ನು ಅಘೋಷಿತ ಕೊಳೆಗೇರಿಗಳ ಸ್ಥಿತಿ ಕೇಳುವುದೇ ಬೇಡ. ನೀರಿನ ಸಮಸ್ಯೆ, ಯುಜಿಡಿ ಸಂಪರ್ಕ ಇಲ್ಲದಿರುವುದು, ಶೌಚ ಗುಂಡಿತೆಗೆಯಲು ಸ್ಥಳ ಇಲ್ಲದಿರುವುದು, ಶೌಚಾಲಯ ನಿರ್ಮಾಣಕ್ಕೆ ಸರ್ಕಾರವು ನಿಗದಿಪಡಿಸಿರುವ 4X4 ಜಾಗ ‘ದುಬಾರಿ’ ಆಗಿರುವುದರಿಂದ ಕೊಳೆಗೇರಿಗಳಲ್ಲಿ ಬಹುತೇಕರು ಶೌಚಾಲಯ ನಿರ್ಮಾಣಕ್ಕೆ ಮುಂದಾಗಿಲ್ಲ.