<p><strong>ಬೀಜಿಂಗ್ (ಪಿಟಿಐ/ ಐಎಎನ್ಎಸ್): </strong>ಪ್ರಯಾಣಿಕರನ್ನು ಹೊತ್ತೊಯ್ಯುತ್ತಿದ್ದ ಚೀನಾದ ಹಡಗು ಚಂಡಮಾರುತದ ಹೊಡೆತಕ್ಕೆ ಸಿಲುಕಿ ಯಾಂಗ್ಜೆ ನದಿಯಲ್ಲಿ ಮುಳುಗಿದ್ದು, 400 ಕ್ಕೂ ಅಧಿಕ ಮಂದಿ ಜಲಸಮಾಧಿಯಾಗಿರುವುದಾಗಿ ಶಂಕಿಸಲಾಗಿದೆ.<br /> <br /> ದಕ್ಷಿಣ ಹುಬೇ ಪ್ರಾಂತ್ಯದಲ್ಲಿ ಸೋಮವಾರ ರಾತ್ರಿ 9.28ರ ಸುಮಾರಿಗೆ ಹಡಗು ಮುಳುಗಿದೆ ಎಂದು ಕ್ಸಿನ್ಹುವಾ ಸುದ್ದಿಸಂಸ್ಥೆ ತಿಳಿಸಿದೆ.ನಾಲ್ಕು ಮಹಡಿಗಳನ್ನು ಹೊಂದಿರುವ ‘ಈಸ್ಟರ್ನ್ ಸ್ಟಾರ್’ ಹಡಗು ನಾನ್ಜಿಂಗ್ನಿಂದ ಚಾಂಗ್ಕ್ವಿಂಗ್ಗೆ ಪ್ರಯಾಣಿಸುತ್ತಿತ್ತು.<br /> <br /> 47 ಸಿಬ್ಬಂದಿ ಸೇರಿದಂತೆ ಒಟ್ಟು 458 ಮಂದಿ ಹಡಗಿನಲ್ಲಿದ್ದರು. ಕ್ಯಾಪ್ಟನ್ ಮತ್ತು ಮುಖ್ಯ ಎಂಜಿನಿಯರ್ ಒಳಗೊಂಡಂತೆ 20 ಮಂದಿಯನ್ನು ರಕ್ಷಿಸಲಾಗಿದೆ. ಐವರು ಸಾವಿಗೀಡಾಗಿರುವುದು ಖಚಿತವಾಗಿದೆ.<br /> <br /> ‘ಹಡಗಿನಲ್ಲಿದ್ದ ಏಳು ಮಂದಿ ಈಜಿ ದಡ ಸೇರಿ ದುರಂತದ ಸುದ್ದಿಯನ್ನು ಇತರರಿಗೆ ತಲುಪಿಸಿದ್ದಾರೆ’ ಎಂದು ‘ಪೀಪಲ್ಸ್ ಡೈಲಿ’ ವರದಿ ಮಾಡಿದೆ.<br /> <br /> ದುರಂತಕ್ಕೆ ಸ್ಪಷ್ಟ ಕಾರಣ ತಿಳಿದುಬಂದಿಲ್ಲ. ಚಂಡಮಾರುತಕ್ಕೆ ಸಿಲುಕಿ ಹಡಗು ಮುಳುಗಿದೆ ಎಂದು ಕ್ಯಾಪ್ಟನ್ ತಿಳಿಸಿದ್ದಾರೆ. ‘ಗಾಳಿಯ ರಭಸಕ್ಕೆ ವಾಲತೊಡಗಿದ ಹಡಗು ಒಂದೆರಡು ನಿಮಿಷಗಳಲ್ಲಿ ತಲೆಕೆಳಗಾಯಿತು’ ಎಂಬುದು ಕ್ಯಾಪ್ಟನ್ ನೀಡಿರುವ ಹೇಳಿಕೆ.<br /> <br /> ‘ಹಡಗು ಎಷ್ಟೊಂದು ವೇಗದಲ್ಲಿ ಮುಳುಗಿತೆಂದರೆ, ಕ್ಯಾಪ್ಟನ್ಗೆ ಎಚ್ಚರಿಕೆಯ ಸಂದೇಶವನ್ನು ನೀಡಲು ಕೂಡಾ ಸಮಯ ಇರಲಿಲ್ಲ’ ಎಂದು ಯುಯಾಂಗ್ ರಕ್ಷಣಾ ಕೇಂದ್ರದ ಅಧಿಕಾರಿ ವಾಂಗ್ ಯಾಂಗ್ಶೆಂಗ್ ತಿಳಿಸಿದ್ದಾರೆ.