<p><strong>ನವದೆಹಲಿ</strong>: ಉಚ್ಚಾಟಿತ ಶಾಸಕ ಬಸನಗೌಡ ಆರ್ ಪಾಟೀಲ ಯತ್ನಾಳ ವಿರುದ್ಧದ ಮಾನನಷ್ಟ ಮೊಕದ್ದಮೆ ರದ್ದುಗೊಳಿಸಿದ ಕರ್ನಾಟಕ ಹೈಕೋರ್ಟ್ ಆದೇಶ ಪ್ರಶ್ನಿಸಿ ಸಕ್ಕರೆ ಸಚಿವ ಶಿವಾನಂದ ಎಸ್. ಪಾಟೀಲ ಸಲ್ಲಿಸಿದ್ದ ಮೇಲ್ಮನವಿಯನ್ನು ಸುಪ್ರೀಂ ಕೋರ್ಟ್ ಸೋಮವಾರ ವಜಾಗೊಳಿಸಿದೆ.</p><p>‘ನ್ಯಾಯಾಲಯದ ಹೊರಗೆ ನಿಮ್ಮ ರಾಜಕೀಯ ಹೋರಾಟಗಳನ್ನು ನಡೆಸಿ. ಇಲ್ಲಿ ಅಲ್ಲ ಎಂದು ಹಲವಾರು ಸಲ ಹೇಳಿದ್ದೇನೆʼ ಎಂದು ಮುಖ್ಯ ನ್ಯಾಯಮೂರ್ತಿ ಬಿ.ಆರ್.ಗವಾಯಿ ವಿಚಾರಣೆಯ ಸಂದರ್ಭದಲ್ಲಿ ಹೇಳಿದರು.</p><p>ಆಗ ಶಿವಾನಂದ ಪಾಟೀಲ ಪರ ವಕೀಲರು, ʼಕಕ್ಷಿದಾರರು ಸಂಪುಟ ದರ್ಜೆಯ ಸಚಿವರುʼ ಎಂದು ಗಮನ ಸೆಳೆದರು. ಆಗ ಸಿಜೆಐ, ‘ಹಾಗಿದ್ದರೆ ಏನು? ₹̄25 ಸಾವಿರ ದಂಡದೊಂದಿಗೆ ಅರ್ಜಿ ವಜಾಗೊಳಿಸಲಾಗಿದೆ’ ಎಂದು ಪ್ರಕಟಿಸಿದರು. ಸಚಿವರ ಪರ ವಕೀಲರು, ‘ಆದರೆ, ವಿಷಯ ಏನೆಂದರೆ’ ಎಂದರು. ‘ಸರಿ. ₹1 ಲಕ್ಷ. ನೀವು ಮಂತ್ರಿ ಎಂಬುದನ್ನು ಮರೆತಿದ್ದೇನೆ’ ಎಂದು ಸಿಜೆಐ ಛೇಡಿಸಿದರು. ವಕೀಲರು ಮತ್ತೆ ಮನವಿ ಮಾಡಲು ಮುಂದಾದರು. ಆಗ ಸಿಜೆಐ, ‘ಸರಿ ₹1 ಕೋಟಿ’ ಎಂದರು. ವಕೀಲರು ಮೈಲಾರ್ಡ್ ಎಂದಷ್ಟೇ ಹೇಳಿದರು. ₹10 ಕೋಟಿ ದಂಡ ಎಂದು ಗವಾಯಿ ಹೇಳಿದರು. ಆಗ ಸಚಿವರ ಪರ ವಕೀಲರು, ‘ಅರ್ಜಿ ಹಿಂಪಡೆಯುತ್ತೇನೆ’ ಎಂದರು. ಪೀಠವು ನಂತರ ದಂಡ ಮನ್ನಾ ಮಾಡಿ ಮೇಲ್ಮನವಿ ಹಿಂಪಡೆಯಲು ಅನುಮತಿ ನೀಡಿತು.</p><p>ಯತ್ನಾಳ ವಿರುದ್ಧದ ಮೊಕದ್ದಮೆಯನ್ನು ಹೈಕೋರ್ಟ್ 2024ರ ಸೆಪ್ಟೆಂಬರ್ 28ರಂದು ರದ್ದುಗೊಳಿಸಿತ್ತು. ಭಾರತೀಯ ನ್ಯಾಯ ಸುರಕ್ಷಾ ಸಂಹಿತೆ (ಬಿಎನ್ಎಸ್ಎಸ್) ಅಡಿಯಲ್ಲಿ ಕಾರ್ಯವಿಧಾನ ಅನುಸರಿಸದ ಕಾರಣ ಮಾನನಷ್ಟ ಮೊಕದ್ದಮೆ ರದ್ದುಗೊಳಿಸಲಾಗಿದೆ ಎಂದು ಹೇಳಿತ್ತು. </p><p>2023ರ ವಿಧಾನಸಭಾ ಚುನಾವಣೆಗೆ ಮುನ್ನ ನಡೆದ ಸಮಾವೇಶದಲ್ಲಿ ಯತ್ನಾಳ ಮಾನಹಾನಿಕರ ಹೇಳಿಕೆ ನೀಡಿದ್ದಾರೆ ಎಂದು ಆರೋಪಿಸಿ ಶಿವಾನಂದ ಪಾಟೀಲ ಮೊಕದ್ದಮೆ ಹೂಡಿದ್ದರು. