ಬೆಂಗಳೂರು: ‘ನಾನು ಇದೇ ಮೊದಲ ಬಾರಿಗೆ ಅಮೆರಿಕಕ್ಕೆ ಹೋಗುವವನಿದ್ದೆ. ಈ ವಿಚಾರದಲ್ಲಿ ನಮ್ಮ ವಿದೇಶಾಂಗ ವ್ಯವಹಾರಗಳ ಸಚಿವಾಲಯದಿಂದ ನನಗೆ ಸಹಕಾರ ದೊರೆತಿತ್ತು. ಆದರೆ, ಅಮೆರಿಕದ ಎಂಬೆಸ್ಸಿಯಿಂದ ಯಾವುದೇ ನೆರವು ಸಿಕ್ಕಿಲ್ಲ ಎಂದು ಅರುಣ್ ಬೇಸರ ವ್ಯಕ್ತಪಡಿಸಿದ್ದಾರೆ.
ಅರುಣ್ ಈ ತಿಂಗಳ ಅಂತ್ಯದಲ್ಲಿ 20 ದಿನಗಳ ಅಮೆರಿಕ ಪ್ರವಾಸ ಕೈಗೊಂಡಿದ್ದರು. ಅಮೆರಿಕದ ಕನ್ನಡ ಕೂಟ ಆಯೋಜಿಸಿದ್ದ 12ನೇ ಅಕ್ಕ ಸಮ್ಮೇಳನ ಸೇರಿದಂತೆ ಹಲವು ಕಾರ್ಯಕ್ರಮಗಳಲ್ಲಿ ಭಾಗವಹಿಸಲು ಅರುಣ್ ಯೋಜಿಸಿದ್ದರು ಎಂದು ಕುಟುಂಬ ತಿಳಿಸಿದೆ.
‘ವೀಸಾ ಪಡೆಯಲು ಅರ್ಜಿಯಲ್ಲಿನ ಎಲ್ಲಾ ಮಾಹಿತಿಯನ್ನು ಭರ್ತಿ ಮಾಡಿ ಅಗತ್ಯವಿರುವ ದಾಖಲೆಗಳನ್ನೂ ಒದಗಿಸಿದ್ದರು. ಆದರೂ ವೀಸಾ ದೊರಕಲಿಲ್ಲ. ವಿಸಾ ನಿರಾಕರಣೆಗೆ ಕಾರಣ ಏನು ಎಂಬುದು ಈವರೆಗೂ ತಿಳಿದುಬಂದಿಲ್ಲ’ ಎಂದು ಅರುಣ್ ಕುಟುಂಬ ಹೇಳಿರುವುದಾಗಿ ಪಿಟಿಐ ವರದಿ ಮಾಡಿದೆ.