<br /> <br /> ಚೀನಾ ಅಧ್ಯಕ್ಷ ಕ್ಸಿ ಜಿನ್ಪಿಂಗ್ ದುರಂತಕ್ಕೆ ಶೋಕ ವ್ಯಕ್ತಪಡಿಸಿದ್ದು, ರಕ್ಷಣಾ ಕಾರ್ಯಾಚರಣೆಯನ್ನು ಮುಂದುವರಿಸುವಂತೆ ಸೂಚಿಸಿದ್ದಾರೆ. ಮಾತ್ರವಲ್ಲ, ಸ್ಥಳಕ್ಕೆ ತೆರಳಿ ರಕ್ಷಣಾ ಕಾರ್ಯಕರ್ತರಿಗೆ ಸಲಹೆ ನೀಡುವಂತೆ ಹಿರಿಯ ಅಧಿಕಾರಿಗಳಿಗೆ ಆದೇಶಿಸಿದ್ದಾರೆ.<br /> <br /> ಪ್ರತಿಕೂಲ ಹವಾಮಾನದ ನಡುವೆಯೂ ರಕ್ಷಣಾ ಕಾರ್ಯಾಚರಣೆ ಮುಂದುವರಿದಿದೆ. 36 ನೌಕೆಗಳು ಮತ್ತು 117 ಬೋಟ್ಗಳನ್ನು ರಕ್ಷಣಾ ಕಾರ್ಯಾಚರಣೆಗೆ ಬಳಸಿಕೊಳ್ಳಲಾಗಿದೆ. 1,840 ಸೈನಿಕರು, 1,600 ಪೊಲೀಸರು ಮತ್ತು 1,000 ನಾಗರಿಕರು ಶೋಧ ಕಾರ್ಯಾಚರಣೆಗೆ ಕೈಜೋಡಿಸಿದ್ದಾರೆ.<br /> <br /> ಹಡಗು ಸಂಪೂರ್ಣ ತಲೆಕೆಳಗಾಗಿದೆಯಾದರೂ, ನೀರು ನುಗ್ಗದ ಕೆಲವು ಭಾಗಗಳಲ್ಲಿ ಜನರು ಜೀವಂತವಾಗಿರುವ ಸಾಧ್ಯತೆ ಇದೆ ಎನ್ನಲಾಗಿದೆ. ಅವರನ್ನು ರಕ್ಷಿಸುವ ಪ್ರಯತ್ನ ಮುಂದುವರಿದಿದೆ.<br /> <br /> ಹಡಗಿನಲ್ಲಿದ್ದ ಹೆಚ್ಚಿನವರು 60–70 ವರ್ಷ ವಯಸ್ಸಿನವರಾಗಿದ್ದಾರೆ. ಮುಳುಗು ತಜ್ಞರು ಸೋಮವಾರ ಮಧ್ಯರಾತ್ರಿ 65 ವರ್ಷ ವಯಸ್ಸಿನ ಮಹಿಳೆ ಹಾಗೂ ಮಂಗಳವಾರ ಮಧ್ಯಾಹ್ನ 80 ವರ್ಷದ ಮಹಿಳೆಯೊಬ್ಬರನ್ನು ರಕ್ಷಿಸಿದ್ದಾರೆ.<br /> <br /> ಶಾಂಘೈ ಮತ್ತು ಜಿಯಾಂಗ್ಕ್ಸು ಪ್ರಾಂತ್ಯಕ್ಕೆ ಸೇರಿದವರು ಹಡಗಿನಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿದ್ದರು. ಪ್ರಯಾಣಿಕರು ಅಲ್ಲದೆ 100 ಕ್ಕೂ ಅಧಿಕ ಪ್ರವಾಸಿಗರು ಇದ್ದರು. ಶಾಂಘೈನ ಕ್ಸೀಹಿ ಟ್ರಾವೆಲ್ ಏಜೆನ್ಸಿ ಪ್ರವಾಸ ಏರ್ಪಡಿಸಿತ್ತು.<br /> <br /> ಈಸ್ಟರ್ನ್ ಸ್ಟಾರ್ ಹಡಗು ಚಾಂಗ್ಕ್ವಿಂಗ್ ಈಸ್ಟರ್ನ್ ಶಿಪ್ಪಿಂಗ್ ಕಾರ್ಪೊರೇಷನ್ಗೆ ಸೇರಿದ್ದಾಗಿದೆ. ಈ ಕಂಪೆನಿ 1967 ರಿಂದಲೂ ಯಾಂಗ್ಜೆ ನದಿಯಲ್ಲಿ ಪ್ರಯಾಣಿಕರನ್ನು ಕರೆದೊಯ್ಯುತ್ತಿತ್ತು. 