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: ಉಚ್ಚಾಟಿತ ಶಾಸಕ ಬಸನಗೌಡ ಆರ್ ಪಾಟೀಲ ಯತ್ನಾಳ ವಿರುದ್ಧದ ಮಾನನಷ್ಟ ಮೊಕದ್ದಮೆ ರದ್ದುಗೊಳಿಸಿದ ಕರ್ನಾಟಕ ಹೈಕೋರ್ಟ್ ಆದೇಶ ಪ್ರಶ್ನಿಸಿ ಸಕ್ಕರೆ ಸಚಿವ ಶಿವಾನಂದ ಎಸ್. ಪಾಟೀಲ ಸಲ್ಲಿಸಿದ್ದ ಮೇಲ್ಮನವಿಯನ್ನು ಸುಪ್ರೀಂ ಕೋರ್ಟ್ ಸೋಮವಾರ ವಜಾಗೊಳಿಸಿದೆ.</p><p>‘ನ್ಯಾಯಾಲಯದ ಹೊರಗೆ ನಿಮ್ಮ ರಾಜಕೀಯ ಹೋರಾಟಗಳನ್ನು ನಡೆಸಿ. ಇಲ್ಲಿ ಅಲ್ಲ ಎಂದು ಹಲವಾರು ಸಲ ಹೇಳಿದ್ದೇನೆʼ ಎಂದು ಮುಖ್ಯ ನ್ಯಾಯಮೂರ್ತಿ ಬಿ.ಆರ್.ಗವಾಯಿ ವಿಚಾರಣೆಯ ಸಂದರ್ಭದಲ್ಲಿ ಹೇಳಿದರು.</p><p>ಆಗ ಶಿವಾನಂದ ಪಾಟೀಲ ಪರ ವಕೀಲರು, ʼಕಕ್ಷಿದಾರರು ಸಂಪುಟ ದರ್ಜೆಯ ಸಚಿವರುʼ ಎಂದು ಗಮನ ಸೆಳೆದರು. ಆಗ ಸಿಜೆಐ, ‘ಹಾಗಿದ್ದರೆ ಏನು? ₹̄25 ಸಾವಿರ ದಂಡದೊಂದಿಗೆ ಅರ್ಜಿ ವಜಾಗೊಳಿಸಲಾಗಿದೆ’ ಎಂದು ಪ್ರಕಟಿಸಿದರು. ಸಚಿವರ ಪರ ವಕೀಲರು, ‘ಆದರೆ, ವಿಷಯ ಏನೆಂದರೆ’ ಎಂದರು. ‘ಸರಿ. ₹1 ಲಕ್ಷ. ನೀವು ಮಂತ್ರಿ ಎಂಬುದನ್ನು ಮರೆತಿದ್ದೇನೆ’ ಎಂದು ಸಿಜೆಐ ಛೇಡಿಸಿದರು. ವಕೀಲರು ಮತ್ತೆ ಮನವಿ ಮಾಡಲು ಮುಂದಾದರು. ಆಗ ಸಿಜೆಐ, ‘ಸರಿ ₹1 ಕೋಟಿ’ ಎಂದರು. ವಕೀಲರು ಮೈಲಾರ್ಡ್ ಎಂದಷ್ಟೇ ಹೇಳಿದರು. ₹10 ಕೋಟಿ ದಂಡ ಎಂದು ಗವಾಯಿ ಹೇಳಿದರು. ಆಗ ಸಚಿವರ ಪರ ವಕೀಲರು, ‘ಅರ್ಜಿ ಹಿಂಪಡೆಯುತ್ತೇನೆ’ ಎಂದರು. ಪೀಠವು ನಂತರ ದಂಡ ಮನ್ನಾ ಮಾಡಿ ಮೇಲ್ಮನವಿ ಹಿಂಪಡೆಯಲು ಅನುಮತಿ ನೀಡಿತು.</p><p>ಯತ್ನಾಳ ವಿರುದ್ಧದ ಮೊಕದ್ದಮೆಯನ್ನು ಹೈಕೋರ್ಟ್ 2024ರ ಸೆಪ್ಟೆಂಬರ್ 28ರಂದು ರದ್ದುಗೊಳಿಸಿತ್ತು. ಭಾರತೀಯ ನ್ಯಾಯ ಸುರಕ್ಷಾ ಸಂಹಿತೆ (ಬಿಎನ್ಎಸ್ಎಸ್) ಅಡಿಯಲ್ಲಿ ಕಾರ್ಯವಿಧಾನ ಅನುಸರಿಸದ ಕಾರಣ ಮಾನನಷ್ಟ ಮೊಕದ್ದಮೆ ರದ್ದುಗೊಳಿಸಲಾಗಿದೆ ಎಂದು ಹೇಳಿತ್ತು. </p><p>2023ರ ವಿಧಾನಸಭಾ ಚುನಾವಣೆಗೆ ಮುನ್ನ ನಡೆದ ಸಮಾವೇಶದಲ್ಲಿ ಯತ್ನಾಳ ಮಾನಹಾನಿಕರ ಹೇಳಿಕೆ ನೀಡಿದ್ದಾರೆ ಎಂದು ಆರೋಪಿಸಿ ಶಿವಾನಂದ ಪಾಟೀಲ ಮೊಕದ್ದಮೆ ಹೂಡಿದ್ದರು. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
