ಬೆಂಗಳೂರು: ಉಪ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ಅವರಿಗೆ ಬುಧವಾರ ಜನ್ಮದಿನದ ಶುಭಾಶಯ ಕೋರಿರುವ ಉಪ ರಾಷ್ಟ್ರಪತಿ ಜಗದೀಪ್ ಧನಕರ್, ‘ರಾಷ್ಟ್ರಕ್ಕೆ ಸೇವೆ ಸಲ್ಲಿಸುವುದಕ್ಕಾಗಿ ನಿಮಗೆ ದೀರ್ಘ ಆಯಸ್ಸು ದೊರಕಲಿ’ ಎಂದು ಹಾರೈಸಿದ್ದಾರೆ.
ಬುಧವಾರ ಶಿವಕುಮಾರ್ ಅವರ ಜನ್ಮದಿನ. ಅವರಿಗೆ ಪತ್ರ ಬರೆದಿರುವ ಉಪ ರಾಷ್ಟ್ರಪತಿ, ‘ನಿಮಗೆ ಜನ್ಮದಿನದ ಶುಭಾಶಯಗಳು. ದೇವರು ನಿಮಗೆ ಸಂತೋಷ, ಆರೋಗ್ಯ ಕರುಣಿಸಲಿ’ ಎಂದು ಶುಭ ಕೋರಿದ್ದಾರೆ.
ಶಿವಕುಮಾರ್ ಅವರು ಉಪ ರಾಷ್ಟ್ರಪತಿಯವರ ಪತ್ರವನ್ನು ತಮ್ಮ ಸಾಮಾಜಿಕ ಮಾಧ್ಯಮ ಖಾತೆಗಳಲ್ಲಿ ಹಂಚಿಕೊಂಡಿದ್ದಾರೆ. ಧನಕರ್ ಅವರಿಗೆ ಮಾರೋಲೆ ಬರೆದಿರುವ ಉಪ ಮುಖ್ಯಮಂತ್ರಿ, ಶುಭಾಶಯ ಕೋರಿರುವುದಕ್ಕೆ ಧನ್ಯವಾದ ಹೇಳಿದ್ದಾರೆ.