534 ಮಂದಿಯನ್ನು ಹೊತ್ತೊಯ್ಯುವ ಸಾಮರ್ಥ್ಯ ಈ ಹಡಗಿಗೆ ಇತ್ತು. ಹಡಗಿನಲ್ಲಿ ಸಾಮರ್ಥ್ಯಕ್ಕಿಂತ ಅಧಿಕ ಮಂದಿ ಇರಲಿಲ್ಲ ಮತ್ತು ಸಾಕಷ್ಟು ಜೀವರಕ್ಷಕ ಕವಚಗಳು ಇದ್ದವು ಎಂಬುದು ಆರಂಭಿಕ ತನಿಖೆಯಿಂದ ತಿಳಿದುಬಂದಿದೆ.<br /> <br /> <strong>ಮೋದಿ ದಿಗ್ಭ್ರಮೆ</strong><br /> ಭಾರತದ ಪ್ರಧಾನಿ ನರೇಂದ್ರ ಮೋದಿ ಅವರು ಈ ಘಟನೆಗೆ ಆಘಾತ ವ್ಯಕ್ತಪಡಿಸಿದ್ದಾರೆ. ‘ಚೀನಾದ ಪ್ರಯಾಣಿಕ ಹಡಗು ಮುಳುಗಿರುವ ಸುದ್ದಿ ತಿಳಿದು ಆಘಾತವಾಗಿದೆ. ಹಡಗಿನಲ್ಲಿದ್ದವರು ಸುರಕ್ಷಿತವಾಗಿರಲಿ ಎಂದು ಪ್ರಾರ್ಥಿಸುತ್ತೇನೆ’ ಎಂದು ಮೋದಿ ‘ಟ್ವೀಟ್’ ಮಾಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೀಜಿಂಗ್ (ಪಿಟಿಐ/ ಐಎಎನ್ಎಸ್): </strong>ಪ್ರಯಾಣಿಕರನ್ನು ಹೊತ್ತೊಯ್ಯುತ್ತಿದ್ದ ಚೀನಾದ ಹಡಗು ಚಂಡಮಾರುತದ ಹೊಡೆತಕ್ಕೆ ಸಿಲುಕಿ ಯಾಂಗ್ಜೆ ನದಿಯಲ್ಲಿ ಮುಳುಗಿದ್ದು, 400 ಕ್ಕೂ ಅಧಿಕ ಮಂದಿ ಜಲಸಮಾಧಿಯಾಗಿರುವುದಾಗಿ ಶಂಕಿಸಲಾಗಿದೆ.<br /> <br /> ದಕ್ಷಿಣ ಹುಬೇ ಪ್ರಾಂತ್ಯದಲ್ಲಿ ಸೋಮವಾರ ರಾತ್ರಿ 9.28ರ ಸುಮಾರಿಗೆ ಹಡಗು ಮುಳುಗಿದೆ ಎಂದು ಕ್ಸಿನ್ಹುವಾ ಸುದ್ದಿಸಂಸ್ಥೆ ತಿಳಿಸಿದೆ.ನಾಲ್ಕು ಮಹಡಿಗಳನ್ನು ಹೊಂದಿರುವ ‘ಈಸ್ಟರ್ನ್ ಸ್ಟಾರ್’ ಹಡಗು ನಾನ್ಜಿಂಗ್ನಿಂದ ಚಾಂಗ್ಕ್ವಿಂಗ್ಗೆ ಪ್ರಯಾಣಿಸುತ್ತಿತ್ತು.<br /> <br /> 47 ಸಿಬ್ಬಂದಿ ಸೇರಿದಂತೆ ಒಟ್ಟು 458 ಮಂದಿ ಹಡಗಿನಲ್ಲಿದ್ದರು. ಕ್ಯಾಪ್ಟನ್ ಮತ್ತು ಮುಖ್ಯ ಎಂಜಿನಿಯರ್ ಒಳಗೊಂಡಂತೆ 20 ಮಂದಿಯನ್ನು ರಕ್ಷಿಸಲಾಗಿದೆ. ಐವರು ಸಾವಿಗೀಡಾಗಿರುವುದು ಖಚಿತವಾಗಿದೆ.<br /> <br /> ‘ಹಡಗಿನಲ್ಲಿದ್ದ ಏಳು ಮಂದಿ ಈಜಿ ದಡ ಸೇರಿ ದುರಂತದ ಸುದ್ದಿಯನ್ನು ಇತರರಿಗೆ ತಲುಪಿಸಿದ್ದಾರೆ’ ಎಂದು ‘ಪೀಪಲ್ಸ್ ಡೈಲಿ’ ವರದಿ ಮಾಡಿದೆ.<br /> <br /> ದುರಂತಕ್ಕೆ ಸ್ಪಷ್ಟ ಕಾರಣ ತಿಳಿದುಬಂದಿಲ್ಲ. ಚಂಡಮಾರುತಕ್ಕೆ ಸಿಲುಕಿ ಹಡಗು ಮುಳುಗಿದೆ ಎಂದು ಕ್ಯಾಪ್ಟನ್ ತಿಳಿಸಿದ್ದಾರೆ. ‘ಗಾಳಿಯ ರಭಸಕ್ಕೆ ವಾಲತೊಡಗಿದ ಹಡಗು ಒಂದೆರಡು ನಿಮಿಷಗಳಲ್ಲಿ ತಲೆಕೆಳಗಾಯಿತು’ ಎಂಬುದು ಕ್ಯಾಪ್ಟನ್ ನೀಡಿರುವ ಹೇಳಿಕೆ.<br /> <br /> ‘ಹಡಗು ಎಷ್ಟೊಂದು ವೇಗದಲ್ಲಿ ಮುಳುಗಿತೆಂದರೆ, ಕ್ಯಾಪ್ಟನ್ಗೆ ಎಚ್ಚರಿಕೆಯ ಸಂದೇಶವನ್ನು ನೀಡಲು ಕೂಡಾ ಸಮಯ ಇರಲಿಲ್ಲ’ ಎಂದು ಯುಯಾಂಗ್ ರಕ್ಷಣಾ ಕೇಂದ್ರದ ಅಧಿಕಾರಿ ವಾಂಗ್ ಯಾಂಗ್ಶೆಂಗ್ ತಿಳಿಸಿದ್ದಾರೆ.<br /> <br /> ಚೀನಾ ಅಧ್ಯಕ್ಷ ಕ್ಸಿ ಜಿನ್ಪಿಂಗ್ ದುರಂತಕ್ಕೆ ಶೋಕ ವ್ಯಕ್ತಪಡಿಸಿದ್ದು, ರಕ್ಷಣಾ ಕಾರ್ಯಾಚರಣೆಯನ್ನು ಮುಂದುವರಿಸುವಂತೆ ಸೂಚಿಸಿದ್ದಾರೆ. ಮಾತ್ರವಲ್ಲ, ಸ್ಥಳಕ್ಕೆ ತೆರಳಿ ರಕ್ಷಣಾ ಕಾರ್ಯಕರ್ತರಿಗೆ ಸಲಹೆ ನೀಡುವಂತೆ ಹಿರಿಯ ಅಧಿಕಾರಿಗಳಿಗೆ ಆದೇಶಿಸಿದ್ದಾರೆ.<br /> <br /> ಪ್ರತಿಕೂಲ ಹವಾಮಾನದ ನಡುವೆಯೂ ರಕ್ಷಣಾ ಕಾರ್ಯಾಚರಣೆ ಮುಂದುವರಿದಿದೆ. 36 ನೌಕೆಗಳು ಮತ್ತು 117 ಬೋಟ್ಗಳನ್ನು ರಕ್ಷಣಾ ಕಾರ್ಯಾಚರಣೆಗೆ ಬಳಸಿಕೊಳ್ಳಲಾಗಿದೆ. 1,840 ಸೈನಿಕರು, 1,600 ಪೊಲೀಸರು ಮತ್ತು 1,000 ನಾಗರಿಕರು ಶೋಧ ಕಾರ್ಯಾಚರಣೆಗೆ ಕೈಜೋಡಿಸಿದ್ದಾರೆ.<br /> <br /> ಹಡಗು ಸಂಪೂರ್ಣ ತಲೆಕೆಳಗಾಗಿದೆಯಾದರೂ, ನೀರು ನುಗ್ಗದ ಕೆಲವು ಭಾಗಗಳಲ್ಲಿ ಜನರು ಜೀವಂತವಾಗಿರುವ ಸಾಧ್ಯತೆ ಇದೆ ಎನ್ನಲಾಗಿದೆ. ಅವರನ್ನು ರಕ್ಷಿಸುವ ಪ್ರಯತ್ನ ಮುಂದುವರಿದಿದೆ.<br /> <br /> ಹಡಗಿನಲ್ಲಿದ್ದ ಹೆಚ್ಚಿನವರು 60–70 ವರ್ಷ ವಯಸ್ಸಿನವರಾಗಿದ್ದಾರೆ. ಮುಳುಗು ತಜ್ಞರು ಸೋಮವಾರ ಮಧ್ಯರಾತ್ರಿ 65 ವರ್ಷ ವಯಸ್ಸಿನ ಮಹಿಳೆ ಹಾಗೂ ಮಂಗಳವಾರ ಮಧ್ಯಾಹ್ನ 80 ವರ್ಷದ ಮಹಿಳೆಯೊಬ್ಬರನ್ನು ರಕ್ಷಿಸಿದ್ದಾರೆ.<br /> <br /> ಶಾಂಘೈ ಮತ್ತು ಜಿಯಾಂಗ್ಕ್ಸು ಪ್ರಾಂತ್ಯಕ್ಕೆ ಸೇರಿದವರು ಹಡಗಿನಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿದ್ದರು. ಪ್ರಯಾಣಿಕರು ಅಲ್ಲದೆ 100 ಕ್ಕೂ ಅಧಿಕ ಪ್ರವಾಸಿಗರು ಇದ್ದರು. ಶಾಂಘೈನ ಕ್ಸೀಹಿ ಟ್ರಾವೆಲ್ ಏಜೆನ್ಸಿ ಪ್ರವಾಸ ಏರ್ಪಡಿಸಿತ್ತು.<br /> <br /> ಈಸ್ಟರ್ನ್ ಸ್ಟಾರ್ ಹಡಗು ಚಾಂಗ್ಕ್ವಿಂಗ್ ಈಸ್ಟರ್ನ್ ಶಿಪ್ಪಿಂಗ್ ಕಾರ್ಪೊರೇಷನ್ಗೆ ಸೇರಿದ್ದಾಗಿದೆ. ಈ ಕಂಪೆನಿ 1967 ರಿಂದಲೂ ಯಾಂಗ್ಜೆ ನದಿಯಲ್ಲಿ ಪ್ರಯಾಣಿಕರನ್ನು ಕರೆದೊಯ್ಯುತ್ತಿತ್ತು. 534 ಮಂದಿಯನ್ನು ಹೊತ್ತೊಯ್ಯುವ ಸಾಮರ್ಥ್ಯ ಈ ಹಡಗಿಗೆ ಇತ್ತು. ಹಡಗಿನಲ್ಲಿ ಸಾಮರ್ಥ್ಯಕ್ಕಿಂತ ಅಧಿಕ ಮಂದಿ ಇರಲಿಲ್ಲ ಮತ್ತು ಸಾಕಷ್ಟು ಜೀವರಕ್ಷಕ ಕವಚಗಳು ಇದ್ದವು ಎಂಬುದು ಆರಂಭಿಕ ತನಿಖೆಯಿಂದ ತಿಳಿದುಬಂದಿದೆ.<br /> <br /> <strong>ಮೋದಿ ದಿಗ್ಭ್ರಮೆ</strong><br /> ಭಾರತದ ಪ್ರಧಾನಿ ನರೇಂದ್ರ ಮೋದಿ ಅವರು ಈ ಘಟನೆಗೆ ಆಘಾತ ವ್ಯಕ್ತಪಡಿಸಿದ್ದಾರೆ. ‘ಚೀನಾದ ಪ್ರಯಾಣಿಕ ಹಡಗು ಮುಳುಗಿರುವ ಸುದ್ದಿ ತಿಳಿದು ಆಘಾತವಾಗಿದೆ. ಹಡಗಿನಲ್ಲಿದ್ದವರು ಸುರಕ್ಷಿತವಾಗಿರಲಿ ಎಂದು ಪ್ರಾರ್ಥಿಸುತ್ತೇನೆ’ ಎಂದು ಮೋದಿ ‘ಟ್ವೀಟ್’ ಮಾಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>